مــــخــــالــــب الزمــــن🐾🕰|🇲🇦

10

🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 81📖💜
فاحد الفنادق الفخمة متكية ياسر منصوري على ضهرو وليلى متكي على كتفو
ليلى:هي صافي من ليوم مغنقدروش نبقاو بحال هاكا
ياسر:حبيبتي ماتقوليش هكا معمرنا نتفارقو
ليلى:ولكن ياك غتزوج شتتسمي هادشي
ياسر كيلعب فشعرها :مانقدرش نقيس شي وحدة بلا بيك معاك اللي تنحس بالراحة اليلى
ليلى:ولكن ولكن قستييها المرة الفاايتة
ياسر :حبيبة راك عارفة ماكنتس فوعيي تا فقت الصباح لقيت راسي معاها وزيدون لحت عليها الفلوس ومشات تيقيني انا مجبور نتزوج بالبنت اللي ختارت ماما ولكن مابغيتكش تبعدي عليا والا فكرتي هكا غنلغي هاد الزواج وماشي سوقي فالورث نبدأ من جديد وناسس حياتي
ليلى:لا لا متخصكش تخلا على لورث انا غنصبر ولكن واعدني عمرك تقيصها
ياسر:كنواعدك اليلى اصلا اش فيها مايتقاس ملوية فخمار كون غا تقدر تغريني بعدا
ليلى:و اصلا متقدرش مدام انا حية
ياسر:اصلا نتي إدماني منقدرش ندوز نهار بلا بيك
ليلى:اممم حتى انا حياتي توحشتك
ياسر :كنحماق عليك
ليلى:نموت فيك انا عمري...
طارق وصل قدام الدار دعتيق ونزل دق فالباب لقى أن الطريقة الوحيدة هو يدخلها بالخاطر خصوصا أن حفيضة رتاحت ليه
سوسن سمعات دقان طاح فبالها عتيق لي غابر من صباح حلات لباب و لقات طارق...
طارق :سلام
سوسن بتعجب:و عليكم السلام
طارق :واش ماغاتخلينيش ندخل
سوسن:و علاش نخليك دخل متلا؟؟
طارق :فين الحاجة
سوسن:مكايناش فدار خرجات
طارق دخل:إذن نتسناها
سوسن:مغتجي حتال وقت لكاسكروط يعني باقة معطلة
طارق جلس حط رجل على رجل:ماغاضايغينيش
سوسن:ياك تتعرف الحاجة ايوا نوض ضايف راسك
طارق :ههههه شنو شنو
سوسن:ااه راني مطالعة لحد و الله باغي تسناها تسناها هنا انا نمشي لفوق
طارق:اش هاد الصواب مخلية الضيف حشومة تعرف الحاجة
سوسن:وياك نتا ضيف الحاجة ماشي ضيفي انا و الحاجة مكايناش ادا صبر حتى تجي
طارق :فيا الجوع
سوسن:و شغندير ليك انا فاتت وقيتة الغدا
طارق ناض :اهاه نمشي نطيب لرأسي وفاش تجي الحاجة تلقاني مرون فين الكوزينة؟
سوسن دخلات لكوزينة:اففف لمرض معاك اش جابك اصلا
طارق :بغيت اتاي بالنعناع الله يخليك
سوسن:اففف(هزات لبراد باش فطرات باقي فيه اتاي بتذمر حتى حطاتو فوق لبوطة و شعلات العافية)
طارق ناض عندها:حاول شوية على المواعن
سوسن:افف واش باغي اتاي دابا ولا لا
طارق :اه بغيتو جيبيهلي للصالون
سوسن تنهدات:الله يصبرني اوكي سير جلس
.طارق رجع جلس حابس الضحكة حيت كيستافزها:هدشي كامل على كأس اتاي
سوسن:اااه حيت متتفهمش رااسك
