_نور
"نعم يا مالك في حاجة"
_كنت عايزك في موضوع ممكن
"اه اتفضل"
_طب ممكن اعزمك ع حاجه نشربها في أي كافية قريب ونتكلم
"سوري يا مالك بس انت عارف مش هينفع أخرج معاك لو في حاجه اتفضل قولها
_بصراحة انا معجب بيكي وعايز اتقدملك
"مالك انا بحترمك جدا بس انا اسفه مش بفكر في الارتباط عند اذنك"
_ممكن اعرف ايه كل دا بقالي ساعة مستنياكي
"تعالي نقعد واحكيلك"
وبعد ما خلصت كلام ببص عليها لاقيت ريأكشن قرف كدا ع بصة تدل أنها هتموتني
"في ايه "
_تصدقي انتي مهزءة ومعندكيش دم
"شكرا يا ستي"
_ممكن اعرف سبب الرفض المهزء
"فريدة من الاخر انا مش هرتبط غير لما احب"
_وهتحبي ازاي وانتي اصلا مش بتدي لحد فرصة انتي هتجنينني
"معرفش المهم اني مش هرتبط بأي حد وخلاص"
_ربنا يهديكي والله
وبعد نقاش ساعة وبرضو مفهمتش وجهه نظري وقعدنا مع بعض شوية ومشيت
"صباح الخير ياطنط عاملة ايه "
_صباح النور ياحبيبتي الحمدلله
" حضرتك واقفة ليه كدا في حاجه"
_مراد نسي الورق دا واقف تحت هنزل اديهوله
"طب هاتيه ياطنط انا اصلا نازلة
وخدت منها الورق ونزلت
"صباح الخير "
_صباح الفل يانور عاملة ايه
"الحمدلله كويسة اتفضل"
_شكرا جدا انتي رايحة الشغل
"ايوا"
_طب تعالي اوصلك
"لا عادي انا مستنية صاحبتي بنمشي مع بعض "
_طب اوصلك انتي وصاحبتك
"لا لا امشي انت عشان
متتأخرش "
_ماشي يا ستي باي
"باي"
_على فكرة مشي من خمس دقايق وانا زهقت
"فريدة حرام عليكي اتخضيت"
_طبعا لازم تتخضي انتي كنتي سرحانة ياهانم
"مش سرحانة ولا حاجة يلا بقا"
غمزتلي يابت عليا انا برضو هو حلو الصراحه
"حلو اوي"
_لا والله
"ياربي منك يلا بقا "
وصلنا الشغل وكل واحده راحت مكتبها انا وفريدة بتشتغل في شركة مراد
"مراد "
تعالي يا نور
" انت كويس"
اه تمام خلصتي الورق
"اه اتفضل"
معلش يانور ممكن تعمليلي قهوة ع مااخلص الورق
"حاضر ثواني"
عملت قهوة ودخلتله كان خلص الورق
انا ومراد مش قريبين من بعض لكن حاسة أن بقاله فترة متغير
"مراد انت كويس"
_اه الحمدلله شوية صداع بس
"اجبلك مسكن"
_لا لا هشرب القهوة وهبقا تمام
"ماشي"
وبعد حوالي أسبوعين اتفاجأت أن مراد اتقدملي
"مراد ابن عمو محمد ياماما"
_ هو احنا نعرف مراد غيره
هيجي وتقعدوا مع بعض وبعد كدا فكري براحتك وقرري
وفعلا جه وقعدنا مع بعض واتكلمنا.
_ها موافقه
"انا لحقت افكر ياماما"
_بس يعني مرتاحة ولا لا
"يومين ياماما وهرد عليكي.
سابتني وخرجت وانا افتكرت كلامه معايا
_بصي يانور عشان مكدبش عليكي انا جيت اتقدملك عشان شايفك مناسبة ليا هادية ورقيقة ومحترمة جدا انا شايف انك مميزة بس انا داخل العلاقة دي بالعقل فاهماني
"ماما انا موافقة"
_انتي بجد وافقتي
"انتي مش كنتي مضايقة اني برفض يافريدة "
_ايوة يانور بس ليه اشمعنا مراد
"هو مراد وحش بالعكس دا كويس جدا ومحترم وفي صفات كتير حلوة"
_ومالك والي قبله برضو كانوا كويسين
اوعي تكوني حبتيه
"حبيته!!
