على الحلوه والمره

part 2

رواية :على الحلوه والمره
للكاتبتان:mari_al&esra_mh
الحلقة الاولى👏❤
.
.
.
.
.
.
.
.
.
.
.
.
.
.
.
.
طق الباب وعدت نور تفتح
نور:باهييي جايه عن جد هكي خلعتو الباب
فتحت الباب
اسيل:نوووور استاحشتك ياقلبييي وحضنتها
نور من راس خشمها: حتى انا سوله
عليا:اهلين مرت ولدي كيف حالك
نور في خاطرها(هدا ما ناقصني والله ناخد ولدك البصباص🙂🔪):اهلين خالتو شن جوك تفضلو تفضلو
عصام:كيف حالك نور
نور بضحكه صفرة:الحمد لله وانت
عصام :بخير الحمد لله شن جو الجامعه
نور:تمام والله
عصام:تعرف...جاي بيكمل كلامه بس قاطعه نيزك من ورا
نيزك :نور خشي داخل
نور:باه حاضر وفي خاطرها(الحمد لله انقضتني منه الخرا هدا)
خشو قعمزو في الصالة والولاد في المربوعة نور خشت دارها بتجيب الشكلاته دارها لحقتها اسيل
اسيل:نويره وين نزار مشفتاش اليوم
نور:مع صحابه اكيد تعرفيه ديما ينسرف
اسيل:ههههه اي
نور:علاش تسألي🙂
اسيل:اه لا الا شي غير نسأل بس يعني شن نبي
نور:باه
اسيل:نور اسمعي نبي ندويلك شي بس متتعفلقيش
نور:لا علاش نتعفلق ادوي
اسيل:نور عصام يبيك وقال لو انتي موافقة من غدوة يجي يخطبك
نور:سوله تعرفيني محولة المواضيع هادي من دماغي ومركزة في قرايتي بس
اسيل:بس يا نو...قاطعتها نور
نور:خلاص معش تفتحيه الموضوع
اسيل:باهي
نعيمه:خشت عليهم شن تديرو
نور: شي كنا نهدرزو شويه
نعيمه:باه انزلي بوك جي في المربوعة
نور:بابا جيييييي ونزلت تجري وخشت المربوعة بلا متدق ونست انها بلا وشاح.. باباااااااااا وحضناته
عبد الله:نويره بنيتي كيف حالك
نور:الحمد لله استاحشتك هلبا هلبات بابا
عبد الله:ههه حتى انا والله
نيزك:احم احممم
نور انتبهت وصبت لقت روحها بلا وشاح وعصام واحمد قاعدين طلعت تجري وجهاها احمر
نيروز:خيره وجهك تقول طبيخة مبكبكه🌚🤣🤣
نور:اسكتي يا كلبة نيزك هيعدمني
نيروز:احسن نفتك منك تقعد الدار ليا بروحي نيهاهاهاهاه🌚
نور:خزووو على وجهك
نيروز:شن درتي انتي
نور:خشيت للمربوعه بلا وشاح نسحاب الولاد مقعمزين في الجنان ونلقالك احمد وعصام في المربوعة
نيروز:عادي عادي مفيها شي هي تعالي ساعديني في المطبخ
نور:باه
عدن نور ونيروز للمطبخ
نيروز: اطلع في العصير من الثلاجه
نور: لالا القهوة قبل
نيروز: فكيني من جوكك ايوه معروفه العصير ديماا الاول
نور: القهوة راسناا مصدع
نيروز: راسكك بس المصدع من عميلك الجرب
نور: باهي باه
نيروز: توتي في السفرة وتغني
خلاني بروحي وعدا راخني في الشدة جرح قلبي حبه قليل الخير سلمتكك قلبي أمنا جزيتني ليش بالخيانهه ضحيتت غرمكك م عندكك ضمير خسار فيك قلبي حبك وندم اني عرفتكك نعطيكك قلبي العطكك الله لا يردك صيوركك اتجرب ناري 🔥
نيزكك: مشاء الله من هوا يلي بيجرب نارك🙂
نيروز: وهيااا قريب تموت من الخوف.. اه لا والله محد
نيزكك: تو نكسرلك عظمكك نرقدكك في المستشفي وهواا جنازته اليوم 😐🔪
نيروز: والله اغنية بس والله اسال نور والله 😂
نور: انا م دخلنيي وعدت تجريي
نيزكك: الله يهديكك قاله بضحكهه 😂
نيروز: اطمنت خلاص آمين 🥀
نيزكك: ديرولناا قهوة
نيروز: هياا باه نور تعاليي
نو: نعم
نيروز: ديري قهوة
نور: كيف صار م العصير لاول ديماا
نيروز: للرجال نيزكك دور
نور: حاضر عرفتهم يحب قهوتي
نيروز: يا ثقة قالي اني غير انا بنطلع العصير مش فاضيه
نور: ننننن عدي ملحي🌚
نيروز: خذتت السفره وطلعت
نور: ادير في القهوة ☕
نيروز: بدت بي خالتها كملته وحطت السفره ع طاولة وقعمزت
عليا: وين نورتناا
