على الحلوه والمره

مقدمة

نور:بنت مواليد 1999 تقرا في كلية طب اسنان من عيلة غنيه شويه مواصفاتها قصيره وجسمها متوسط صوتها حلو وتعرف تعزف قيتارطيبه وحنونه وتافهه بس لما تتعفلق ماتشبح قدامها ودموعها على سبله😂😂

نيروز:اخت نور مواليد 2000 تقرا هندسه معماريه طبعا اقرب وحده لنور من خواتها مواصفاتها طولها متوسط وجسمها رقيق تحب الضحك والمقالب ومعندهاش في الجد بكل🙂😂

ريان ورنيم:توؤم خوات نور مواليد ال2002 يقرو هندسة ديكور ويشبهو بعضهم هلبا لدرجة الناس متعرفش تفرق بينهم يسموهم التوؤم المختلف بسسب ان ريان هاديه وراكزه اما رنيم فا زي نيروز بالضبط يعني مختلفين تماماً♥️😂

نيزك:خو نور مواليد 1998 يقرا طب بشري دمه خفيف ويحب خواته راكز وغامض شوي ويلي يقرب لخواته ينهيه من على وجه الارض وشايل مسؤولية الحوش لما بوه يغيب❤🥺

نزار:خو نور مواليد ال1997 متخرج من هندسة نفط شخصيته مرحه مش جدي هلبا زي نيزك يحب خواته وفرفوش وجوه سمح👏♥️

الحاج عبد الله:اب نور مهندس نفط يعني يجي حوشه مره او مرتين في الاسبوع حنون هلبا على بناته واولاده ومش منقص عليهم شي وديما يضحك وجوه يهبل🥺❤

نعيمه: ام نور مرا طيبه وعلى حالها تحب صغارها ومعندهاش في جو المشاكل ام حنونه تحب راجلها وعيلته وعمرها مكرهتهم او كنتلهم ذرة حقد او كره

طبعا عيلة نور تسكن بقرب بيت جدها يعني حواش جمب بعض بس في صور يفصل بين كل بيت وبيت

عمامها يلي هما:

عبد العالي:طيب وفي حاله وعنده مجموعة محلات ملابس وشركه مرته فوزيه وولده احمد مواليد ال1997 ومتخرج من ادارة اعمال زي قلته معروف عليه بسمعته البطاله وان هوا مش كويس وديما جايب لبوه المشاكل ومحمد مواليد ال1996 متخرج من كلية شرطه عكس خوه راكز وعاقل وديما يحاول يدرق على خوه وعمايله السوده🤦‍♀️💔 وزوز بنات نرجس مواليد 1999 تقرا طب اسنان مع نور بنيه طيبه وحنينه وتحب بنات عمها ونهال مواليد ال1997 تشبه لنرجس هلبا الا ان طولها متوسط اما نرجش فا بالو🌚🤣متزوجة وعندها ولد اسمه معتز وراجلها اسمه علي وهدي عيلة عبد العالي

عبد السلام: وهدا عايش بره بس مره مره يجي ليبيا طيب هلبا ويحب خوته مرته سعاد في حالها طيبه وتحب الخير للكل ولده مواليد ال1997 اسمه محمود يقرا طب بشري غامض وميحبش يختلط بحد تحسه متوحد🙂🤣 وايهم مواليد ال1999 يقرا كلية تجاره دمه خفيف ويحب البصاره وهذا الوحيد يلي جاي لوزه مزلطه بين ولاد عمامه😂💔المهم طول بعرض وبنتين ناردين وندى ناردين مواليد ال2000 تقراءمعهد انقليزي وندى مواليد ال2001 تقراء هندسة طيران والزوز بصاره وضحك معندهمش في الجد وقصيرات شويه😂💔

