تعبنا من الفراق وتعبت من العتاب
لا عتابي يجيب فايدة ولا رجوعكم منة فايدة
ياامي الغربة ذبحتني
قمر
اخوتي ضلو يضربون بية وقفلو الغرفة ضليت ابجي واتذكر ايام قبل ما حسيت بروحي ونمت كعدت على دفرة بخاصرتي طلع محمد يضرب بية ويكلي ليش سويتي هذة الشي اني ضليت اهز راسي بان اني ماسويت شي بس هوة الحقد عامي تركني بالغرفة ابجي الساعة10 باليل سمعت اخوتي الثلاثة وهمة يخططون شلون يقتلوني اني سمعت وضليت ابجي فكرت لازم انهزم قبل لا يقتلوني انتضرت الساعة صارت الساعة 12 لبست صاية وحجاب ولفاف على وجهي اول ما فتحت الباب ضليت امشي بالشارع واني ابجي على الزمن بس اقل 10 دقايق سمعت صوت رمي كمت ارجف ضليت اركض وما اعرف اني وين وصلت مكان الشارع وكفت سيارة سودة عالية مقابيلي اني كمت ارجف نزل منهة شاب وتقدم كالي انتي بخير اني هزيت راسي بنعم كالي تعاي
وياي اني اشرت راسي بلا كال لا تخافين اني صعدت بالسيارة تحركت من مكانها سالني انتي ليش ما تجاوبين اشرت بيدي اني خرسة كالي خرسة اشرت براسي بنعم رفع تك حاجب كال وشلون اتسمعين الاخرس مايسمع اني نزلت راسي بقيت اقل20 دقيقة وكفت السيارة مقابيل قصر نزل وفتح باب السيارة اشرلي بان انزل اني نزلت راح فتح باب البيت دار راسة لكاني بمكاني اشر ادخل اني رفضت هوه دخل وعافني مقابيل البيت أقل الدقيقة اجتي مرة جبيرة بالعمر يعني35 دخلتني البيت دخلتني لغرفة كالت ارتاحي عافتني وطلعت اني قفلت الباب ونمت
البطل
مرحبا اني شهاب ما متزوج لسبب أريد أخذ ثار اهلي الي انقتلوكدام عيني واني بعمر 16 على ايد عصابة والسبب ابوي جان ضابط والقى القبض على ابن الرئيس فقتل ابوي وامي كدام عيني فاني اتربيت على الانتقام بقيت مستمر على الدراسة وبعد الدراسة اشتغل وي عصابة العقرب الى صار عمري 25 سنة صرت الزعيم أكره الخيانة احب اعذب صرت اتاجر بالاسلحة والمخدرات ولا بشر يعرف اني من رجال العصابة الي يعرفو اني موضف بشركة وابوي ترك ورث كلش جبير عندي وشم بصدري على شكل عقرب أريد أخذ ثار اهلي من محمداخو قمر جان اله علاقة بالعصابة واريد أخذ شي عزيز طلبت من جماعتي يعرفون عن حياتة اول ما وصلني الخبر عدة اخت فكرت لازم اخطفهة راحت سنين الى اجة يوم واتصل الجاسوس الي بقيتة ينتضر خروجهةمن البيت وحدهة بس الغريب الساعة 12 باليل اني ركبت السيارة ورحت على المكان حبيت اخبث ضربت طلعة بالهوى ورحت على غير طريق وكفت كدامهة كامت ترجف اخذتهة للبيت والانتقام شلون ابدي وياهة اول ما وصلت للبيت او بنضر الناس قصر فتحت الباب درت وجهي لكيتهة بمكانهة ما متحركة اشرت آلهة تدخل هية رفضت تركتهة صحت على الخدامة ام علي كتلهة ادخل البت الي واكفة برة ودخلهة بغرفة تركتهة وصعدت للغرفة واني على شفايفي ابتسامة نصر دخلت للحمام وبعدها نمت حسيت المنبة ضل يدك كعدت واني أتذكر من وكفت مقابيلهة وهية ترجف حبيت اول خطوة نزلت للمطبخ سالت ام علي كالت بعدهة نايمة صعدت لغرفتهة دكيت الباب بقيت دقيقتين آدك فتحت الباب انصدمت من الجمال الي مقابيلي من شعر من عيون هية شافتني كبل سدت الباب كتلهة من ورة الباب اريد احجي وياج انتضرج جوة يلا انزلي تركتهة واني مصدوم من الجمال الي صار مقابيلي بعد نص ساعة يلا نزلت لابسة حجاب كعدت مقابيلي كتلهة ليش ما تحجين بس اتهزين براسج اشرت أريد ورقة وقلم جبت الهة الي تريدة كتبت اني فقدت النطق بسبب صدمة كتلهة شنو من صدمة كتبت فقدت اهلي اني كلت آلهة عدي الج خيارين وهي.........
اتمنى تعجبكم القصة
