اسراء: ماما بالله بالله سادنا نكد خلاااص بالله
مبروكة: باه .. ربي ينظر في حالي انا مش عارفه نلقاها من شنو ولا من شنو قالوها هم البنات للممات ياريتني جبتكن رجاله راني متريحه توا
دخلت للمطبخ وسيبتها وهي بروحها دخلت لدارهن وصكرت وراها الباب
اسراء: أميرة هييي انتي
أميرة: هااا شن تبي
اسراء: هذا جابه فرج بارك الله فيه مش متحمل في أشكالك
أميرة: باه كملتي جيبلي اميه
اسراء: امك تندب برا عليه
أميرة: نا وفرج خلاص انتهينا فهميها امك وجينا بنات وخلاص وتحلم اتكون زي مرت باتك الفالحة جابتهم خمسه خمممممممممممسه سمعتي ✋🏻✋🏻
اسراء: باه كملتي الهي في روحك
طلعت اتجيبلها اميه ع ضربت فونها
أميرة: نعم
صافية: انتي عطيتي صورتي لاحد
أميرة: نا لا لا ابدا عمري ما انديرها
صافية: أميرة
أميرة: هااا
صافية: عز قالي انك عطيتيه صورتي
أميرة: اي عز؟
صافية: نحكي معاك زي الناس احكي معايا اكويس
أميرة: نا تعبانه مش فاضية للتافة تاعك بنصكر
صافية: اقسم بالله اندمك عليها أميرة
أميرة: اللي يلعب بالنار ما ايقولش انحرقت وهذه بدايتها
صافية: شن درتلك نا بس
أميرة: ما هو نا بنت الحرام اللي واخدة اسمك وباعته صورك لواحد ياوسخة .. مش انتي هذه .. صح؟
صافية: انا
أميرة: اسمعي يابنت الكلب ويا اللي الكلب ماعرفيش ايربيك فضحتك قدام عزو تاعك هذا
باه وعطيته اوسخ صورك اللي في جهازي عشان تعرفي مع من تلعبي فاهمه اتفوووو
صافية: نا مش قصدي
أميرة: ولا قصدك مش فارقة اصلا مش اول مرة اديريها بس توا عرفت من لكن صبرك عليا وزي ما ايقولوا دير الشر وارعاه
صكرت عليها الفون وحطاته صامت جاها مسج مسنجر
عز: ميرا
صكرت الواي فاي ع دخلت اسراء بالميه
أميرة: اخيرا
اسراء: انتي كويسه
أميرة: اها هاتي هذه نا كان رقدت لو من جاء ماتكلمنيش
اسراء: باه 😒
عدا كم يوم على اللي صار بين صافية وأميرة هي تبي تذكر كيف صورها وصلن لصافية مش مذكرة وهذا ع طول اينبه عليها فرج ماتصوريش لا في فونها ولا في اي فون ومع هك أتصور عادي بس عند صافية مش مصورة من قبل
لبست عشان تمشي للعمل ماهو هي معيده في نفس الجامعة مع فرج صح انه هو اللي خلصلها كل امورها عشان تقعد معيده بس هي البنت ذكية يعني تستاهل
وصلت لجامعة جت متاخرة ع غير العادة الحافلة تاخرت عليها دخلت من البوابه لان الحافلات ممنوع يدخلوا لحرم الجامعة بعد مشكلة صارت بين اثنين ع مكان سياره نزلت ومشيت فيسع قص طريقها واحد كانت تعرفيش
عز: ميرا بالله نحكوا شويا
أميرة: انت شن تبي مش عرفت انها صافية مش نا
كانت تحكي معاه بصوت واطي
عز: بس نا حبيت صورتك انتي وكنت متخيلك انتي
أميرة: بس هي اللي كانت ترقد ع صوتك وهذا مكان عملي لو سمحت حول من طريقي
عز: ميرا بالله
أميرة: مبروك الدلاله بينا يعني ميرا وجوك حلو وطي صوتك
عز: ميرا انجيب هلي والله غير قولي باه بكرا انجيب هلي
قعدت تلفت يمين ويسار حمدت ربي انه مافي حد قريب منها ولا يتسمع عليهم كان الكل لهي في روحه الدنيا حمو هي كانت متاخرة واكيد الكل في المحاضرات تاعهم توا والباقي اللي قاعدين اكيد عندهم خدمه لو جاها ع بداية المحاضرة كانت الدنيا كلها شاهدة ع جيته
