مــــخــــالــــب الزمــــن🐾🕰|🇲🇦

15

🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 201📖💜
اما عند سوسن لي جالسة مع سعاد فدارها بوحديتهوم بعدما مشا كل من طارق و عصام لخدمتهوم..
سعاد تضحك:ههه ايوا كيجاتك النعيسة فداري هههه
سوسن:وابااز اختي لوجهك شحال مقزدر و متيتقشرش شداك الاصوات العجيبة تطلقي تما
سعاد:ههههه اشمن نحشم راني مع حلالي واقيلة و متنديرو حتى حاجة عيب و زعمة زعمة ا شويطينة معرفتيش دوك الاصوات لاش
سوسن:معرفتش اصااحبتي انا ولكن لي فهمت من هضرة طاارق هو انه داكشي ضروري ولا لا
سعاد:قربي قربي عندي ا لهبيلة راك فدار غفلون
سوسن قربات فاهتمام:هاانا شنو
سعاد:راني لقيتك حاالة فمك و غير عجيينة ا لهبيلة راه الراجل تيعجبو لحال بزاف هكاك حيت تيحس بيك مستمتعة معاه و باغااه و تترضيي الرجولة ديالو فهمتي مااشي تكوني مونيكة بين يديه
سوسن:ولكن اصاحبتي انا تنحشم بزااف و الله
سعاد:وارااه هداااك رااجلك حلاالك اويلي اختي شافك عريانة كيفما ولداتك مك و مزال تتحشمي منو وابااز و الله
سوسن:ادا شنو ندير اختي نتي عندك تجربة عليا اكتر
سعاد:شوفي راه اساس السعادة الزوجية هو الفراش نقولها ليك راه بلعكس واش تتكسبي رضاا زوجك و رضا الله بهكاك ا لهبيلة الحشمة مع راجلك نوو نوو واش بغيتي تخليه يمشي عند وحدة خرى
سوسن بانفعال:بطبيييعة الحال لا
سعاد:ايواا هااا نتي دويتي ا حنيينتي ايوا ليوما غتحييدي هاد الحشمة و تولي زوجة كاملة مكمولة تبارك الله زوينة و لاطاي منعاودش ليك واا نتي ستتمري النعمات لي عطاك سيدي ربي يا هاد البهلة
سوسن:واخاا اناا غنفكر فهادشي
سعاد شدات راسها:اناري معامن انا واش هادشي باقي تيحتاج تفكير تي زيدي نوضي قدامي
سوسن:لفييين اصاحبتي؟؟
سعاد:زيدي تحركي قدامي و سكتي واش باغا طاارق ميشوف لا هكا و لا هكا ؟
سوسن اشارت بالإيجاب براسها...
سعاد:ايوا تبعينيي و سكتي
سوسن:واخاا اختي غنشوفو هادشي فين غادي
ناضت سوسن تبعات سعاد و خرجو..
فاروق من بعد ما خدا السيدي دخل قالها لمارية وولادو وفرح ودخلو للمكتب وشعل السيدي كان جالس ياسر فوق كرسي غير شافوه بداو يبكيو و بزز باش سكتو مارية باش يسمعو اش تيقول
ياسر :السلام عليكم عائلتي العزيزة الوقت اللي غتشوفو هاد السيدي غنكون تحت التراب عارف هدشي غبجيكم غريب ولكن نهايتي وصلت للأسف عرفت فوقت متأخر اني مريض بالقلب والرئة ومابقاش عندي العلاج فرح إلا عاقلة نهار دخلتي للدار عنقتك كنبكي دك الساعة اللي عرفت هاد الحقيقة كنت مصدوم بزاف كيفاش غنموت واللي كان معذبني أكثر هو أني ماموجدش راسي للموت (دمعو عينيه )اه انا ياسر منصوري اللي كبر وباقي طايش ماهامو والو من غير راسو وماكايخاف من تاحد ولا خايف من الموت حيت مادرتش شي حاجة زوينة تريحني فقبري أذيتكم بزاف بابا سمحليا حيت ماكنتش دك الإبن اللي تعول عليه ويكون يديك ليمنة ويساندك فخدمتك ماما الحبيبة اللي سهرت ليالي تسناني ندخل باش مايتخلقش مشكل (بتسم )عافاك ماتبكيش
مارية كتنخصص:اهى اهى ولدي
