رفع الشنطة تاع الاب وحط علبة السبيكرات جنب الباب تاع القاعة ع جيت واحد من الشباب
فرج: خوذ هذا للقسم توا انجي وراك
حنين: شكرا دكتور معليش عطلتك
فرج: مش مشكله
خذا تليفونه وطلع من القاعة للقسم وهو عقله مع أميرة
طلعت حنين من القاعة وعينها ع فرج
وصلت للحوش وهي منتهيه من التعب والتفكير
أميرة: وبعدين يعني طلعوا هله مش موافقين عليا وعليش شن صار كني شن ناقصني عشان يرفضوني الحمدلله اني مانبيه واجد ولا ميته عليه كان قلبي انكسر توا صح نحنا مش عيله كبيرة ولا خويا متعلم ولا محترم لكن نا واسراء كويسات ومحترمات عليش بس ساهل الحمدلله ماعندي ع المكر كان خذيته غصبن عنهم خصوصا امه هذه وطلعت دايره روحها طيبه وحنونه وهيا هابا عليها
إسراء: روحتي
أميرة: اها كنك
إسراء: جاين عرب عشان يخطبوك
أميرة: باه
إسراء: صاحب خوك
أميرة: باه
إسراء: أمي اموافقة وباتي قال كان وافقتي اموافق
أميرة: باه
إسراء: ولد عيله ويبيك باللي عليك هك قال خوك
أميرة: يعني نا لو نبي نتزوج ماجاني والي قاعدة من كم سنه ماده وجهي وتوا جوني مع بعضهم
إسراء: من غير فرج
أميرة: واحد اسمه عز خطفته من صافية 😹
إسراء: كذابه😹
أميرة: والله
إسراء: تستاهل الحيوانه بعد اللي داراته 💦
أميرة: خليها الوسخه توا انسلطه عليها
إسراء: خليها بينها بين ربي
أميرة: المؤمن القوي أحب إلى الله من المؤمن الضعيف 😉
إسراء: شنو اتوافقي ع العريس
أميرة: كان نبي را انوافق ع فرج ع الأقل هو خاتم في يدي 🤚🏻
إسراء: ربي ايحاسبك ع اللي اديري فيه في فرج والله ما يستاهل
أميرة: شن اندير حطيته في اعيوني الاثنين ومصكره عليه
إسراء: يجري وراك وخلاص مش معقب حاجه ومش دايرها لك ومدللك دلال ماتحلم بيه بنت
أميرة: وتحسابي بعد الزواج بيقعد هكي 😏
إسراء: جربي وشوفي
أميرة: مسكينه نبي نقعد الحاجه اللي ماقدرش ايحصل عليها نقعد في باله ديما انحرك قلبه ع نار يحلم بيا وهو واعي وكل ما يبرد مني انزيد عليه النار انتي ماتعرفيش فرج هذا امتعب بنات ياما وربي دزني عشان ايتوب ع يدي فاهمه
إسراء: مالك ومال هذا كله تزوجيه
أميرة: الزواج يقتل الحب وبعدين نا خايفة يتزوج عليا زي باتك مادار مع امك وانتي عارفه السبب
إسراء: عليك اهبال مستحيل فرج ايديرها
أميرة: عند هنا فيش مستحيل عليهم هذا جنس حقيييير ممكن جدا نسمع انه خطب في اي لحظه وفرحه بعد شهر هم بلا سبب مش مضمونين يابال بسبب
إسراء: انتي قوليله واكيد بيفهم عليكي لكن هك طبيعي بعد اللي اديري فيه هذا يلقى وحده اتحبه صح واتخاف عليه
أميرة: مستحيل انقوله حاجه جو الأفلام مانحبيش وان شاء الله يلقى اللي اتحبه😕
إسراء: تعرفي انك حقيرة نحسابك اتحبيه😏
أميرة: عارفه اني حقيره والله انحبه بس مش هك فاهمه حاجه