طارق:أمم هاحنا غنشوفو اتايك
سوسن:شرب الى باغي تشرب
طارق هز كاس:هدا جاني بحال اتاي الحاجة
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 82📖💜
سوسن:علاه قلت ليك بلي اتاي ديالي انا اه اتاي ماما هداك
طارق زلق ليه:احء ماماك احء احء
سوسن تخلعات شوية:مالك بسم الله عليك اه ماما
طارق :ياك واليديك ماتو
سوسن:ااه خالتي حفيظة وليت نقول ليها ماما حيت بلفعل حاساها بحال ماما لخير لي دارتو فيا مدارتوش فيا عمت.... مهم نسا
طارق كيشوف فيها مركز فلباسها:واش تتلبسي هكا قدام عتيق
سوسن:علاه اش فيها عتيق بحال خويا
طارق :هنتي قلتيها بحال خوك ماشي خوك
سوسن:بحال خويا حيت معنديش إخوة اصلا هو خويا صافي
طارق كيشرب بلا مبالاة :شكون قالك عاوديلي على حياتك اصلا
سوسن متحكماتش ف اعصابها:شنو يصحاب ليك راسك جااي حتال عندي و جالس حاط رجل على رجل فدار فيها غير انا ويااك ديير نفس شوية و خرج
طارق حط الكاس بالجهد وناض وقف قبالتها:عاودي اش قلتي
سوسن تخلعات من ردة فعلو ولكن حاولات متبيينش:ااه كيفما سمعتي هادشي بزااف مبانش ليك راسك زدتي فيه شوية
طارق قرب:لا مازدت فيه والو
سوسن بعدات:نتا راك حمق و الله حتى حمق صافي خرج من الدار باغي الحاجة سير حتى تجي
طارق :انا بغيتك نتي
سوسن بعدات منو:شت شتتخربق نتا قلت ليك راك حمق خرج بلا صداع
طارق شد يديها رجعهم لور:راك زدتي فيه اش يحساب لك رأسك ترفضيني
سوسن تتقاومو:طلقنييي شتديير
طارق دفعها على السداري:انا معندي نفس ياك حسابك شماتة
سوسن:نتا راك مسطي بعد مني راك زدتي فيه اش بيني و بينك
طارق مقرب منها:دابا اللي غنزيد فيه بصح
سوسن تدفع فيه:بعد مني بعد نتا راك مرييض فراسك
طارق:اااه مريض كتفهمي مجرد عاهرة وسرباية ترفضني شكون نتي كاع
سوسن تدفع فيه و حابسة لبكية:متقولش عليا عااهرة سمعتي متقولهاش عليا
طارق:براكة من دور البريئة (دفعها)عرفتي مكنبغيش بزز غنتسناك تا تجي بخاطرك
سوسن:هاديك لي عمرها تكون ولو ف احلامك سمعتيي
طارق بتاسم:غنشوفو
سوسن:خرج عليا دابا خرج
طارق:ماتحتاجيش تآمريني
سوسن:هي الى فهمتي راسك
خرج طارق و جرات سوسن حتى سدات لباب طاحت فلارض فاشلة على هاد التعامل و علاش يقول عليها عاهرة ستسلمات لدموعها ناضت من لارض تتمسح دموعها و راسمة فراسها انها تبعد ما امكن عليه و تقصح قلبها و متكونش ضعيفة قدامو...
طلعات سوسن لبيت مريم جبدات تيليفونها و راسمة اول خطوة تخليها تفادا طارق..دوزات نمرة المرزوقي و جاوب..
المرزوقي:الو سوسن صافا بيخير
سوسن:لباس الحمد الله سي المرزوقي
المرزوقي:الحمد الله ياكما عندك شي مشكل؟؟
سوسن:فلحقيقة...