ياسر :سمحيليي بزااف حيت عذبتك معايا وشحال غوت عليك ونتي ماباغا غير مصلحتي .ههههه ضحى الفنيكيشةة وختي الوحيدة علاقتنا كانت بعيدة بزاف وماعمري حسستك اني خوك اللي تفتحي ليه قلبك وتشاوري معاه ماتنسايش اني كنبغيك بزااف ردي البال لرلسك ورفعي راسنا. خويا علي الابن المثالي لعائلة منصوري ومول العقل واخا صغر مني ولكن باخلاقك وجديتك خدمتي وسهرتي ووافقتي بين قرايتك باش طلع الشركة ودير دكشي اللي مادرتوش بقى هكا انا فخور بيك ومتأكد غتمشي بعيد اخويا (تنهد وسكت شوية )
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 202📖💜
فرح معرفتش واش غتبكي عليا والا لا لكن انا عارف قلبك حنين وغنبقى فيك واخا عذبتك بزااف وهنتك وسبيتك ودرت لك شي حوايج ماتستاهليهمش بحال الضرب ولكن عمري نسى نهار مرضت وبقيتي معايا الليل كولو باش تهبطيلي السخانة وكل مرة كنت محتاج مساعدة عاونتيني زدتي كبرتي فعينيا حيت كديري هدشي بلا مقابل مادي ماكنتش عارف ان باقي البنات بحالك كنتي مختلفة وهدشي اللي خلاني نبغيك ااه افرح كنعترف ليك لأول وآخر مرة اني بغيتك وحبيتك وتقدري تقولي عشقتك معرفت كيفاش لكن لقيت راسي مغرم بيك بعفويتك بحنيتك بضحكك بكولشي فيك تمنيت لو كتابلي عمر طويل كنت غنعوضك ونكون الزوج المثالي ونكملو حياتنا حيت مابقاش كيهمني الورث اللي على قبلو تزوجتك بغيت غير تبقاي معايا فرح سمحيليا بزاف على كل حاجة
خيبة صدرت مني لكن أنا فعلا هاد المدة تبدلت ونتي سببي تا تبدلت ياريت كون تلاقينا قبل وسمعت كلام واليديا وتزوجت ومابقيتش تابع الخوا الخاوي اللي مانفعني بوالو من غير خرج على صحتي وهانا تحت دبا التراب سمحوليا بزاف حاولت هاد المدة نعوض راسي ونتقرب من الله باش ربي يغفر لي ونرتاح فقبري وحاولت نعوضكم ولو غير شوية واخا ندير اللي درت مانقدر نعوضكم عذبتكم معايا بزاف عافاكم سمحوليا وماتبكيوش دعيو معايا كل مرة ربي يغفر لي ويرحمني حيت محتتاج لهدشي
فرح الفيلا ديالي كتبتها فسميتك وكاع حساباتي فالبنكة هضرت مع المحامي النص ديالهم تبرعو بيهم للجمعيات والمحتاجين ربما هدشي ينفعني فاخرتي .حصتي فالشركة تاهي طبعا إلا بغى بابا حيت مادرتش شي جهد يستحق تكون عندي حصة وعارف انك غترفضي افرح حيت مكاتبغيش تاخدي حاجة ما خدمتيش عليها ولكن كنترجااك الله يخلي ليك ماعز عليك ويرحم ماماك قبلي طلبي باش نرتاح فقبري
مهم غنودعكم دبا وكنعتذر مرة أخرى وكنتمتى نمشي عند الله وتاحد مافقلبو شي كره جيهتي تهلاو فرااسكم بزااف وعيشو كل لحضة وكل دقيقة من قلبكم وعقلو عليها وماتهملوش حياتكم ماديروش بحالي تقريبا 29 عام ومعارف اش درت فحياتي أعوام دازو فحاجاات تافهة بزاف بحالا عمري عشت. كنبغيكم بزااف سمحوليا (بتاسم)بسلامة
من بعد من تكمل الفيديو زاد خيم الحزن عليهم حيت عرفوه كان مريض بقاو كلهم كيبكيو تا الرجال هبطو دموع سخان على وجههم وفرح خلاتهم ومشات البيت كانت محتاجة ترتاح ومن غير الله قريب يجيب دعوة للداع إذا دعاه صلات ركعتين خصاتتهم فقط للدعاء معاه بالرحمة والمغفرة سلمت وبدأت تبكي
فرح :سمحتليك اياسر ان شاء الله تكون مرتاح انا مساامحاك مابقيت هازة اتاحاجة من جيهتك كون عرفتك غتموت كنت غنقولها لك فوجهك اني مسامحاك بلا مانفكر وكنتمنى الله يسامحك تا هو
جمعت الصلاية وتكات على الناموسية حيت حسات برأسها فشلانة وعيانة عينيها بداو يتسدو تا غفات
اما سوسن فغادة مع سعاد من بوتيكا ل بوتيكا فينما شافت سعاد شي شوميز زويين واش هزااتو حتى وقفو قدام واحد البوتيكاا خاصة بلوازم الرقص..