نيروز: في المطبخ تو تجي
اسيل: ادير في حاجه نصبي نساعده
نيروز: لالا قهوة للرجال بس
عليا: قوليله عصام يحبه وسط 🤣
نور: طلعت تنادي ع نيزك
نيزكك في الحمام جهاا عصام
عصام: وعيون قلوب نعم
نور: من فوق خشمه القهوة
عصام: خذه تسلم ايدك
نور: سلمكك وعدت خشت قعمزت
خالتهه: اهي جت مرت ولدي
نيروز:تنغز في نور تقعدي مرت الي يعود في الدو الدره عصام وتضحكك من تحت التحت
نور: ما فيش حاجه تضحك وتبتسم الخالتها
اسيل: نور شجو الجامعه ولاسنان معكك
نور: اكويسه الحمدلله يبي قراية بس ♥
اسيل: بتوفيق انشاء الله ✅
نور: انشاء الله وانتي شجو الاقتصاد (محاسبة)
اسيل: ماشي حاله ❎🤣
نور: انشاء الله خير 🙂
قعدواا يهدرزو ونيروز تصنت وساكتهه
نزار: رن على نيروز
نيروز: ايوه نزوري
اسيل: نطت حذه ماد وذنه تسمع
نزار:من حذكك
نيروز: اسولهه ونور
نزار:اه باهي معنه سلام
صبن يحطن العشاء
حطن العشاء رز بي الشورماا وسلاطاتت انواع وسلاطه عاديهه وشربة عدس وليم مخلل وحطن سفرة القزوز وتنه
عند الرجاله
عصام:والله نفكر نخطب
نيزكك:اكويس ربي يجيبلك بنت الحلال
عصام:آمين
احمد:امكك ادورلكك واله عندك
عصام:لا عندي
احمد: فى سر امه داعيه عليهه الى تخذكك
احمد:ربي يقدم الى فيه الخير
...
عدواا عيت خالتهمم وجت نرجس وبوها عبد العالي
عند البنات
نرجس:استاحشتكن كلبات🥺❤
نور:بالله الصيح كنا مع بعض🤣🤣
نيروز:متعدليش عليها اختي عندها جفاف
نرجس:لاااا نيروز متقوليش هكي على حبقلبي
نيروز:الحق عليا ندافع عليك والله🙂🔪
نرجس:تزعليش حتى انتي حبقلبي🌚❤
ريان:ريتو الخرا اسيل ولا
رنيم:بكلللل درهتلي كبدي قاعده نزار وين نزار كيف نزار نزار
نور:لما ركبت للدار جت لحقتني قلتلي وين نزار و.... وحكتلهم
نرجس:هيا كويسه ونيات بس تتلصق بكل
نيروز:اي يوخيتي
نرجس:حقا بنقوللكم غدوا بنمشو للبحر بنقعدو يومين
نور نطت وقعدت تصفق:واخيررراااا بنعدو للبحر
نيروز:اي والله وقداش ليا معديت البحر
نور خدت وضعيت الايموجي هدا🥺:لاااا بعد غدوا عندي كلية
نيروز:حتى انا عندي لاكن منيش ماشية🌚
نرجس:اي حتى انا هما طشت يومين نفرهدو فيهم
وكملو البنات هدرزة
عند الرجالة
عبدالله:شنو رايك يا عبدالعالي نعدو للبحر نقعدوا يومين
عبدالعالي:والله فكرة سمحه خليناا نقولوه لهم يوتو دبشهم معش فيه وقت
عبدالله:خلاص تم 👌
عبدالعالي:احمد و نيزكك بكرا طالعين للبحر بنقعدوا يومين
نيزكك:عندي شغل نأجلة معنه
عبدالله:اجله اجله نوض قول لأمك وكلم الفرخ نزار يجي من الصبح برا
عبدالعالي: هياا معنه نخلوكمم مع ااسلامه
أحمد:مع السلامه ي عمي
عبدالله:مع السلامه نتلقواا بكرا
قالو للعيلة وقعدوا يوتو في دبشهمم للبحر
في صباح🌤
مع 6:30 ناض عبدالله
بحكم متعود على نظام الشغل 🌷 عدا نوض العيلة وبدو يحطو في الحاجة في الكوفن وبحكم ان هما هلبا وزعو روحهم على ثلاث سيارات نيزك مركب معاه امه ومرت عمه وريان ونزار قعد ينفخ الان رفع بوه وعمه ونرجس ونيروز فا مش هيعرف لا يسطرب لا يدير جوه🤣🤣
ومحمد ركب روحه في سيارته وطبعو عبوها شناطي وماكله تعرفو عاد العيلة ليبية لما تمشي يومين بحر تقول بيمشو سنة🌚🤣
ونور جاية تدور مع من بتركب
احمد:......
نور:😳😳

يتبع.....

اسفةةةةةة هلبا هلبات على التأخير وكا تعويض هنزلكم حلقتين يا غدوة يا بعده ان شاء الله وعارفة الحلقة قصيرة بس والله هدا يلي قدرنا عليه اسفين🤧♥️
واغذرونا بنات لو تأخرنا بس بحكم ان المدارس خلاص مزاللها يومين فا نحاول نوتيها وهكي😭💔🤣
وبس ان شاء الله تعجبكم الحلقة