المرزوقي:وي انا تنسمعك
سوسن:فلحقيقة...اسيدي بغيت ندوي معاك على وديت خدمتي الى كان ممكن انني منبقاش سرباية
المرزوقي:وعلاش؟؟ياك خدامة سرباية من اول مرة خدمتي عندي
سوسن:غير مبقيتش مرتاحة فيها وصافي عفاك اسيدي الى قدرتي ديرني بلاصة سوهيل نبقا غير عند لبوفي د الشراب
المرزوقي يالاه بغا يجاوبها بالرفض و هو يتفكر ناطح و شحال مهمة عندو...:واخا صافي
سوسن:شكرااا بزااف ا سيدي
المرزوقي:مهم الليلة يمكن ليك تبدايها و سوهيل ياخد مكانك ك سرباي
سوسن:واخاا سيدي انشاء الله نهارك مبروك
تننن تننن
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 83📖💜
فالصيدلية فرح جالسة كتفكر مع رأسها وكتشوف فالصيدلية لطالما مااحملاتهاش حيت كتجيب لها القنطة ولكن مؤخرا ولات تعشق الجلوس فيها حيت فبها حسام اللي هو الآخر ماكانش عندها معاه ودابا ماللي كتشوفو كتفرح وقبلها كيضرب هاد الإحساس اللي ولا ملاحقها الأيام الماضية ولكن ماغاديش يطول حيت غتزوج بواحد أخر ماحملاتوش بقات كتسائل مع رأسها واش غتبغيه من بعد.شافت الساعة ولقات انو هو الوقت المناسب باش تخرج دير شهادة طبية هي اللي بقات لها باش تكمل الأوراق للعقد
فرح مشات عند حسام تآلفة:احم انا خصني نخرج دابا حسام :علاش؟ كاين شي مشكل
فرح:لا غير انا عندي شي غرض وتا غدا مانجيش مهم يمكن ماغاديش نرجع مزال للخدمة حسام :علاش واش مامرتاحاش هنا
فرح :الا لا راه غادي نتزوج
حسام قلبو كيضرب:ااه مزيان الله يكمل عليك بالخير فرح :شكرا (هزات صاكها)
حسام جبد شي فلوس من المجر:بلاتي هذا خلاصك ديال هاد المدة فرح خداتهم بلا ماتقول والو خرجت وعينيها مغرغرين وطايح عليها الضيم...
وصل ليل و الناس تيدخلو كيف متعودين لكباري د المرزوقي سوسن هاد المرة مشاداش صفها مع السرباية تبادلات الخدمة مع سوهيل لي ممانعش...
سوسن تتحط الكيسان فالصينية:هاك سير سربي هادوك لي لهيه
عتيق:هه واخا ا لالة نتي لمن بغات شادة ركنة وحدة
سوسن:اي راه نهاري الاول هدا هنا سير سير يالاه
هز عتيق الصينية و مشا تيفرق فالمشروبات...
فنفس الوقت تم داخل طارق مع هيثم و توجهو لبللاصتهوم المعتادة...
طارق:الكباري عامر اليوم
هيثم:اه ههه باينة شي سعودي لي منظم شي حفلة تاني
طارق:بينة
هيثم:امم صبر نمشي نجيب المشروب مبانتش ليا سوسن تاني
طارق تفكر دكشي لي وقع:سير سير جيب المشروب
هيثم ناض تيقلب بعينيه على سوسن بانت ليه يسرى لي خدا من عندها المشروب المرة الفايتة خداه من عندها و قال..:ام سمحي لي نسولك واش سوسن مجاتش اليوم
يسرى:لا جاات
هيثم بتعجب:وايلي ولكن مبانتش ليا
يسرى:راه مبقاتش سرباية ولات مسؤولة على لبوفي د المشروبات
هيثم:اااه واخا
رجع هيثم لعند طارق هاز المشروب:عرفتي شنو هههه
طارق :وي شنو
هيثم:سوسن مبقاتش سرباية هنا هههه
طارق طلع حاجبو:كيفاش
هيثم:ههه ااه ولات مسؤولة على لبوفي
طارق مشات ابتسامتو:شنو زعما حسابلها تهنات مني
هيثم:ههه علاش تهنا منك ااا
طارق:بغات تهنى من التعنكيش ولكن بلاتي (ناض)انا جاي
هيثم شرب من مشروبو:ههه سير
طارق ناض عند سوسن :معندي مايتسالك
سوسن لي كانت تتمسح واحد لكاس طلعات راسها و شافت فيه ببرود:نعام؟؟
طارق :شفتك ترقيتي ههه
سوسن ببرود:عادي
طارق متذمر من برودها:وعلاش هاد التغيير المفاجئ
سوسن:داكشي بيني و بين راسي
طارق كيشرب:غدا نسمع ترقيتي لجناح الدعارة
سوسن تتمسح كاس اخر و قالت ببرود:ممكن
طارق:كتعترفي
سوسن بابتسامة هادئة:هكا احسن حيت قدما بيينت انني بريئة من تهمك قدما تتزيد اللهم هكا و تبعد مني فخطرة
طارق:غنشوفو فين غتوصلي(حطلها الكأس)ممكن تعمريه
سوسن عمراتو ليه بلا متشوف فيه و كحزاتو ليه...
