يولاندا2( الامير الملعون)[مكتملة]

part.2

يولاندا2 ( الامير الملعون)

Part.2

👑 سبحان الله وبحمده سبحان الله العظيم 👑

في فيلا ريان الشامي 👈 ( سديم)

تجلس الفتيات مع يولاندا وسديم ويحي علي طاوله الطعام

سدن : بابي .الجامعه قربت وعايزه اشتري لبس
سديم : من عيوني. انهارده انزلي مع مامي ولتين واشتروا اللي نفسكم فيه

قبلته من وجنته بشقاوه: حبيبي يا بابي
ابتسم سديم بسعاده من شقاوتها
يولاندا : اقعدي كويس وبلاش شقاوه . بصي لتين مؤدبه وقاعده كويس ازاي علي الاكل

لتين : الاميره لازم تكون راقيه وتلتزم بالتقاليد

رفعت سدن طرف شفتيها : هتصدعنا كل شويه اميره اميره.

يولاندا بتحذير : سدن
قوست شفتيها .. سديم : سدن حبيبتي .لتين لسه مش متعوده علي اسلوبك

سدن : عندك حق . متزعليش يا لولي .انا بهزر
لتين : مين لولي

سدن : انتي . بدلعك

يحي كان شارد التفكير لتضع يولاندا يدها علي يده: مالك يا يحي
يحي : ها . مفيش يا ماما .

سديم: لتين لو هتخرجي البسي من هدوم سدن . ل اما تشتري اللي يعجبك

لتين : حاضر

بعد الافطار . اخذت سدن لتين الي غرفتها واختارت لها فستان صيفي طويل بكم واسع لونه وردي وتركت شعرها الطويل علي ظهرها

سدن صفرا بإعجاب : واووو . تحفه عليكي
لتين وهي تنظر الي نفسها في المرايا : شكلي حلو

سدن : جدا جدا

توجهت للاسفل مع سدن

تجمد في مكانه وهو ينظر لها كانت رائعه الجمال
يولاندا: ماشاء الله. زي القمر يا لتين
ابتسمت لها ونظرت الي يحي لتتورد وجنتيها من الخجل

سديم : خلو بالكم من بعض. لتين خليكي دائما مع يولاندا أو سدن. علشان متتوهيش منهم

لتين : حاضر يا عمو

يحي: استنو انتم هتخرجم لوحدكم

سدن : اه. فيها ايه
يحي : مينفعش. احنا لسه مش عارفين ايه الخطر اللي ممكن يوجهكم