البارت الرابع
سرور/شفت هيثم سابح بدمة والضربة صايرة براسة ضربة قوية بس جان بس هيثم منتهي مابي نفس حضنتة و بديت اعيط وابجي
احمد/دكتورة شبيج
الممرضين/دكتورة سرور شصاير هذة المريض
تعرفي؟؟
سرور/هيييييثم خيي فدوة لتروح ولكم هذة اخوية فدوة رجعو لتخلو يموت
الممرضين/لا حولة ولا قوة الا بالله
الكاتبة سيلين العراقية✍✍
احمد/دكتورة كومي الله يخليج ما طالع بيدنا شي الله يرحمة
سرور/لاااا مستحيل هيثم بعد كم يوم ويزوج ولكم شكول لأمي اكللهة اخوية مات ومكدرت انقذ حياتة لعد اني ليش صرت دكتورة
احمد/دكتورة هذة امر رب العالمين كومي فدوة كافي خليج قوية امج وابوج ما الهم بعد غيرج
سرور/كوموني بالقوة من فوك هيثم واني عبارة عن دم ملابسي وجهي وايدي دكتور احمد تكفل بكلشي كملو الأجراءات واجوي الشرطة استوجبو لي جانو بسيارة لي مو متأذين حيل
رحت ودخلت للبيت بدون لا سلام ولا كلام بس عيوني تصب دموع شافتني امي
الكاتبة سيلين العراقية✍✍
ام هيثم/(بصدمة وصياح) ولج سرور شبيج شصاير ليش هيج
سرور/حضنت امي وصحت يمة هذة دم اخوية راح وحيدج راح الغالي هيثم مااااات... امي كعدت بالكاع وكامت تلطم وتصيح بعلو صوتهة
ام هيثم/هييييثم ولك يمة وين رحت وعفتني منو بعد الي غيرك
سرور/ امي تخربطت بعد ما ادري شسوي الشارع كلة اجانة والنسوان رشو عليهة مي ورة ربع ساعة فاقت وابوية من سمع كبل طلع للمستشفى ورة ساعة اجوية فوتو هيثم للبيت شايلي...طلعنا نركض اني وامي
ام هيثم/ نمت فوك التابوت ولك يمة هيثم بعدني ما شفتك لابس القاط ليش اجيتني لابس الجفن ردتك تفوت انتي وعروسك مو بتابوتك يا بعد امك
ابو هيثم/وحيدي راااح ياناس يبعد ابوك ليش مافرحتني بشهادتك وبزواجك ليش كسرت ضهري
ام هيثم/ماصدك غفل يوليدي عني تروح
مستعجل تريد فراكنه بسرعه ...راح التعب يمه وذاك سهر الليل
لاجني صدك ربيت وأمرضعة ...
سرور/يمة راح سندي يا بعد طولي ياخيي ليش عفتني وحدي منو الي من بعدك ياريت اني بمكانك خوية كوم فدوة لطولك لا تسوي بينا هيج اووووف ياااابة ...
هسة تكولون خطيبة هيثم وينهة هسة نعرف وينهة
نرجع للماضي قبل الحادث
افراح/الو هلو حياتي شلونك
هيثم/هلة يعمري الحمد لله اصير زين من اسمع صوتج
افراح/فدوة لكلبك ...حبيبي راح اطلع لبيت عمي
هيثم/ماشي حبيبي بس تعرفين شنو احبج تلبسين
افراح/اكيد ان شاء الله البس لي يرضيك
هيثم/يلة عيني ان شاء الله واني هم طالع وية اصدقائي سفرة
افراح/الله وياك حبيبي
هيثم/ فروحة
افراح/ها يعيون فروحة
هيثم/ديري بالج على نفسج احبج ..يلة مع السلامة
افراح/ان شاء الله حبيبي الله وياك...
افراح/ليش هيج هيثم يحجي ...اوو اخلي اشيل الأفكال الموزينة من راسي ... رحنا ورجعنا الظهر
نرجع للحاظر🔄
الكاتبة سيلين العراقية ✍✍
ابو مروان/ الشارع مالتنا مكلوب الله الستار
هاي بيت ابو هيثم
افراح/نزلنا نركض فتنا للبيت واشوف عمتي ام هيثم تلطم وتابوت بنص الطرمة
ام هيثم/ولج فروحة راح الغالي يمة ما مافرحت بيكم ولا شفتكم عرساااان
افراح/كعدت بالكاع يم التابوت وبس دموعي تنزل وصحت بعلو صوتي (هيثم فدوة اروحلك كوم انت مو وعدتني متعوفني وعدتني نضل سوة ليش ما اخذتني وياك كوم يروحي عرسنا قرب ليش يربي حرمتني منة ليييش اووووف يمة )
ام هيثم/يمة ردت ازفك لغرفتك مو للكبر
افراح/رحت جبت القاط وخليتة فوك التابوت مالتة...ياناس اليوم الزفة مالتنا اني وهيثم
سرور/شالو التابوت وطلعو مثل العريس يروحي لو الله ماخذني ولا مشوفني هل اليوم
وللحكاية بقية⏰⏳