طارق:شكرا ا البريئة
سوسن مجاوبتوش و دارت تتجبد كيسان خرين من البلاكار...
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 84📖💜
فبيت فرح لبست فراشة جابتهالها مارية بيضة ومطروزة بالذهبي وزيف ذهبي اصرات عليها عتيقة تحط ماكياج ولكن ماكان عندها خاطر
سناء:فين هو السي العريس ههه
فرح :فالصالون مع الرجال
سناء :متشوقة نعرف شكون هاد تعيس الحظ اللي خلاك تقتنعي بالزواج أو بالرجال هه
فرح :سيري الصالون وشوفيه
سناء :واباز تا الغيرة ماتكسابيها
فرح :نغير من صاحبتي مالك هبيلة
سناء :فرح قوليلي واش مقنعة بها الزواج مؤخرا تغيرتي بزاف فاش قالي بلال مابقيتوش تدويو صدمني وكملتيها بهاد الزواج المفاجئ
فرح :سناء ماكينة تا حاجة تخليك مستغربة عادي مكتاب نتزوج
سناء :ماعلينا شفت التيتيز جا معاه ضبري على ختك
فرح :ههه حمقة بغيت نعرف شحال من راجل فحياتك متتعيايش اصحبتي
سناء:واهلي شحاال بزاف اللي صدق هو هداك الواحد هو اللي يدير احتياطاتو
فرح :هههه واحتياط شمن احتياط
عتيقة "فرح أولي مجمعة نوضي كلسي حدا عجوزتك
فرح :واخا هانا جاية
فدار حسام
رشيدة :ولدي فينك اجي تعشى
حسام حط البلاي ستيشن :وااخا الوليدة هانا جاي
رشيدة كتقسم الخبز:ماقلتيش ليا اولدي
حسام :شنو؟
رشيدة :واش فكرتي فدك الموضوع
حسام :شمن موضوع
رشيدة:اويلي الزواج
حسام :ااه لا صافي ماغاديش نمشيو
رشيدة :وعلاش
حسام :غتزوج
رشيدة :واش بصح فرح غتزوج
حسام:ااه
رشيدة :وباش عرفتي
حسام:اليوم خرجت بكري وغدا ماغاتجيش
رشيدة ضرباتو لكتفو:كون عا زربنا
حسام :ماكتابش الوليدة
رشيدة:ومال هضرتك قليلة اليوم
حسام حاس بغصة فقلبو:لا والو غير مع العيا د الخدمة وصافي
رشيدة شافت فيه :أمم العيا
حسام عاق بيها وبغا يدارك الموقف :ههه نتي اللي مقلقة باغاني غير نتزوج ياك اوا ماشي غير هي مايتخافش عليك غاتلقايلي المرا
رشيدة :ههه معلوم اولبدي واخا كانت عاجباني هي ولكن كيف قلتي ماكتابش ياله تعشى اولدي
على طاولة العشاء
مارية:بنتي ماكليتي والو
فرح :كناكل اخالتي
خلود ((عمة ياسر):اوا وقيلا ماعجباتها الماكلة كل واحد اش مولف ياكل
مارية خنزراات فيها :غير الخلعة هاديك طبيعي تمشي شهيتها
خلود؛:أمم اوا مزيان
عتيقة :سناء كولي ماتحشميش
سناء :كندير الريجيم ههه
ضحى:هي تا نتي بحالي مقطوعة ههه
سناء :اوا ضروري من الرشاقة .فرح اللي ماتعرف لا ريجيم لا والو ماتنوض تا تخلي موراها الخوا غا اليوم معرفت مالها ههه سي ياسر زعزعلها المشاعر
فرح خنزرات فيها:حشمي
مارية :حشمتيلنا البنت
خلود :ايمتا تركاب الخاتم
مارية :بنتي فرح مابغاتش دبا تا يديرو العقد وتمشي تختار على ذوقها
خلود :أمم على ذوقها مزيان مزيان
فاروق :سي محمد نهضرو فالمعقول غدا العقد وقلت نهضرو فالصداق شحال بغيتو