وهدا التعريف على الاربع عيلات 😚❤
الكاتبة: mari_al🥀❤
نور:نضت ك العادة على الفرخه نيروز وهيا تنوض فيا للكليه
نيروز:واااااك باه متبيش تنوضي تو نمشي نناديلك نيزك يتفاهم معاك
نور:اول ما سمعت اسم نيزك نطيت في مكاني... اه نيزك حي علما وككك وين كيف صار😪
نيروز:ناس متجيش الا بلعين النيزكيه🌚😂
نور:الساعة كم توا
نيروز:تمانيه الا ربع
نور:حيوانة باه علاش منوضتيني تعرفيني محاضرتي الساعة تسعه
نيروز: الان نيزك عنده محاضرة توا وقال مش فاضيلكم نجي نقلكم بعدين وخوك البغل التاني طالع من الصبح
نور:بكل مفيش منه فايده المهم خليني ننوض نخش الحمام اقلبي وجهك🌚🔪
نيروز:قلبته حقا تعرفي من بيشرف اليوم
نور:منو
نيروز:خالتك عليا
نور: وااااااك همممم بتجي هيا وفروخها والفرخ عصام البصباص دراه🙂🔪
نيروز:بكل وبتجي حتى المزيته اسيل😂
نور:وربي معندي خلق ليها تبدا تتلصق على نزار
نيروز:خشي توا الحمام وبعدين نهدرزو
،نور:تمام...خشيت الحمام غسلت وجهي وسنوني وتوضيت وطلعت صليت♥️ لبست بالطو جلد مع سروال جينز ووشاح عنابي وشنطة عنابيه وكندره سوده وحطيت واقي شمس وروج خفيف وطلعت....صباح الخير ياقوووووم
نيزك:صباح النور ونقصي صوتك على الصبح🙂
نور:قربتله وشديته من خدوده....خيره الحلو متعصب ختيسلمه عنده شدوق تهبل
نيزك:يفك في روحه منها...تي حولي ياهبله
ماما:تضحك...ياسر يانور خلي خوك
نور:امبه🙃.. حقا وين رنيم وريان مش باينات
ماما:معندهمش محاضرات اليوم راقدات فوق
نور:الشي الوحيد يلي ميختلفوش فيه هوا النوم🤣..وبدو كلهم ياكلو نور تتكلم وفمها معبي... نيزك هل تعلم ان اني نحبك
نيزك:لخصي كم تبي
نور:ديما فاضحني🙂نبي خمسين دينار
نيزك:مش امس واخده ثلاثين وين يعدو الفلوس
نور:حطت يدها على بطنها يعدو هنا للحب
نيزك:وهوا يضحك...مفجوعه ناض صبه وخدا مفاتيحه... هيا صبو للسيارة عشر دقايق كان مركبتوش بنسيبكم
نور:ناضت باست راس امها وطلعت وهيا تنقز وتغني كرشي يا كرشي يلي عليك انا بصرف قرشي😂😂
نيروز:هي بالسلامة ماما تبي شي
ماما:لا بنيتي ردي بالك من روحك بس
نيروز:باه باي
نيزك وهوا يلبس في السبيدرو على الباب:ادعيلنا ياحاجة
نيروز:تي اطلع وانت تقول ماشي للجبهه🙂😂
في السيارة
نيزك:حي علما
نور:خيرك شن في من مات شن صار وككك عليا ح...
نيزك:تي صكري وانتي واخده وضعيت النديب طول
نور: خيرك باه
نيزك:تأخرت على الكلية وكان ماعديتش بعد عشر دقائق بننطرد من المحاضرة
نور:باه من بيقلنا نحنا
نيزك:شبح ولد عمه احمد طالع او بالاصح هدا وين مروح طلع راسه من روشن السيارة وناداه...احمد
احمد:عداله....اوووو نيزك عاش من شافك ياراجل
نيزك:تي انتي يلي مختفي قداش ليك
احمد: والله شغل يابرو
نور في خاطرها:شغل المخدرات والسكير والهم الاحرف يلي ماشي فيه
نيزك:بالله نبيك توصل خواتي للكلية الان عندي محاضرة ومتأخر
احمد:باهي تمام اصلا بنرفع نرجس نحطهم في طريقي
نيزك:منور والله
احمد:مدور شي😉
نور:تو انت ملقيتش في الدنيا كلها غير زفت احمد يوصلنا
نيزك:احترمي نفسك ولد عمك هدا
نور:واااك منبيش نركب معاه اني