_ايه تاني هيخليكي توافقي غير كدا
"اكيد لا واصلا مراد مش بيحبني هو أتقدم عشان شايف اني مناسبة مش اكتر"
_وهتوافقي ليه وفين كلامك انا لازم ارتبط عن حب انا الي يجي يرتبط بيا يجي عشان نور مش عشان انا مناسبة وخلاص فين كل دا
"فريدة مراد كويس ومناسب جدا وانا وافقت وخلاص"
اتخطبنا وكنت لسه بشتغل معاهم في الشركة علاقتي انا ومراد كانت عادية بنتقابل في الشغل وبنتكلم بس كلامنا بحدود شوية لسه مخدش عليا مش عارفه الغلط عندى ولا عنده
وبعدين يانور
"نعم يافريدة "
نفسي افهم انتي ليه قابلة بالوضع دا
"مراد كويس وبيحترمني وبيعاملني بكل ود وتقدير هحتاج ايه تاني "
حب مثلا
"هستفيد ايه لو بيحبني ومش بيقدرني مراد اه كلامه قليل معايا لكن بيحترمني جدا ودا كفاية "
انتي شايفة كدا
"انا بحبه يافريدة وقابلة من اي حاجه لما كان في الشركه ابتسامته في وشي كانت بتفرحني كلمة صباح الخير منه كانه قالي بحبك "
_بس انتي تستاهلي اكتر
"الحمدلله يافريدة"
كنت نايمة وفوني رن ورديت من غير ما اشوف مين
"الو"
_عامله ايه
مصدقتش نفسي ورديت بكل لهفة "مراد"
_انتي نايمه اسف اني صحيتك
"انت كويس يامراد"
_الحمدلله روحي كملي نوم خلاص
"مالك"
_مش عارف مخنوق
"ايه الي حصل"
_شديت مع ذياد شوية
"ليه "
_موضوع كدا عصبني واتخانقت معاه
"ومين الي غلطان"
_اممم الصراحة انا
"دي حاجه كويسة انك اعترفت ع فكرة بس مهما حصل بينكم انتو اكتر من صحاب الي يشوفكم مع بعض يقول اخوات اكيد كان مضايق من حاجه كلمه وصالحه انت اعترفت انك غلطان "
_وهو هيعديها
"هيعديها عشان بيحبك فكرة أنه مهانش عليك دي كفاية""
_شكرا
"على ايه"
_عشان سمعتيني
"ضحكت من كلامه انت تقريبا نسيت أننا مخطوبين"
_تصبحي على خير
"وانت من أهله "
من بعد المكالمة دي لقيته بيتكلم اكتر من الاول وخد عليا شوية
_نور
"نعم يامراد"
_ايه رايك نخرج النهاردة
"نخرج!!
_اه هستأذن من مامتك ومش هنتأخر
"ماشي "
قال لماما وخرجنا مع بعض اتمشينا شوية وروحنا مكان هادي كدا ع البحر وقعدنا هناك
"المكان دا حلو اوي "
_باجي هنا ع طول هبقا اخدك معايا
"ابتسمت ماشي"
فضلنا قاعدين ساكتين
_نور
"نعم يامراد "
هو احنا ازاي نعرف أن احنا بنحب يعني ايه حب اصلا
ابتسمت وسرحت وانا بكمله وكنت بوصف احساسي وانا معاه
الحب يعني احترام ومودة وتقدير الحب انك لما تقعد مع حبيبك تنسى الدنيا والناس. وكل حاجه. الحب انك تبقا مضايق بس بمجرد ماتشوف الي بتحبه قدامك تنسى كل حاجه وتبتسم الحب لما تبقا مبسوط من اقل حاجه يقدمها ليك الي بيحبك.
بصيتله لقيته باصص عليا وبيبتسم ابتسامة وترتني
"احم مش يلا بقا عشان اتأخرنا"
_يلا
عدى فترة وعلاقتي انا ومراد يمكن بتتطور شوية بس ببطئ
بس حاسة أن طاقتي بتخلص تعبت كنت بستحمل كتير وبقول انا بحبه كفايه
كفاية معاملته الحلوة معايا بس تعبت بطلت اهتم بطلت ابدا كلام وتقريبا كنت بنسحب واحده واحده
_نور انتي كويسة
"هو انا لازم ابقا كويسة ع طول يعني لازم ابان ديما تمام مينفعش اتعب مينفعش أبعد ولا عشان انت ضمنت اني بحبك يبقا خلاص مش هبعد انا عارفه انك مضحكتش عليا من الاول ووضحت كل حاجه وانا وافقت بس تعبت والله تعبت ليه انا الي أبداوانا الي اهتم وانا الي اصالح انا بنت ومحتاجه حب انا طاقتي خلصت يامراد والله"
_شششش اهدي ممكن تهدي بطلي عياط نور انا بحبك
"شفقة "
_شفقة!!
"اه شفقة "
_كنت قولتها في أول خطوبتنا كنت قولتها من بدري والله بحبك انا اه دخلت العلاقة بعقلي بس وقعت فيكي واحده واحده حبيتك والله تعالي معايا
روحنا البيت ومراد قعد ماما وحددوا كتب الكتاب
وكتبنا الكتاب وانا مش مستوعبه حاجه
لقيت نفسي بتشد لحضنه مسكت فيه بكل قوتي وكأن الحضن دا طبطب ع قلبي ونسيت اي حاجه نسيت الناس والمشاكل ونسيت كل حاجه
خدني وخرجنا مع بعض وفضل ماسك ايدي
انا بحبك يمكن في الاول مكنتش بحبك كنت شايف انك بنت محترمه وهادية ومميزة ومناسبة ليا عشان كدا اتقدمت عارف انك تعبتي معايا بس والله حبيتك حقك على قلبي
مين مهزءة ناو ونسيت كل حاجه
بحبَك
ايه!!
ايه!
وانا والله بحبِك.