محمد :سي فاروق اللي درتوها مرحبا بيها انا ماكنساومش بنتي حيت غالية عندي دكشي بيناتهم وولدي ياسر هو يعرف
فاروق:ماقلتي عيب اسي محمد وتا حنا ماغانقصروش باك اولدي
ياسر:معلوم أبابا ماغانقصروش""افف اش هدشي تحطيت فيه ايمتا نجيو خلاص" (جبد التليفون لقى رسالة من ليلى سيفتاتليه صورتها فالفندق ماقدرش يقاومها
ياسر:بابا خصني نمشي
فاروق قرب عندو :فين غادي بغيتي تشوهني قدام الناس
ياسر:ولكن
فاروق:ماتزيدش معايا الهضرة قلت ليك جلس تا نمشيو مجموعين
ياسر:أفف الصبر
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 85📖💜
داز أسبوع واليوم عرس فرح ختارت ديرو بسيط غير العائلة المقربة واخا مارية طلبات منها يديرو العرس فالقاعة بحكم أن الصحافة غتصور ولكن رفضات رفض قاطع الاختلاط والأخير دارت قاعة متنقلة فالسطح دوزات ليلة الحنة فرحو ونشطو واليوم هاهي غتمشي المجهول لحياة ماعارفاش كيفاش غتعيشها خصوصا مع ياسر واخا تعاملو فالايام الأخيرة كان مزيان بأمر من باه ولكن هي مامرتاحاش ليه نهائيا لبسات قفطان ابيض فوقو سلهام
محمد معنقها:بنتي بلا مانوصيك تهلاي فراجلك وفدارك
فرح :اهى اهى بابا خليني معاك
عتيقة كتمسح دموعها :بنتي الحبيبة ماتبكيش غنبقاو نجيو عندك وحتى نتي
فرح معنقاها كتبكي
مارية :فرح خصنا نمشيو هانا غنسبق ونتوما غادي تبعونا نتي وياسر (غطات لها وجهها باليزار)ياله
خرجت فرح من الدار كتنخصص حيت حسات انها خلات طرف منها وقبلها مقبوط ماحاساش بالراحة حلات لها مارية الباب القدام وركبت حدا ياسر اللي كان لابس كوستيم كحل ومطلع شعرو حس الضحكة ماكاضورش عندو طول الطريق ماسكتاتش من البكاء تا ضراتو فراسو بقى بتمنى غير ايمتا يوصلو
وصلت فرح للفيلا ستقبلاتها مارية بالتمر والحليب اللي وجدوه الخدمات من قبل وطلعاتها لغرفتها حيت شافتها عيات وبغات ترتاح
الغرفة كانت كبيرة متوفرة على جميع الوسائل اللي يحتاجهم أي واحد هدشي كانت تشوفو فالافلام كيعجبها وكتمنى يكون عندها بيت بحالو ولكن دابا ماحاساش بالفرحة حسات كأنها دخلات لنفق مظلم حيدات القفطان دوشات ولبست عبايتها صلات وتكات فالناموسية حتى داها النعاس...
فالتحت واقفة ماريا مع ياسر
مارية :فين غادي اولدي خارج
ياسر:والوو غير خارج وصافي
مارية:واش حماقيتي وفرح اللي كتسناك الفوق
ياسر:وااا واحد شوية هاني جااي اففف
مارية :معندك فين تمشي طلع قبل مبعيق باباك
ياسر:واش طلبتو مني نتزوج و تزوجت دابا شغل خروجي و دخولي خرجو سوقو
مارية :ولدي عافاك على الأقل طلع ومن بعد هبط
ياسر:لحد الان شااد ليكوم الخاطر لحد الان شاااادو ليكوم
مارية :عافاك على قبلي
ياسر:اوووف واخاا
ياسر طلع لفوق لقا فرح ناعسة فوق الناموسية و باقة لابسة عبايتها..
ياسر:اففف باش بلاوني الله يسمح ليكوم وصافي جاهلة معارفة حتى اش تلبس ناعسة بلعباية...
