ليان : يؤؤؤؤؤؤؤؤؤؤؤؤؤؤؤ .. صدق ندوو؟؟
ندى ترتجف : والله .. والله .. حتى ارسل علي الصور ... وجلست تبكي
دانا تضمها : هدي روحك ياخالتوو .. كل شي وله حل !!
ندى : اي حل الله يستر عليك .. والله لو يدري ابوي غير يقطعني ..والا اخواني .. يؤؤؤ
وكملت بكاء
ليان خايفه : ندو ... لازم نتصرف طيب كيف جاب الصور ..
ندى : والله العظيم ما ادري ...لا تساليني
دانا : ورقم الجوال ... من وين طلعه
ليان : اذا جاب صور تعتقدين بيحتار بالرقم .. بيجيبه بكل سهوله
ندى تبكي بهستريا : فكروا معي .. ويش اسوي .. ويش اقوله .. لا تتخلوا عني
ليان ودانا : مستحيل نتخلى عنك ..
ندى تمسح دموعها : يارب استر يارب .. يارب استر علي انت ملجئي الوحيد
دانا : عــنــدي فــكــرررره ..
ندى : تكلمي بسرررعه ...
:::
:::
:::
ام محمد : وووع شفتي بيتهم كيف .. يجيب الهم
ام سيف : اسكتي الحين .. خلي الكلام بعدين
ساميه : اوووف احس اني مخنوقه .. البيت كئيب بشكل .. متى نطلع منه
فاطمه : خلاص اسكتوا ... خلوا كل شي يصير على خير
دخلت ام هديل ومعاها مها
ام هديل : ياهلا ومرحبا .. زارتنا البركه
مها : حيا الله من جانا .. تو ما نور البيت
ام سيف : بوجود اهله فيه ...
ام هديل : كيف حالك يام سيف عساك بخير كيف البنات واخوانهم
ام سيف: بخير الله يسلمك .. انتي ويش اخبارك
ام هديل : الحمدلله .. بصحه وعافيه .. وانتي يام محمد عساك بخير
ام محمد : بخير الله يسلم حالك
ام سيف : هاه يامها بشرينا كيفك وكيف اخواتك ..
مها : الحمدلله .. على كل حال .. كلنا بخير
ساميه : اهم شي عروستنا .. تكون بخير
ام هديل : لا اطمنك عليها بخير ..
ساميه : ماعليك امر يا مها نبي نشوفها .. ونتعرف عليها
مها : وماطلبتي الا حقك ... ابشري الحين اروح لها .. عن اذنكم
الكل : اذنك معك ... وطلعت لغرفه ريم جري
بغرفه ريم وسحر .. البنات مجتمعين ماعاد شهد ورغد بغرفتهم يذاكرون << الله يادوافير