أميرة: اسمع نا نبش نتزوج منك وعدي لصافية هي مناسبة اكثر مني
فرج: أستاذة أميرة في حد امضايقك
كان واقف فرج وراها لانه كان مشغول عليها واستناها توصل للجامعة بعد ما عرف من اسراء انها جايه جاها كيف الكف صدمها صوته اللي وراها واول مره ايقوللها أستاذه يعني أكيد سمعها
أميرة: شكرا توا انحل الموضوع وحدي
عز: ميرا بالله اتفكري عشان خاطري باه صلي استخارة والله نا ولد ناس
أميرة: قتلك مافيش نصيب
عز: ميرا
فرج طلق تصفيره للسكيورتي " الأمن " ومسك يده وشير للشباب اللي ع البوابه أميرة وجها قعد حمر انحرجت عشان منظرها لانه اللي مش منتبه انتبه بعد اللقطة اللي دارها فرج
فرج: قالتلك ماتبيش مش قوه خلي عندك كرامة 😉
جو اتنين شباب يجرؤ وواحد ثاني من جنب الكافي
حسين: دكتور في مشكله
فرج: لا احسونه الجو تمام
حسين: اي حاجه نا جاهز
فرج: هذا العشم فيك طلعوا هذا برا
عطى تفنيصه لعز
فرج: معقولة ياشباب اي حد يقدر يدخل لجامعة هك نا عارفها سايبة بس مش لدرجة هذه
عبدو: معليش يادكتور حقك علينا
طلعوا الشباب عز برا
كانت تستنى يسألها اي شيء بس ما قال ولا شيء مشيت جنبه لعند قريب يوصلوا للمبنى
الخاص بالكليه والعيون عليهم
فرج: مش نا بس طلعت نلهت وراك
أميرة: حشاك
وجعتهااا كلمته جت ضربة وسط قلبها سيبها ودخل دخلت وراه
عبدالسلام: صباح الخير دكتور فرج
فرج: صباح الخير أستاذ
عبدالسلام: كنت نبيك في موضوع هك
فرج: خير ان شاء الله
عبدالسلام: لا من جهة خير فهو خير
بحت في اللي واقفه معاهم وتسمع كانت
فرج: خلاص بعد المحاضرة انشوفك
عبدالسلام: تمام
طلع وسيبهم في الممر اللي كان مش فاضي والشباب داخله وطالعه
أميرة: فرج
فرج: أوكي انا عندي محاضرة والشباب اكيد يستنوا فيا من نص ساعة
أميرة: باه ع راحتك
دخل للمحاضرة وصكر باب القاعة عليها كانت واقفه برا قاعته خنقتها العبرة كانت بتبكي ما كانتش تبي ينتهى الموضوع هك جاها عقلها ولقيت روحها مش في قسمها اصلا طلعت عرفتش وين تمشي دخلت للقسم اللغة العربية لقيت مجموعة بنات 4 بس في القاعة والشباب كانوا في الممرات ع دخلتها اصلا القسم هذا فيش عليه إقبال
أميرة: سلام
البنات: وعليكم السلام
أميرة: معليش عارفة اني تاخرت متأسفة بس ممكن بعد ربع ساعة نبدو المحاضرة نا مش جهازه توا
سارة: شكلك تعبانه
أميرة: يعني اشويا
طلعن البنات بدون صوت بعد خمس دقايق من الصمت وصكرن الباب انهارت تبكي زعلت ع روحها وع شكلها قدام فرج معقوله ايصدق انها ممكن اتكون من النوع هذا صح انها اتحب اتخليه ديما يسال عليها وديما طلباتها أوامر لكن معاه هو بس هك مش مع اي واحد طلعت فونها وكتبتله مسج " نبيك بعد المحاضرة ممكن اتجيني للقاعة 9
طلعت المراية وشافت وجها مسحت ادموعها وشربت اميه وبعد ربع ساعه فعلا عطت المحاضرة
هذا السمستر الأول لها تعطي فيه محاضرات وكان الموضوع صعب عليها بس فرج قاللها عادي ديما في البداية اي شيء ايكون صعب استنته بس ما جاء حد استغربت عمره مادارها من قبل شافت الساعة وعدت سألت عليه لقياته مازال جوا المحاضرة خبطت الباب ودخلت