سعاد:هاا حنا وصلنا لمحطة ديالنا الأخيرة
سوسن: ك كيفااش؟؟اش عندك مديري فهاد لبوتيكا؟؟
سعاد جراتها:راني قلت ليك تبعيني و سكتي هاد قووت الاسئلة لي فيك خصك تحييديهوم تديري لقوق لبنادم يالطيف بيهوم
سوسن تنهدات و دخلات معاها:فووضت امري ل الله
دخلو و سوسن نباهرات بالالواان الخلابة و لي تضرب فلعين ديال لبوتيكا من داخل اي حاجة تتعلق بالرقص من لباس و اكسسوارات واش كاينة فيه..
سعاد لاحظات اعجابها:شفتي راني قلت ليك غيعجبك هههه
سوسن ببلاهة:هاا؟؟وا فهميني دابا
سعاد لفت انتباهها واحد زي الرقص فلون احمر غامق بحال الدم دوبياس معرييي بزاف و كولو خرارس دهبية مع نايفييا ديالو هزاتو و مداتو لسوسن:هااك هااك شدي
سوسن هزاتو تتشوف فيه:اويلي واش حماقيتي ولا شغندير بيه
سعاد:تحكي بيه المااعن واااش غتشييبيني ياهاد المرا واش انا تنبغي نثقفك و نوعيك و نتي عادما زايدة فيه
سوسن ببراءة:ورااني سطلة جلييجة اصاحبتي
سعاد:ورااني عرفت داكشي علااش ا زمرة تسنطي و ستاافدي و توكضي معايا هادشي غير الى بغيتي ترضي زوجك اما انا اش داني كاع لهادشي
سوسن:صافي صافي واخاا واخاا(شداتو حطاتو عليها)زعمة نتي باغا تقولي ليا انني نشطح لطارق ياك؟
سعاد زغرتات حتى سمعوها كاع لي فلبوتيك:لولووووووي على السلاااامة ملي بدا عقلك يتحل ايييه الالة
سوسن:واش نتي بعقلك راني حاملة زعمة
سعاد:ورااه غير غتمااايلي اصااحبتي مقلتش ليك ديري فيها شيخة تسونامي ولا الجدبة د بويا عمر
سوسن بقات تتفكر و لقات انه علاش لا و تبدل الروتين شوية و بقات تتفكر فردة فعل طارق حتى بتاسمات ابتسامة خفيفة..سعاد:ا سبحان الله ا بنتي طلقي منها نخلصووها
سوسن:ااا؟؟ااه ااه واخاا
سعاد:صبري صصبري ناخدو ليك معاها حتى هاد الخلخال
سوسن:واخا
هزات سعاد داكشي خلصاتو هي و سوسن و خرجو...
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 203📖💜
وصل الليل دخلت مارية للبيت عند فرح لقاتها متكية
مارية :فرح
فرح ناضت عندها :نعام اخالتي
مارية:سمحيلي بزااف على الهضرة اللي قلت ليك
فرح شدات يديها:انا نسيت دكشي اللي قلتي حيت ماكنتيش فوعيك والصدمة خلاتك تقولي هكاك
مارية :قلبي محروق ابنتي كيف غاندير ننساه ونتقبل موتو
فرح :الله بغاااه وونهارو وصل ماشي بيدينا حنا
مارية كتبكي:كون غير بقى عايش كون غير بقى باش يكمل معك حياتو ويكونو عندو وليدات هو مازال صغير كون غا مت انا راني ماصابراش قلبي ضارني
فرح عنقتها:خالتي راك شفتي شنو قال مابغاكش تبكي صافي مشى والدموع ماغايفيدوشش اه عارفة صعيية لكن هو محتاج الدعاء
مارية كتنخصص:عنحاول ابنتي غنحاول مهم المحامي جا اجي توقعي الأوراق
فرح :خالتي انا مابغيت والو
مارية:طلبتي مني نسمع هضرت ولدي ومنبكيش تا نتي سمعي هضرتو باش يرتاح فقبرو راك شفتيه كيترجااك
فرح سكتت شوية :واخاا غير حيت رغبني
مارية:الله يرضي عليك ابنتي باباك كان كيتسناك التحت شحال لقاك مافقتيش ومشاو
فرح :نسيت كاع حيت راني تالفة
مارية :عارفة حيت موتو جات على غفلة ياله نهبطو
فرح ناضت :ياله
اما سوسن فكانت جالسة جابدة لبيسي فبيتها تتقلب على مواضيع كيفاش تكون جريئة مع راجلها و تحييد الحشمة الزايدة لي فيها ستافدات بزااف من المواضيع لي لقات و تعاليق العيالاات لي زادو حفزووها خصوصا انه وحدة فيهوم كاتبة ان برودها مع راجلها خلاه يخونها خافت بزاف انه شي نهار طارق يمل منها و يديرها توكضات و ناضت تبدا فداكشي لي قالت ليها سعاد بلحرف...