إسراء: مبردك
ركب لسيارة لقاها اتفتش في شنطتها
أحمد: تاخرت عليكي
صكرت شنطتها
رحمه: اها
أحمد: هذا كله عطر شنو هذا رآنا في الشارع
رحمه: هو خفيف اصلا توا يختفي بعد اشويا
أحمد: حتى كان خففي منه
رحمه: ايصير خير
أحمد: خوذي كلمي امك قوليلها باتي يبيك ع الغذاء
رحمه: مانقدرش
أحمد: كيف
رحمه: قصدي لازم نقرا خليها مره اخرى
أحمد: اجليها بكرا
رحمه: لا نا ضروري نقرا
هي كانت خايفه من امها ماتحبيش عيله باتها بكل كلهم تكرهم كلهم كلهم
أحمد: خلاص اتروحي ع المغرب مانبوش ناكلوك تتغذي معانا بس
اتصلت باامها ضرب وردتش عليها
رحمه: خلاص ماتردش خليها مره اخرى حتى انكون عابيه عليها وانكون لابسه ومجهزه روحي
أحمد: أكثر من هك شنو
رحمه: شن قصدك
أحمد: اتصلي من جديد هيا
رحمه: باه
رنت على أمها وردت
رحمه: ماما
انتصار: جاء خالك
رحمه: لا غير
انتصار: شنو في كنك
رحمه: ما هو
انتصار: كنك تكلمي
رحمه: هذا دكتور أحمد قال عمي يبيني ع الغذاء
انتصار: اي غذاء هذا العصر قريب يأذن توا اتروحي للحوش
لفت وجها لأحمد اتشوف فيه سمع ولا لا غيرت التلفون للجه الاخرى وكان شكله سمع
رحمه: ما هو
انتصار: ما هو شنو توا اتروحي كيف خطرتي عليهم توا عرفوا ان عندهم بنت بعد شنو اتردي توا فاهمه
رحمه: ماما انشوفه وانروح ع طول
انتصار: كان مشيتي غادي ماتروحش
رحمه: توا انجي
صكرت من امها
رحمه: لو سمحت ردني لحوشنا ماما مش اموافقة
أحمد: عمك كلمني وقالي انجيبك انتهى الكلام
رحمه: بس من امتى تعرفوني اصلا
أحمد: اتصلي بيها وقوليلها عمي حلف عليا
رحمه: بس
أحمد: كلميها
رحمه: روحني لحوشنا ولا نزلني هنا مانبيش مشاكل مع ماما عشان اي شيء
أحمد: هلك قعدوا اي شيء
رحمه: نا ماعنديش هل نا عندي خوالي وماما بس
أحمد: هيا اتصلي
رحمه: ماما هذا قال عمي حلف انه ايجيبني وكلمته
انتصار: توا انجيك نا وخالك انجيبك
رحمه: فيش داعي توا انسلم وانروح ع طول
انتصار: ماتاكلي شيء عندهم فاهم
رحمه: باه
انتصار: كان عطوك اي شيء ماتاخذيش فاهمه
رحمه: باه
انتصار: ايجي خالك وانجي ناخذك
رحمه: ماما ماتعبيش خالي توا ايروحني هذا
لفت عليها ورفع حاجبه
رحمه: دكتور أحمد قصدي
انتصار: اياذن العصر ماجيتي انجي ناخذك
رحمه: باه
أحمد: ها شن قالت
رحمه: ع العصر انروح
ضرب فون أحمد
رحمه: ايرن
أحمد: فرج
فرج: وينك انت
أحمد: اشويا وجاي في شيء
فرج: اوك غير ميت جوع مانبيش نستنى حد
أحمد: جاي قريب نوصل انت امتى روحت
فرج: توا دخلت للحوش
صكر الفون ولفت عليها حسها خايفة بعد تليفونها مع امها
أحمد: كنك؟
رحمه: كني؟
أحمد: شكلك اتخافي منها
رحمه: انخاف ع زعلها ماعندي حد غيرها
أحمد: وباتك
رحمه: اسمه بعد اسمي هذا هو