أميرة: ممكن دقيقة
القاعة كانت هدووووء وكانت دفعة الانجليزي هذه كبيرة اللي هي السمستر الثالث
فرج: لا مش توا أستاذة
أميرة: معليش استاذي بس دقيقة
فرج: اوك شباب رست " استراحة" ربع ساعة ربع ساعة
حنين: لكن دكتور انت اليوم متأخر
فرج: ربع ساعة بس
طلعوا مجموعة من القاعة وكان في اشويا تماطل في الطلعه عشان ايراقبوا المستجدات بينهم
فرج: الشباب اللي بتطلعوا ربع ساعة بس
فرج: وين هنا
بصوته الواطي
أميرة: قتلك نا في القاعة 9 تعال غادي
فرج: امتى
أميرة: مسج شوف الفون توا تلقاه
طلعت وفرج وراها دخلت ولقت القاعة فيها بس أوراقها والشنطة تاعها وخلى باب القاعة مردود
فرج: مش محتاجه اتبرري اي شيء توا انا فهمت واللي صار صار في النهايه هلي اصلا مش موافقين عليكي من الاول
أميرة: لا مش قصة زواج انت عارف اني مش متاع بيت وعيال وراجل وغذاء وعشاء ولا جوي انكون كنه لأي عيله خصوصا هلك مستحيل مش جوي
فرج: عليش الغلط توا
أميرة: انت اللي بديت تغلط ونا عفيتك من الاحراج فيش داعي تزعل مع هلك عشاني وتتزوجني غصب عليهم
فرج: ما انا فهمت متاخر كنت نحساب تستاهلي ننحرج معاهم عشانك
أميرة: اكثر حد يعرف اني نستاهل انت
فرج: لا لا اطمني توا مانعرفيش
أميرة: فرج كنك
فرج: معصب بكل مانبيش نغلط فيك بالله نحكوا بعدين
أميرة: تغلط فيا عليش شن صار
فرج: أميرة نا جيت عشان مش عارف انقولك لا
أميرة: هذا عز
فرج: سمعت
أميرة: متعرف ع وحده ويحسابني نا
فرج: اللي هيا ميرا وبصدفه تطلع انتي
أميرة: قصدك هازي انت صح
فرج: اسمعي
خبط الباب لفتت أميرة اتشوف من
حنين: دكتور المحاضرة الربع ساعة كملوا
أميرة: اطلعي برا بعد نطلعوا توا ايجيكم
حنين: دكتور
أميرة: شنو ماتسمعش انتي بدال الجامعة مفروض اتكوني في مركز الصم والبكم
فرج: حنين استني برا
لفت وجها لفرج ورفعت حاجبها
حنين: عشانك بس يادكتور نسكت طلعت وصكرت الباب وراها
أميرة: حنين ما شاء الله تمام
فرج: وين ماشية
أميرة: لا خلاص خليك مع حنين هذه
فرج: شنو تقلبي فيها عليا توا
أميرة: لا عليا ولا عليك ربي ايسهلك فتحت الباب مسك يدها
فرج: بلا صغر عقل تعالي
أميرة: اطلقني ... حول يدك
فرج: أميرة ادخلي نحكوا
أميرة: اطلقني مش ع أساس نحكوا بعدين
فرج: باه اوك
وكانت حنين واقفه مقابله
حنين: نقدروا ناخذوا المحاضرة توا تأخرنا نبو انروحوا 😏
لفت وجها لفرج
أميرة: هذه مش رح تحضر المحاضرة
فرج: أميرة وطي صوتك الشباب يتفرجوا علينا
أميرة: وهذه
فرج: رح انطلعها من المحاضرة
أميرة: توا اتقوللها
فرج: أميرة خلاص قتلك بنطلعها
أميرة: اختارها عليا تمام
فرج: حنين تقدري اتروحي مانبيش تحضري معايا المحاضرة
حنين: بس يادكتور
فرج: خلاص انتهى الموضوع انشوفك المحاضرة الجاية
اميرة رفعت راسها وبحتت فيها مع رفعت الحاجب طلع مع اميرة برا القسم وكانت حنين اتشوف فيهم من بعيد
فرج: عليش الحركات التافة اللي اديري فيهم هذينا
أميرة: عشان الكل يعرف انك ليا متاعي نا بس
فرج: استغفرالله العظيم واتوب اليه
أميرة: وخصوصا اللي اسمها حنين هذه
فرج: تبي اتروحي