المحامي :على بركة الله هاكي الأوراق امدام وقعي هنا هادي دالفيلا وهادو الحسابات اللي فالبنكة النص ديالهم غتبرعو ليهم للجمعيات والمحتاجين كيف طلب ياسر الله يرحمو وهادو أوراق دالحصة اللي فالشركة غتوقعيهم نتي وموسيو فاروق باش يرجعو فملكك كنضن كلشي واضح
فرح هزات ستيلو وقعات الأوراق اللي تحطو قدامها ومشات البيت كتجمع حوايجها باقا الصدمة مأثرة عليا واخا مابغاتش ياسر كحبيب وعمرها حسات بمشاعر العشق معاه لكن موتو جاها صعب خصوصا وأنها تلقات صدمات كثيرة هاد العام والصدمة الأخيرة كانت أقوى بقى فبها بزاف والللي بقا فيها أكثر هو فاش عرفاتو كان مريض تفكرات كاع الأيام واللحضات الأخيرة ونصرفاتو اللي تبدلات وماكانتش عارفة السبب ماكانتش متوقعة نهائيا انو مريض وغيموت فالقريب وهي كتجمع الحوائج دخلت عليها مارية
مارية :بنتي فين غادة
فرح :خالتي غنمشي بحالي
مارية:اش كتقولي نتي غتبقاي هنا ومن اليوم نتي فمقام المرحوم
فرح :: خالتي فهميني انا مزال مامستوعباش و اللي عشت ماساهلش محتاجة نبقى بوحدي ونصفي دماغي
مارية:ولكن
فرح :ماتشوشيش عليا اخالتي
مارية:واخا ولكن فين باغا تمشي واش غترجعي الفيلا
فرح :لا بغيت نبعد
مارية تفهماتها:واخا مدام بغيتي ترتاحي غانسيفتك المزرعة ديالنا غتقدري تاخدي راحتك بعيد على الناس وماترفضيش والا ماغانخليكش تخرجي من هاد الباب
فرح :صافي واخا هكا حسن
مارية:غبولصك السائق لدارك تجمعي اللي خاصك وغايديك تال المزرعة تما الخادمات وكلشي ماغاتحتاجي لوالو
فرح عنقاتها:شكرا بزاف
هبطت فرح وهي مرفوعة وغادة باش تبعد على الأجواء الكئيبة والناس باش ترتب أفكارها بوحدها وتتناسى الصدمات اللي تعرضت ليهم ورجعو تدكسو فدماغها
عند سوسن لي سالات توجاد العشا لي كتبات ليها سعاد مقادير لي دير فيه صوبات كلشي كان متكون من قطييبات د اللحم مشويين مع سلطة الخضرة و عصير سكينجبير و الحامض
سوسن:بعدا الماكلة كلشي هو هدااك ندوق العصير ياكما ناقصو السكار (كبات ليها كاس و داقتو)ممم بنيين (شرباتو على قدو)اول مرة ندوق هاد العصير معرفتش علاش سعاد مجاوباتنيش ملي سولتها علاش اصرات نصوب هاد العصير بالضبط
سوسن:اممم حتال من بعد و نبحت فيها
ستفات كلشي فالطبلة مع شمييعات و ورد نتراتو فوقها طلعات لبييت دوشاات دهنات من بعدها جسمها بكريم الورد لبسات كسوة فلغوز غامق سميطات و محلولة جيهة الصدر مبييناه حد الركبة مع صباط سواري فنقري اما الشعر جمعاتو بطريقة مهملة حيت باقي غطلقو ولكن جاها زوين و مواتي مع لبسة اما الماكياج مبغاتش تكترو حيت باقي غاديرو من بعد حتاهو كتافات بماسكارا و عكر غوز رشات من ريحتها بسخااء و تقابلات مع المرايا تتحاول طبق النصائح لي قرات و متخلييش الخجل تاعها يتحكم فيها:اناا اناا غنتغلب على رااسي ضروري نطبق هادشي و انا لاش اصلا دايرة هادشي كامل(تنهدات)يااربي توقف معايا
خرجات من لبيت و جلسات فالطبلة تتسنى طارق يجي...
طارق كانت عندو الخدمة كثيرة اليوم وعيا بزاف ركب طوموبيلتو وقصد الفيلا يشوف محبوبتو اللي ملكت قلبو
سوسن سمعات صوت طوموبيل طارق وقفات مرتابكة و قلبها تيضرب سرعان متفكرات تاني تعاليق العيالات لي قرات نفضات كاع الافكار السلبية من راسها و قالت انه هادشي ماشي عيب بلعكس غيقربها من زوجها و حبيبها و غتوضد علاقتهوم اكتر و اكتر..