صبح الصباح عند سوسن لي فاقت بكري بسبب اتصال سعاد ليها على نبوري انها جات من شهر العسل... سوسن تطل على الحلوة لي طييبات متدي لسعاد.. حفيظة:مزال مطابت ابنتي
سوسن:لا باقي اماما بعدا لوخرا لي درت فتلاجة راني درتها فلبواطة حفيظة:امم مزيان ا بنتي باينة غتكون بنينة ههه سوسن:هه هاهياك ديالنا حنا فديك البواطة حفيظة:واخا ا بنتي هانا نمشي نشر شي غسيل سوسن:واخا ماما غنستف هادو و نمشي لعند سعاد صافي حفيظة:واخا ا بنتي
سوسن طفات على لحلوة زوقاتها و دارتها فلبواطة و جمعاتها مع لبواطات لخرين فصاكها طلعات لبسات كسوة حد ركبة فتوب دجين نص كم مزيرة من ناحية الكرش مع صندالة مشبكة فلبيض طلقات شعرها و قدات كصيصتها دارت شوية الكحل و ماسكارا و عكر غوز خفيف ممعييقش رشات بارفانها و هزات صاك و خرجات شدات طاكسي...
وصلات سوسن حدا لفيلا كيف مسيفطة ليها سعاد عنوانها فلميساج خلصات مول الطاكسي و هبطات سرسرات خرجات ليها الخدامة..
سوسن:السلام ختي واش كاينة سعاد؟
الخادمة:اه كاينة مدام سعاد بلا شك نتي مادموزيل سوسن
سوسن مبتسمة:ااه هي انا
الخادمة:دخلي مادموزيل..
دخلات سوسن سدات الخدامة لباب و لحقات عليها..
الخدامة:جلسي مادموزيل نمشي نكلمها ليك
سوسن جلسات فصالون لي مقابل مع الدروج..:واخاا
طلعات الخدامة و خلات سوسن تتلعب برجليها بحال شي طفلة و ساهية حتى تتسمع صوت خطوات تيهبطو فدروج كان طارق لي هابط تيتكسل لابس بيجامة د النعاس عاد فايق...
طارق كيحك عينيه:شنو واش باقي ناعس
سوسن مصدومة و مستغربة:ش شتدير نتا هنا؟
طارق :نتي اللي شتديري فداري الحاجة
سوسن بصدمة:دااارك؟؟؟!!
طارق :معلوم ههه يكما المرزوقي مسيفتك عند شي كليان وغلط
سوسن:انا جيت عند صاحبتي يتصحابلي يتصحابلي دار راجلها هادي
طارق :لا ديالي (جلس حداها)
سوسن مرتبكة:ف فينها سعاد مبانتش ليا
طارق :غتكون مع خويا فبيتهم
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 86📖💜
سوسن تتلعب بيديها:و علاش معييطة ليا انا الى مع خوك
طارق:اوا شدها اش بغيتي نديرلهم
سوسن خدودها حمارو بلخجل:متتحشمش
طارق:علاش اش قلت هههه
سوسن تتشوف فلارض:والو والو
طارق هبط راسو عندها:فرلسك وليتي حمرا بلا قياس
سوسن زاد ارتباكها:ا ا اا اوف تعطلات هادي
طارق بغا يعنكشها خدا شعرها شمو:ديالاش هاد الريحة
سوسن مرتبكة:ش شتدير ياكما تسطيتي
طارق:لا بعقلي
سوسن:لا لا بان ليا انا عقل متكسابو طلق من شعري
طارق لاحو:اوا سولنا ندمتينا
سوسن قدات شعرها بيديها و رجعاتو لجهة لوخرا على كتفها:الله يصبرني
طارق شاف عنقها اللي تيبان كولو وقال مع راسو:افف واش هادي كاديرها بلعاني بغاات تسطيني
سوسن حطات رجل على رجل بتذمر:هادي سكنات واقيلة فديك لبيت
طارق كيشوف الكسوة طلعات :هدشي اللي بقى
سوسن تلفتات لعندو:نعام؟
طارق :والو (هز البواطة)شنو هدا
سوسن:غير شي حلوة طلباتها مني سعاد جبتها ليها
طارق حلها وذاق وحدة :أمم الله يعطي الصحة للحاجة
سوسن:انا لي صوبتها ماشي الحاجة
طارق شاف فيها:بصح
سوسن:ااه
طارق :أمم مزيان
سوسن:ايوا حطها لتكملها خلي ل السييدة حقها
طارق :مزال هنا
سوسن:ايوا غتبقا تهز بلا متحس حتى تخوا لبواطة
طارق :واش تا الماكلة تحرميني منها
سوسن:غير حيت مصوباهوم خصيصا ل سعاد اما مشغليش فيك
طارق:اصلا انا عزيز عليها غتسمح فحقها
سوسن شداتعا ضحكة:هههه نتا ؟عزيز عليها؟ههه لعجب
طارق :ماللي تجي سوليها
سوسن:هههه غير حيت معارفاكش مزيان داكشي علاش
طارق (شاف فالدروج)هاهما هابطين (هبطلها الكسوة على رجليها ورجعلها شعرها القدام)
سوسن استغربات من تصرفو و شافت فيه بتعجب..