أميرة: اها الحافلة برا
فرج: تبي حاجه
أميرة: ماتتدخلش هذه
فرج: مش رح تدخل
أميرة: ومحاضرة الجاية ما تدخلش
فرج: عليش البنت ممتازه ومستواها كويس انا طلعتها عشان غلطانه بس مش عشانك طبعا والخلاف ينتهي عارفك بعد تنفصلي
أميرة: باه ايصير خير اصلا نا مكلوبه ما عنديش عقل
كانت تستنى في الحافلة من الساعة 12 لـ عند توا وفونها فاصل شحن وحاولت تحكي مع امها من تلفون وحده من البنات وفعلا حصلتها
رحمه: ماما الحافلة عاطلة
انتصار: اهو توا انكلم خالك عبدالله ايجيك بعد يطلع
رحمه: خالي ايروح من العمل 3
انتصار: ما عندي ما نديرلك اصبري
رحمه: اوووووف باه
كثلوم: اهو ولد عمك الدكتور أحمد خليه ايوصلك
رحمه: نا لعند امتى انقولك را نحنا مش عالقين في بعضنا وهو اكيد ما يعرفنيش
كثلوم: هذا جمعة جاء هيا معايا
رحمه: باه الحمدلله
طلعت هي وكثلوم ووراهم احمد
كثلوم: ولد عمك ورآنا
رحمه: وكان ايملح
ركبت كثلوم وجت بتركب رحمه الباب امصكر
كثلوم: افتح بنوصلوا رحمه معانا
جمعة: باه
أحمد: خير جمعة كيف حالك
جمعة: اوووو أحمد شن الامور
أحمد: الحمدلله بخير انت وينك
جمعة: عايش الحمدلله
أحمد: ما نعطلكش نحكي معاك بعدين هيا رحمه
فتح باب سيارة جمعة
جمعة: كيف
أحمد: بنت عمي مانبيش انتعبك
جمعة: هذه اختي كيف ما فيش تعب
أحمد: من قبل انوصل فيها غير تحسابني مش جاي هيا تعالي
رحمه: لا
أحمد: هيا اطلعي
بصوت واطي وكز ع اسنونه
أحمد: بارك الله فيك ياشاب
جمعة: واجب واجب
طلعت صكر أحمد الباب ومدلها المفتاح
أحمد: هاكي اركبي انجيب تليفوني وانجيك
رحمه: خلاص خالي توا ايجيني بعد ربع ساعه
أحمد: امسكي هيا
رحمه: مانبيش نمشي معاك
أحمد: لكن تبي تمشي مع جمعة صح
رحمه: لا كنت ماشية مع اخت جمعة
فتحها لها ودارت صوت
أحمد: اركبي السيارة قاعدة غادي امسكي توا انجي
خذت المفتاح منه وكانت مستغربه كيف يعرفها حركت مراية السيارة وشافت لوجها حطت روج وعطر وصلحت كحلها ودخلت شعرها جوا الوشاح وردت المراية زي قبل
دخل الاب في الشنطة ورفع راسه
فرج: اي سؤال شباب
مافي حد رد عليه
فرج: معناها انشوفكم الاسبوع الجاي وماحد ينسى تجهزوا عشان رح نبدأ نعطيكم اي موضوع ونبي نسمع نبذه عنه بالانجليزية تمام
قعد يسمع في تفاف من الطلبه
فرج: مافيش حاجه صعبه ياشباب انشوفكم المحاضرة الجاية
طلعوا وهو ايدخل في السبيكرات "السمعات" في العلبه
حنين: دكتور
فرج: نعم
حنين: جاية نعتذر ع اللي صار
فرج: مش ليا مفروض للاستاذه ولا لا
حنين: نقدر نحضر المحاضرة الجاية
فرج: تقدري
حنين: كنت بنسال ع النبذه
فرج: ايوا
حنين: نقدر نختار نا الموضوع
فرج: لا انا نختار وايكون في وقتها عشان مانبيش حد ايكون حافظ نبي المخ يخدم
حنين: نبي نتصل بهلي ممكن الفون تاعك تيلفوني طفاء شحن معليش
فرج: خوذي كلميهم واحذفي الرقم
حنين: شكرا
رفع الشنطة تاع الاب وحط علبة السبيكرات جنب الباب تاع القاعة ع جيت واحد من الشباب
فرج: خوذ هذا للقسم توا انجي وراك
حنين: شكرا دكتور معليش عطلتك
فرج: مش مشكله
خذا تليفونه وطلع من القاعة للقسم وهو عقله مع أميرة
يتبع