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 204📖💜
طارق سكت الطوموبيل ودخل سلم على عيشة كالعادة ومن بعد طلع للبيت حل الباب لقى سوسن قدامو فاحلى حلة
طارق بابتسامة باس يديها :حياتي
سوسن عنقاتو بشوق:حبيبي توحشتك
طارق :بصح توحشتيني
سوسن:ااه و بزااف هه
طارق بأسها قبلة حنينة :وانا اكثر
سوسن شدات فيديه:اجي نتعشاو بيبي
طارق مستغرب منها :اهاه نتعشاو
سوسن و طارق جلسو..
سوسن شافت فيه مبتسمة:نتمنى يعجبك لعشا حياتي
طارق قبل راحة يديها:أي حاجة من يديك عسل
سوسن:يخليك ليا حبيبي
طارق :عرفتي فيا الجوع بزاف حيت الخدمة كانت كثيرة وهدشي كيشهي
سوسن:اووه باينة فيك حبي ايوا بسم الله كول
طارق خدا طرف اللحم من القطيب قربو لفمها:تاكل حبيبتي وولدي عاد انا
سوسن بتاسمات و هزات قطيب اخور و قرباتو من فمو:هه ناكلو كاملين
طارق :ههههه اوكي همم
سوسن:عجبك؟؟
طارق :بزااف مراتي زوينة وحادكة (غمزها)
سوسن جاتها الشجاعة و قالت بثقة:بطبيعة الحال ههه(ضحكات بغنج)
طارق حمقو جوابها:وقيلا شبعت غناكلك نتي ههه
سوسن شافت فيه بجرأة و قالت بغنج:نو نو حبيبي ماشي دابا باقي لوقت(غمزاتو)(سوسن فداخلها اناري واش انا هادي لا ميمكنش اش هادشي تنقول)
طارق حال فمو فيها وفجرئتها عض شفتو التحتانية:ايي غاتقتليني احبي مافيهاش
سوسن:امم شفتك مكملتيش صحنك ولا عرفتي شنو(ناضت تتمشى بغنج و جلسات فحجرو)انا نوكل حبيبي
طارق حاوطها من خصرها:وكليني من يديداتك
سوسن هزات الفرشيطة و تتوكلو السلطة بحال شي دري صغير:امم كول احبيبي باش ترجع الطاقة
طارق:ههه ايلا رجعت الطاقة ماغاتفلتيش مني اليوم (باسها فعنقها)
سوسن حسات بالحراارة طالعة معاها نطقات "اه"خفيفة بلا متحس..
طارق زاد زير عليها ورد البال العصير بنص عين:شنو هذا
سوسن:امم هداك عصيير شنو متلا ههه
طارق :ههه زعما ديالااش اتت نشوف (شرب جغمة)جونجومب؟؟ "سكنجبير"
سوسن:اااه هو ههه زوين ا بيبي غير كملو
طارق مع راسو ""لانتي ناوية تجهليني مافيهاش ومكملاها بالسكنجبير":ههههه بيبي شربي معايا تا نتي
سوسن:ااه ضروري حياتي(هزات كاسها و بدات تشرب)
طارق كيشوف فيها وكيشرب:شربي اعمري شربيي
سوسن على نييتها تتشرب فالعصير شوية طلعات معاها الحرارة تاني:اووه تنحس برااسي سخنت
طارق خاشي راسو فعنقها:ماعرفتيش علاش
سوسن زادت حرارتها اكتر من قرب طارق ليها:نوو معرفتش
طارق باسها:تنموت عليك
سوسن ناضت بلفن:احم حبيبي هانا راجعة صافي
طارق رجعها كيبوس فيها :فين غادة ابب
سوسن حطات يديها على وجههو:دابا نرجع ا حبيبي غير تسناني صافي منتعطلش عليك(غمزاتو)
طارق :اااي غتهبليني احبي واخا ماتعطليش
سوسن باستو فحنكو:نو نو منتعطلش بيبي عليك
دخلات سوسن دغيا لبيت و سدات عليها..
سوسن:انااري واش اناا نييت هادي ولا لا انااري منيين جبت هاد الزعامة
سوسن:ولكن عجبو الحال بزاف ههه صافي مزيان غنكمل على هادشي
حيدات الكسوة و الصباط دغيا لبساات لباس الرقص و دارت الخلخال فرجليها و بقات بلحفا طلقات شعرها على طولو و دارت النايفييا د اللباس مسحات العكر لي دارت فالاول و دارت عكر حمر معييق و دارت لعينيها ايلاينر و عاودات الماسكارا شافت راسها فللمراية و بقات حالة فمها...
