"لا تبحثوا عن الحبّ، ابحثوا عن السند، عن من يحنُو مودَّة و يدنُو رحمَة، عن ساتر العيوب بما تحملُون من ميزات، عن الأمان الذي لا يَعقبُه خوف، عن الدفء الذي لا يتبعُه برد، ابحثوا عمَّن تتخطون معه عتبات الحبّ إلى منزلة المودة والرحمة " 💕😉
#الكاتبه مريم التميمي
...........❤🌟...........❤🌟............🌟❤......... 🌟❤........ 🌟❤.......
ماري .... سديت التلفون منه وكمت افكر معقوله مصطفى ينطي هل اوراق المهمه يخلي يمه ؟؟
هلكد يثق بي بحيث امته على كل شي ..
مادري عقلي وكف المهم حمدت ربي وشكرته انو الوراق يمه..
احسن من انو يكون بيد اعمامي هل ضالمين ..
.
.
.
.
.
امير ** كمت رحت لشغلي وعقلي يم ماري خاف يضغطون عليهه علمود الاوراق ..استغفرت ربي واتصلت على اهلي
الوو... هلو يمه شلونج
ام امير .. هله بشمعت بيتي شلونك يمه عساك بخير بالي يمك ...
امير ... ههههه هله بيج يل غاليه هياتني بخير كلشش احمد ربي واشكره انتو شلونكم الولد شلونهم
ام امير... الحمدالله انته دامك بخير كلنه بخير نصير ..
امير .. ههههه ربي يخليكم الي ويحفضج يل غاليه يالله اني اترخص عندي شغل سلميلي على ولد ..
ام امير ... الله وياك واصل بحفض الرحمان يمه ... الله وياك
.
.
.
عم ماري همام .... هسه شلون المهم ماري حتجي يمي اله اعرف منه يم منو الاوراق مخلينه اكيد تعرف مستحيل ماتعرف ... لازم افكر بخطه لازم
ها جني بالي اول شي صحت ماري لئن هليوم اخير يوم بل فاتحه ..
ماري ولجج ماري وينج ؟
ماري جنت كاعده بغرفت مصطفى واذكر كل لحضه ويا ودموعي تنزل وحيدهن ..
وسمعت عمي ديصحني خفت كلت هسه حياخذني ويا لبيتهم اوووووف
نزلت جوه كاعد بل ثاله رجل على رجل .
كلته ها عمو صحتني
كال ايي يالله حضري روحج ماعندي وقت راح نروح لبيتنه حتبقين يمي
ماكدر اعترض كلته اوكك ماشي خلي اجمع هدومي واجي
عم ماري ... يالله بسرعه لاتتخرين عندي شغل .
ماري ،، رحت فوك الم هدومي وابجي فتحت كنتور مصطفى اخذت من هدومه واخذت عطره واميت هدومي ومستمسكاتي وذهبي .. خليته بطن تشريتي كلت يجوز يوم احتاجهم ..
ونززلت جوه .. كلته لعمي يالله كملت
عم ماري ،، يالله بساع عندي شغل
ماري ،، رحت للسياره خليت الجنطه ليوره .. ورتجيت على جامه ككمت افكر شراح يصير ويايه بعدد
بعد شي نص ساعه وصلنه لبيت عمي نزلت ونزلت الجنطه
عمي فتحتلي الباب كالي يالله دخلي
دخلت واستقبلتنه مرت عمي هناء..
هناء ،، هله بل بايره نورتي هه يالله دخلي جوه
اجتي بت عمي .. كلش تكرهني مدري ليش وتغار مني
بت عمي اسراء .... اهووو وجه الفكر جتي
يعني حنصبح بوجه ونمسي اووف يمه
هناء .... شنسوي يمه حضنه هاي بعد
ماري .. محسسني انو اني جنت سبب موت اهلي مايدرون همه سبب
اجتي مرت عمي هناء...
يالله عيني طبي خلي جنطتج بل مخزن وتعالي نضفي البيت مو نوب تجين تكعدين وتاكلين على الخالي بلاش يالله كدامي ..اسراء يمه وصليهه لغرفته الجديده هه
اسراء ... يالله وجه الفكر امشي ورايه
ماري ... مشيت وراهه والدمعه بطرف عيني جان غرفتي غرفت اميرات
هسه صار مخزن اووف ياربي لا عتراض على حكمتك ..
اسراء ... يالله خاتون هاي غرفت الاميرات مالتج هه يالله دخلي خلي
جنطتج وسوي مثل ماكالت امي يالله بسااااع بصياح كالته ....