نيزك:متركبيش اقعدي خليه يفوت عليك الامتحان
نيروز:حقا يانيزك متسمعش شن يقولو عليه بتركبنا معاه
نيزك:تي انزلي انتي وياها بلا لكلك زايد عندي محاضرة
نور نزلت وقربعت الباب
نيزك:مزال نبيه الباب را🙂
نور ربعت ايديها وطلعتله لسانها بعدين اذكرت:حقا وين الفلوس
نيزك:طلع فولس من جيبه وعطاها:هي ساد هكي
نور:اي ساد
نيروز:حتى انا نبي ابعين دينار🙃♥️
نيزك:مدلها فلوس...هكي
نيروز:ختيسلمه يلي ميبخل علينا هي باي
نيزك:سلام😂♥️
نور: واكك منبيش نركب معه💔
نيروز: هياا معناا نرجس 😂
طلعت نرجس ومشوا حطهن كلهن
واحمد عد للشغل وكان ناوي ع حاجات ف راسة
نيزكك عد للجامعه وكان شوي ح يتأخر خش للقاعة وفي شخص مش ناويله على خير...
نور و نيروز كملن مع بعض ورن ع نيزك
نيزكك كان مزال ف الجامعة رنن ع نزار
نزار:الو
نور:نزار تعالي روح بينا نيزكك في المحاضره
نزار:اشوية ونجي عندي كم حاجه نديره قبل
نور:باهي نستنوا فيكك
نيروز:شنو قال
نور: داير روحكك متسمعيش ياعبيطه
نيروز: بارده يا ناس سالتك سؤال جوابي قدالسؤال
نور:لالا ساخنه 🤣
نيروز: انشاءالله ميطولش
نور: قعمزي استني و انتي ساكته وال روحى علي كرعيكك
نيروز: نقص غير نمشي علي كرعيه وعندي خوين ايشلوني هماا ويجبوني
نور:😂🤣
نيروز:ماسكه تلفونه تلعب
نور: تهدرز متبيش تسكت 🤐
قعدن نص ساعه وهناا يراجن في نزار
رن على نور قلله اطلعن
نور: انا نركب من قدام
نيروز: لا انا
نور: انا الكبيرة
نيروز: انتي ديما لقدام المر هذي انا و ركبة وقفلته الباب
نور: تغفلقت و ركبة من الخلف وهي تمتم
نيروز:اطلع في لسانها
نزار:ميت ضحك 😂
نزار: تكه على محل جبلهن تشيبس وشكلاطات
نور:نجيه وخيي ياربي
نيروز:خيتي سلمه وخيي
نزار: ريان و و رنيم عطنهن راه تكلني رنيم
حطهنا ف الحوش وعدى
نور:اهلين ماما
ام نور:اهلين بنيتي وين اختك
نيروز: انا هنا
ام نور:بسم الله
نيروز: حضنته امممواااه مامي السمحه
ام نور: شنو تبي تعاليع راسه حاجتك
نيروز:بنعدوا للسوق
ام نور: اليوم جينا عيت خالتك
نيروز:اف المزيته اسيل منبيهش
ام نور: قالت لا يعني لا عيب خالتك تجي تلقكن مش قعدات هياا عدن غيرن وتعالن ساعدني انتي ويه ونوضي الخميرة
عدن نور و نيروز وهنا يناشبو في بعضهن
نطت نيروز لدار خواته ودربكه على الباب وتغني بعده جته نور كرن منهن البطاطين
ناضن ريان ورنيم وهناا متغفلقت
ريان:نضت خلاص
رنيم: م تخلن واحد يرقد والله نرده لكن في عطلتكن تو تشوفناا
نيروز:عندي مفاجأة
رنيم:شنو بنعدوا للسوق صح
نيروز: بيجون ناس اليوم
رنيم:من
ريان:اكيد وحد من صحباتك التافهات
نيروز:معليش صحباتي متغلطيش فيهن ايوه
نور:خالتى بتجيناا اليوم
رنيم:يعني المزيته اسيل والدره عصام بيجوا واكك نهرب اني 🏃
ريان:خوديني معاكي سلم اختي🤣
ميطيقنش اسيل لانه متصنع وتحب تبين روحه واوو ديما تتلصق ع نزار لكن نزار مش معطيه وجه
الساعه4:30
طق الباب وعدت نور تفتح
نور:باهييي جايه عن جد هكي خلعتو الباب
فتحت الباب
اسيل:نوووور استاحشتك ياقلبييي وحضنتها
نور من راس خشمها: حتى انا سوله
يتبع.....