سوسن:اناري المعري كتر من المغطي ناري تنبان نيت بحال الرقااصات لي فلكباريات هههه موحال كاع يعرفني طارق
خدات نفس عميق و قالت لي ليها ليها طلقات الموسيقى لي تدربات عليها قبل و خرجات من البيت..
طارق تكى على الفوتوي كيكمل العصير تا سمع الموسيقى طلع رلسو بقى حال فمو فيها
سوسن بتاسمات ليه بغنج و سيفطات لو بوسة فالهوى و بدات منساجمة مع الموسيقى تتمايل و عايشة مع الانغام و تتشطح مي بشوية على لبيبي حييدات كاع الحشمة لي كانت فيها خلاتها فلبيت خرجات من راسها سوسن وحدة خرى فشكل اخور و جديد و بجرأة لي معمرها تاسمات بيها...
خلاتو غير كيشوف فيها وفالجرأة ديالها ومفاتنها اللي كتهز مع كل رنة وخصرها اللي كيتمايل بطريقة جذابة حط الكأس ومشى جبدها تا لسقات معاه:فين كنتي مخبية هدشي
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 205📖💜
سوسن بغنج:ممم سر
طارق :ذوبتيني
حطات يديها على عنقو:اممم بصاح احبيبي
طارق حط يديها على قلبو:شوفيه كيف كيضرب
سوسن:اووه قلب حبي تيضرب كولو ليا (وقفات على اطراف اصابعها حتى باستو فعنقو)
طارق زاد جهل ونقض على شفايفها كيقبل بقوة:كتحمقيني
سوسن حتى هي حسات بحرارتها تاني زادت بمفعول العصير لي شربات و تحركات رغبتها بزاف بدات تقبل فطارق عكس قبل كان كلشي تيديرو غير هو..
مالللي لقاها تجاوبات معاه عجبو الحال هزها بين يديه بحال الريشة تكاها على الناموسية وكمل اللي بداه
سوسن هاد المرة حسات معاه بمتعة اكبر من قبل و قدرات تعبر عليها معاه بفضل المواضيع لي قرات قبل
وهكا دازت ليلتهم ماشي بحال غيرها بفعل سوسن اللي حيدت قناع الحشمة وتجرأت تجاوب معاه الشي اللي خلاه طاير فالسما وماطلقهاش تاقرب يصبح الحال
صباح جديد فالمزرعة فاقت فرح فاللبيت اللي خصصو ليها الخادمات غسلت وجهها ولبست بيجامة طويلة نص كوم فالازرق الملكي وهبطت التحت الكوزينة
فرح:السلام عليكم
أمينة(مرا كبيرة هي اللي مكلفة بالشؤون الداخلية دالمزرعة) :عليكم السلام الالة كيصبحتي.
فرح :لباس اخالتي الحمد لله
امينة حطات يديها على وجه فرح :كنقولو الحمد لله ولكن القلب مهموم ونتي مراتو غتحسي بالفراق
فرح :خالتي هدشي مكتاب ماعلينا غير الصبر
امينة :اييه واخا ماككنت نشوفو بزاف ولكن بقى فيا باقي صغير(تنهدت) سمحيلي راني كنزيد عليك ونتي جيتي ترتاحي
فرح بتاسمات:ماتقوليش هكا أمم كتوجدي الفطور
أمينة :اه الآلة غير سيري جلسي تا يوجد
فرح :أولا عيطيلي بنتي ماتقوليليش لالة واخا وثانيا من اليوم غنوليو نطيبو بجوج واخا
أمينة :ولكن را
فرح حطات طابلية:صافي اخالتي منقدرش نجلس نشوف فيك معندي مايدار صافي غوليو نديرو كولشي بجوج
امينة :الله يرضي عليك ابنتي اييه مارية عرفت تختار العروسة
فرح :امييين
اما سوسن فاقت من النعاس ف احضان طارق لي معنقها بعد ليلة حمرا دوزوها مع بعض بقات تتأمل فيه و هو ناعس محسات حتى طبعات قبلة فحنكو و بتاسمات ببراءة
طارق فاق :صباح الخير حبي
سوسن:صباح نور حياتي كيف صبحتي
طارق باسها :أسعد واحد ونتي فحضني
سوسن:مممم (حطات يديها على صدرو العاري و شافت فيه بحب)تنبغييك
طارق تقلب عليها :وانا كنمووت عليك
سوسن:ااي بشوية عليا يا هاد الضخم نسيتي ولدنا
طارق باس كرشها:منقدرش نآذيه
سوسن:عاارفة احبيبي غير ضحكت معاك ههه