ماري .. دخلت الغرفه او بل ااصح المخزن جانو مخلين بي شكو شي قديم ومواد غذائيه والشباك مكسور كلش انقهرت علئ حالتي ..
خليت جنطتي بل كاع ولو ماكو مكان من كثر الغراض .
حته للنوم ماكو نزعت عباتي وكفيت هدومي وبيدت ارتبهم عسى ولعل يصيرلي مكان للنوم
بيدت اشيل الغراض واخليهم على صفحه حدما الحمدالله صالي مكان للنومه بس بقه سالفت الشباك اووف والدنيه شويه بارده وخاف بزونه شي تطفر عليه ..
كملت من الترتيب وكاعده اطلع هدومي وسمعت مرت عمي تصيح عليه
هناء ... ها يل صخمان شو طبيتي وبعد ما طلعتي شنو تحسبين نفسج عروس .ولج انتي هنا خدامهه افتهمتي يالله طلعي بساع .
طلعت ع صياحه كتله عمه والله شويه رتبت المخزن علمود المكان
هناء.... ومنو سمحلج ترتبين المكان ليكون انتي بيت اهلج ومادري ..
ماري.. دنجت راسي بقهر من جابت طاري اهلي ..
هناء .. يالله عيني نضفي المطبخ اريده يلمع بساع وسوي غده عمج على جيه ماريدج تتخرين افتهمتي لو اعيد الكلامممم
ماري .. لا افتهمت نشالله حروح
رحت للمطبخ دخلت نصدمت ريحت جيفه تعط منه والمواعين مال عشه مال بارحه بليل اووف اووف
بديت بل مواعيين نضفتهم والسنك لمعته شفت الساعه بعد وكت خنسوي غده وابده ارتب المطبخخ اضوج من الوصاخه كلششش طلعت لحم كطعته
ونكعت تمن وطلععت باميه سويت مركت باميه وتمن وشعريه عليه وسويت زلاطه ولبن وكملت الغده وسمعت الباب نفتح كلت اجه عمي ..
اني بل مطبخ سمعت صوت ولد يصيح يوم يوم يمه
عرفته ابن عمي احمد الجبير ..
احه دخل للمطبخ ...وشافني
احمد .... هله هله هاي منو يمنه اكول البيت منور بشماته يكوله الي شونج
ماري .. جاوبته من وره خشمي زينه الحمدالله اعرف بي كلش يكرهني
احمد .. شنو هل ريحه الطيبه اكول هاي مو ريحت اكل امي يمي هليوم ناكل من ايدنج الحلوه وبنسامه صفره ابتسملي
ماري .. الف عافيه محتاج شي لو اروح .....
احمد ... امي وين شو ماكو ليش طالعه من البيت ..
ماري .. لا تلكاهه جوه بل غرفه ..مطلعت...
احمد ... يباوع عليه من فوك ليجوه حسسني اني ملابسه شي كلش خجلت
من نضراته ....
احمد.... صبيلي جوعان ميت جوع
ماري ... انتضرر خلي عمي يجي واصب للكل مو كل ساع صابه
احمد ... كام يعيط كلتلج صبيلي مسمعين لو طرشه على عياطه اجتي عمتي ركض للمطبخ
هناء. .. ها ها يمه شكو شبيك شسوتلك هل مسومه
احمد ... اكولهه جوعان صبيلي تمول خلي يجي عمي نصب مداتسمع
ميت جوع لخاطر الله صبيلي يمه ...
هناء ... احمد شكالج هااا اجتي ضرتني راشدي شكد نقهرت هاي اوول يوم هيج اووف كتله حاصر راح اصبله ...
شفت احمد ابتسم وراح .. دعيت عليه بكلبي .... يتبع
.
.
.
.
.
.
بارت جديد اتمنه ادعموني احداث مشوقه راح اتصير ماريد احرك القصه عليكم بس محتاجه دعمكم ومتابعتكم فدوه 🥺🥺🙏♥️♥️🙏🙏🙏🙏
أنت تقرأ
قرابين الوغئ
Mystery / Thrillerاجعل من فشلك بدايه جديده لنجاحك فمحاوله النهوض من السقوط افضل من ان تداس بالاقدام وانت راقد على الارض. السؤال ليس كيف يراك الناس لكن السؤال كيف انت ترى نفسك✨ تغلب على خوفك من المستقبل ولاتعتمد على احد ولاترى نفسك في احد فاانت هو انت وليس هم🙂. لاتسم...