طارق :على سلامة السي العريس
سعاد:اوووه ماشيغيي سوسو توحششتك عصام:سلام ختي سوسن هههه الله يسلمك واش لواحد ميجلسش مع مرتو أو سوسن:هه سكنتي اصاحبتي
سعاد:ههه ايوا غير هاد بوراس لي شدني اختي سوسن بخجل:اي متتحشميش اصاحبتي عصام:هههه اش فيها داكشي عادي بين الازواج ضروك تزوجي و تعرفي ياك ا حبي سعاد:ااه ا حياتي هههه
طارق :ههه الحشمة كتقطر
سوسن خنزرات فيه:بااز
طارق:مالي كدبت مكاين اللي يضحك معاك ولا الضحكة عندك بالمقابل
سوسن:هاااه حدك تما هداك ماشي ضحك
طارق :ااف على صباح
سوسن:اففف اش جابني اصلا انا لهنا فينما مشيت نلقاك الله يحفظ
سعاد و عصام تيشوفو فبعضياتهوم مستغربين..
طارق :كيفاش كيفاش ههه زوينة هادي راك جاية لداري برجليك ماشي عرضتك لعندي
سوسن:ااام انا انا اصلا مكنتش عارفة بلي دارك هادي و كون عرفتك كاعما تشوف وجهي هنا
طارق :أمم زعما عاشق فيك
سوسن:لواااه نبك اففف اش جابني اصلا نمشي فحالي حسن
سعاد و عصام باقيين غير ساكتين و تيشوفو فيهوم بتعجب تيبانو بحال المش و الفار.. سعاد:اهيا ناري سوسن هادشي كاملو خارج منك من جيهتو سوسن عاد عاقت لراسها:ا ا ل لا لا ماشي هكاك راه راه هو...
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 87📖💜
طارق :هنتي تشوفي اختي سعاد زعما حوايجي ومابدلتهم قلت ضيفة ماتبقاش بوحدها مافهمت علاش هازة من جيهتي (شاف فسوسن وغمزها)
سوسن شافت فيه بصدمة:ك ك كييفاش؟؟؟ عصام:احيااني عليك بحالا معارفكش سعاد:اووه حشومة عليك سوسن كنت ديما يتصحاب لي هادئة خويا طارق انسان مزيان سوسن باقة مصدومة:ولكن ولكن...
طارق :ماشي مشكل اختي سعاد مدام جيتو غنطلع لبيتي نبدل
سعاد:سمح ليها اخويا مديش عليها راه باقة برهوشة ههه سوسن خرجات شفتها التحتانية بنفخة:يااك هي دابا انا لي برهوشة
طارق :اه دكشي علاش ماديتش عليها الله يسامح
سوسن ناضت:ممحتاجاش مسامحتك انا غادة الله يعاونك ا سعاد الحلوة لي طلبتيها هاهياك(تمات غادة)
سعاد تبعاتها:وا لمسطية فين غادة تسنااي تسنااي
عصام شاف ف طارق:انا متأكد بلي كلشي منك هههه
طارق:اش درت انا ا الظالم
عصام:ههه زعمة راني خوك و عارفك هههه عارف لعبك
طارق طالع :افف اش بغيتكم انا نطلع
سعاد:وا بقاي اصاحبتي فين غادة حرام عليك واحد الشوية غيخرج عصام لشركة و غنبقا بوحدي
سوسن:و انا مالي ياك كاينة الخدامة
سعاد:واصصاافي متقصحيش راسك حرام عليك عارفاني متنحملش نبقا بوحدي
سوسن تنهدات:اففف واخا ربي يصبرني مع داك خليقة ربي
سعاد:ههه علاه فين تتعرفو بعض اصلا و شنو سر داك التشابك بيناتكوم ناري كي المش و الفار هههه
سوسن:والو والوو من بعد و تعرفي...