طارق كيلعب فشعرها:مافيهش الجوع
سوسن:ويي فيه ههه هاد ولدنا جييعاان تيخليني ناكل بزاف هه نخاف نغلاض عاد نولدوو و تخسر لاطاي ديالي
طارق :نوو بيبي باغيك كيف مانتي غنقيدك فلاصال دالحوامل دير سبور واليوغا
سوسن عنقاتو بفرحة:اووه شكرا حيااتي
طارق :تستاهلي كل حاجة زوينة ابيبي على هاد الليلة ههه جننتيني بتأوهاتك
سوسن شافت فيه ببراءة:مكنتش حاسة براسي معاك احبيبي
طارق:دارها العصير (غمزها)
سوسن على نييتها بتاسمات:اووه لهاد الدرجة عجبك ابيبي
طارق :هههه واش ماعارفاش لاش كيصلح
سوسن شييرات براسها بالنفي:نوو انا قتارحاتو عليا سعاد و جربتو
طارق :ههههه قول خويا مبرع
سوسن ضحكات وقالت بعفوية:ههه واش باقي فيها شي شك راه باينة ههه
طارق :عرفتي السكنجبير اش تيدير
سوسن:لا معرفتش شتديير؟؟
طارق قالها فوذنيها:تيسخن
سوسن تبورشات و قالت بارتباك:تي ت تيسخن
طارق :ههه نوو بصح ماعارفاش لالا نتي بزاف
سوسن بقلق و زعف:كيفاش دابا انا بزاف هااا(دورات وجهها ل الجهة لوخرا)مراانييش عااهرة اصلا باش نكون عارفة هادشي
طارق :بيبي ماتقلقيش مني انا عاجباني هكا وانا نعلمك كولشي وتعلمي على يدي وحاشا تكوني عاهرة ههه لكن بغيتك تكوني عاهرة ديالي
سوسن بحال شي طفلة:هاااه عاهرتك يااك يااك رجعتي لهباالك اللولاني ياااك
طارق بجدية :سوسن بيبي علاش هاد الهضرة نتي عارفة اش قصدت
سوسن:سمح سمحليا على سبة مع هاد الحمل و نيت اول مرة تقال ليا هاد الهضرة
طارق :تنمووت عليك ونتي ماعارفة والو تنموت عليك حيت انا اول واحد تعيشي معاه هكا
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 206📖💜
سوسن:تنبغييك(قربات و باستو ففمو برقة)
طارق :تا انا احياتي ههه ياله نوضو حيت مانضمنش ليك اش غندير وانا ماكانتحكم فراسي معاك وخايف عليك حيت ياله حاملة
سوسن تكعدات:هه اووه حبيبي خايف على ولدنا واخا ها انا نايضة
طارق :معلوم نخاف عليكم نتوما اللي عندي
سوسن بتاسمات و حطات يديها على كرشها:و نتا لي عندنا
طارق باسها فراسها:يالا بيبي غندوش باش نمشي للخدمة
سوسن:اوكي حبيبي انا ندخل لدوش لاخور باش منعطلكش
طارق :اجي ندوشو بجوج
سوسن حشمات فلول ولكن تفكرات البارح و زعمات:ااه واخاا بيبي
طارق :هيهاي مبقيتيش تحشمي
سوسن على سبة:ايوا صافي بلاش نخرج نمشي لدوش لاخور(تمات غادة)
طارق جرها:ههه نوو دوشي معايا
سوسن بقلق مصطنع:سير سير ياك متنحشمش
طارق:ههه وينوو مشيشتي تقلقات (هزها داخل الدوش)كملي دكشي اللي بديتي البارح
سوسن طلعات حاجب:اش قاصد
طارق :دوشيلي وريني الجرأة ديالك
سوسن بلعات ريقها:ندو ندووش ليك؟
طارق حطها وطلق الما:ويي دوشي لراجاك
سوسن:احمم واخاا عندااك غير لا.....(سكتات)
طارق حابس الضحكة:كون ماعندي خدمة ضرورية مانطلقكش
سوسن:ههه ايوا الحمد الله (هزات شامبو)يالاه سد عينيك هههه
طارق سد عينيه وعنقها من خصرها:دوشي للحب ديالك عندك تعمي هاد العينين اللي كيموتو عليك
سوسن ضحكات:ههه نو نو و انا علاه نقدر (كبات شامبو ف شعرو و بدات دلكو بشوية)
بقات كدوش ليه بحال شي بيبي صغير وهو عااجبو الحال وطبعا ماسلماتش من لي بيتيز تا سالاو
فالمزرعة فرح كانت جالسة مع امينة تحت الشجر كيتعاودو وقدامهم سلة دالخوخ والمشماش اللي قطفوه طري
أمينة :باينة عجبك كليتي النص هه
