- عملتى ايه مع العريس
=رفضته
-هتفضلى كده كتير
= معجبنيش شخصيته
- وانتى من امتى بتعجبك شخصيه حد اصلا
=مش هتفهمينى يافريده
. انا عارفه انى خياليه والشخص الى بتمناه صعب الاقيه بس عندى امل مش عايزاه يكون غنى وامور وكل ده بس عايزه شخص احس معاه بالامان
-بسمه
= نعم
- روحتى فين
= مفيش انا خلصت شغل وهمشي
- ماشي سلام
=سلام
خلصت شغل ونزلت ركبت عربيه وكالعاده قعدت جمب الشباك بحب المكان ده اوى بسرح وبفضل اتفرج ع الناس وبفصل عن العالم
فوقت ع حد بيقعد جمبي
مركزتش معاه اوى وكملت سرحان تانى بعد شويه لقيت الشخص ده بينده عليا
-ياانسه ياانسه
= هاا
- العربيه وقفت
=اه شكراا
نزلت من العربيه ومكنتش عايزه اروح البيت دخلت كافيه قعدت ع تربيزه بعيده عن الانظار شويه طلبت نسكافيه بحبه جدااا وطلعت النوت بتاعتى وفضلت اكتب
انا اصلا بحب الكتابه والقراءه جدااا بحس انى بخرج فيهم حزنى والكلام الى مش بقدر احكيه لحد
قعدت شويه وبعد كده مشيت روحت البيت اليوم عدى عادى من غير مايحصل حاجه جه تانى يوم روحت الشغل وقابلت فريده
- بسمه صباح الخير
=صباح النور يافريده
- المدير شكله متعصب اوى النهارده ربنا يستر
= على نفسه طالما بعمل شغلى ملوش الحق انه يزعقلى
-ياجامد
خلصت شغل ونزلت ركبت العربيه وقعدت جمب الشباك اتفاجات بنفس الشخص بتاع امبارح بعد كده روحت الكافيه وقعدت اكتب كالعاده ببص قدامى لقيت الشخص بتاع العربيه بصيتله شويه وبعد كده لميت حاجتى ومشيت
فضلت اشوفه كل يوم فى الكافيه والعربيهبس
مده اسبوع لحد تقريبا ماتعودت على وجوده وبقيت اخلص الشغل بسرعه عشان بس اشوفه
خلصت الشغل وركبت العربيه فى مكانى المفضل حسيت بحد قعد جمبي بصيت بسرعه بس مكنش هو قلبي اتقبض معرفش ليه فضلت مستنياه يركب بس مجاش دخلت الكافيه برضو مجاش استغربت وكان فى احاسيس كتير جوايا فراغ وخوف وقلق عدى يومين ومفيش جديد والشخص اختفى
-بسمه مالك
=بتقولى حاجه يافريده
- لا داانتى مش معايا اصلا
مالك
= مفيش حاجه
- عليا برضو فى ايه
حكتلها الموضوع كله من اوله
= بس ياستى
- وحشك؟
اتوترت لا طبعا انا اعرفه منين اصلا انا بس اتعودت على وجوده هو وقاعد جمبى فى المواصلات او لما بشوفه فى الكافيه بحس بالامان كنت ابتديت احس ان ممكن يكون ده الشخص الى مستنياه
- انتى مجنونه انتى اصلا متعرفهوش
=بس انا حاسه انه كويس وهيجى
-بسمه الدنيا مش كده والناس مش كلها حلوه زى ماانتى بتفكرى
= عارفه ومش بحب اتعرف ع ناس جديده عشان كده بس
-مبسش شيلى الموضوع من دماغك يابسمه انا خايفه عليكى
= حاضر
خلصت الشغل وبرضو مركبش معايا دخلت الكافيه وقعدت مكانى وفضلت مستنياه حسيت بشخص جه ورايا
- مستيانى
=انت !!!
- اه انا اسمى ادم
قعد قدامى وابتدا يتكلم
انا مكنتش باجى عشان كنت تعبان
= انت تعرفنى
-جدااا اعرف انك انطوائيه واسمك بسمه بتخافى من الناس الغريبه بتحبى تقعدى جمب الشباك بتكتبى وبتقرى كتير وكمان حلوة جداا
سكت شويه وانا اتكسفت وكنت هقوم لقيته بيكمل وبتحبي النوم اوى بس مش النوم ده كسل
= ليه متقولش هروب من الواقع
سبته ومشيت روحت البيت تانى يوم كان اجازه لقيت ماما بتقولى ان فى عريس متقدملى وكالعاده فضلت افكر هطفشه ازاى جه تانى يوم وكنت مضايقه اوى العريس جه وانا كنت فى اوضتى بس حسيت ان ادم موجود معايا مش عارفه ليه طلعت وسابونا لوحدنا كل ده انا كنت باصه فى الارض
- مش هتبصيلى
=ادم
-اه هو
= انت العريس !!!
- ايوة بصى ياستى انا ادم وعندى ٢٧ سنه مهندس
قعد يحكيلى عن نفسه وانا كنت بسمعه وساكته ومركزه فى ملامحه بس
وبحب النوم جداا
ضحكت وقولتله =مش النوم ده كسل
ابتسم وقالى وليه متقوليش انه هروب من الواقع.
..ً.........
Basma Ali