فرح طلات على السلة :كاع ماحسيت براسي والله بنين بزااف ماشاء الله
أمينة :واش حاملة
فرح وحل ليها :أحئ أحئ
امينة كتماصي لها ضهرها :سمحيلي تدخلت غير قلت زعما يمكن كتوحمي
فرح :لالا ميمكنش اخالتي
أمينة :وعلاش
فرح :غير زعما ماكناش باغين الأولاد دبا وياله تزوجنا دكشي علاش ميمكنش مهم اخالتي عاوديلي شوية على رأسك
امينة :شنو بغيتي تعرفي
فرح :اي حاجة واش عندك وليدات وشحال ونتي خدامة هنا
امينةة :انا خدمت هنا هادي 20 عام راجلي هو الجاردينني وعدنا جوج بنات مزوجات و2 دراري واحد فالخارج رآه تما معندوش الأوراق ولاخر معانا هنا هو الشاف دالفللاحة وكاع الأبقار والنعاج مهم الحيوانات كلهم هو اللي مترأس الخدامة اللي مكلفين بيهم وهو اللي مكلف بالحسابات مع سي فاروق مهم دكشي دالاوراق مكنفهمش فيه
فرح :اه تبارك الله الله يخليهم ليك
امينة:آمين ابنتي اوا نخليك ندخل نطيب الغدا
فرح :مزال الحال
امينة:لا رآه خصني نوجدو بكري حيت 2 مرآت فالسيمانة كيتجمعو الفللاحة يتغداو هنا
فرح:ااه ولكن نتي بوحدك ماغاتقدريش عليهم كاملين.
خديجة :ههه هازالي الهم ابنتي لالا كيجيو واحد 3 عيالات كنتعاونو ياله خليتك على خير وماتخافيش حيت مادايراش الزيف رآه السي فاروق وصى راجلي مايدخل حد بلا إذن
فرح بتاسمات:واخا شكرا واحد شوية ندخل
🐾🕰مخالب الزمن🕰🐾
للكاتبتين: Victoria Kaelin و إكرام اليعقوبي
💜📖الجزء 207📖💜
من بعد ما دوشات سوسن لطارق سبق هو للطابلة دالفطور وهي بقات كتلبس شوية جات فبالها فرح قالت تتصل بيها
سوسن هزات تيليفون و دوزات نمرتها..حتى جاوباتها.. سوسن:صبااح لخيير حبييبة
فرح :صباح الخير اختي
سوسن:لباس علييك بيخيير اش خبارك؟
فرح :تنهدت:شوية وصافي لكن الحمد لله
سوسن حسات بيها شي حاجة:شنو اختي مالك
فرح :شنو واش مافخباركش حسابلي دكشي علاش تاصلتي
سوسن:لا مفراسي والو اش واقع اختي خير؟
فرح :خير ان شاء الله مهم ياسر مات الله يرحمو
سوسن تصدمات:ك كييفاش؟؟ماات؟؟
فرح تنهدت تنهيدة كبيرة :اه اختي
سوسن بأسف:الله يرحمو اختي البركة فراسك سمحي ليا مكانش فخباري
فرح :آمين ويرحم كاع المسلمين حسابلي راجلك غيكون عارف
سوسن:مقال ليا والو اختي يمكن مفراسوش
فرح :اه معرفتش
سوسن:فيين راك نتيا دابا؟باش الى فطرت نجي لعندك واش فدارك نيت ولا عند واليديك؟
فرح :لالا بلا متعذبي رأسك ونتي حاملة خصك الراحة وانا مارانيش تما جيت لواحد المزرعة بعيدة
سوسن:اااه مزيان اختي جو المزرعة و البعد غينفعوك بزاف باش تحسن نفسييتك و تكوني راسك من جديد احسن ما درتي
فرح :اه محتاجة نجلس لوحدي حيت الخبر صدمني خصوصا وانو قدامي كان ميت
سوسن:ااه شنو سبب مووتو؟؟شنو لقاو عندو ؟
فرح :كان مريض بالقلب والرية اختي
سوسن:الله اكبر مسكيين الله يرحمو و يغفر ليه
فرح :امين ان شاء الله ونتي كيغادة مع الحمل
سوسن:هاا انا مرة موحمة مرة مروعة من الماكلة هه متقلب
فرح :جاك الوحم صعيب
سوسن:شوية وصافي حمد الله طارق معتاني بيا بزاف داكشي علاش هه
فرح :مزيان الله يدوم المحبة بيناتكم
سوسن:امييين اختي شكرا و الله يصبرك اختي و الله يرحمو مرة خرى
فرح :امين بارك الله فيك احييبة
سوسن:يالاه بسلامة اختي حتى نصوني عليك فلعشية ان شاء الله
فرح :واخا ان شاء الله تهلاي فراسك