حب وعذاب

الحلقه التاسعه عشر💙

#حب_و_عذاب

البارت التاسع عشر

في المستشفى
كانت علا ونسرين قاعدين وبعدين الباب خبط ودخل الدكتور باسل وعبدالحميد
الدكتور باسل دخل زي العاده بابتسامته الجذابه
الدكتور باسل /السلام عليكم
علا ونسرين /وعليكم السلام
باسل /ها الانسه علا أخبارها اي النهارده
علا /الحمد لله يا دكتور بقيت احسن بس
باسل /بس ايه
علا /هو انا مش هخرج من هنا بقا
باسل /ياه لحقتي تزهقي مننا
علا /مش كده بس بصراحه حابه اخرج من هنا بقا
باسل /تمام يا ستي هنطمن عليكي  وبعدين نكتبلك علي خروج
علا بابتسامه/شكرا
باسل /لا شكر علي واجب
باسل كشف علي علا وشاف الضغط وكله بقا تمام
باسل /كده تمام دلوقتي اقدر اكتبلك علي خروج وانا مطمن
عبدالحميد /شكرا ليك يا بني تعبناك معانا
باسل بابتسامه /لا شكر على واجب يا عمي دا واجبي... عن اذنكم
عبدالحميد /اتفضل يبني
باسل خرج من اوضه علا وكان مبسوط انها كويسه بس في نفس الوقت مكنش عاوزها تمشي
_________________
في فيلا الجرحي
رحيم كان مستني وعد لغايه ما تجهز عشان ينزلوا يفطروا سوا
وعد لبست دريس لونه سماوي وطرحه بيضه  وكانت شبه الملايكه فيهم
وعد خرجت ورحيم شافها
رحيم /اووووهه ايه يا جميل الحلاوة دي
وعد /حبيبي يا رحيم
رحيم /قلبي يا وعد... ها يلا ننزل بدل ما ياسين ياجي يضربنا
وعد بابتسامه وضربات قلبها بتزيد بمجرد سماع اسم ياسين/يلا
ياسين كان قاعد تحت في الصالون ومستني رحيم ووعد
وكان كل تفكيره في وعد ويا تري هي عامله ايه دلوقتي وبعدين سمع صوت خطواط نازله علي السلم وبص لقي رحيم ووعد نازلين
واتصدم لما شاف وعد واد ايه هي كانت جميله
رحيم ووعد راحوا ناحيته
ياسين /عامله ايه يا وعد
وعد بخجل /الحمد لله... شكرا يا ياسين
ياسين وهو بيحك بايده في شعره /شكرا علي ايه بس انا معملتش حاجه
رحيم /طاب انتوا ناويين تقضوها شكر انا جعان يلا عشان الاكل اتحط
ياسين /يلا
رحيم ووعد وياسين قعدوا علي السفره بتاع الاكل
رحيم /بصوا بقا انا قررت اعملكم مفاجأه            #آية_السيد
رحيم ووعد بصوا ليه باهتمام
رحيم /هنطلع شرم نغير جو اسبوع وبعدين ناجي ايه رايكم
ياسين بعدم تصديق/ايه دا معقول رحيم بيه قرر ياخد اجازة
رحيم وهو بيبص لوعد /طبعا كله عشان خاطر القمر
وعد بابتسامه /بجد يا رحيم
رحيم بحب /طبعا يا قلب رحيم
وعد قامت من مكانها وحضنته /انا بحبك اوي يا رحيم
رحيم /وانا بحبك اوي يا قلب رحيم انتي... يلا بقا عشان ناكل وبعدين نجهز الشنط
ياسين /ماشي وانا هروح الشركه بقا
رحيم /شركه ايه بس انا بقول هنطلع كلنا يعني انا وانت ووعد
ياسين /بس الشركه
رحيم /متخافش انا مظبط كل حاجه وفيه واحد هيتولي اداره الشركه لغايه ما نرجع
ياسين /ماشي يا رحيم اللي تشوفه
رحيم /خلاص يلا بقا كلوا عشان تجهزوا شنطكم
والكل اكل وجهز شنطته وسافروا شرم هما التلاته
___________________
في القسم
زين لف الكرسي وهما الاتنين اتصدموا لما شافوا بعض
ريم لنفسها /يا نهار اسود دا طلع زين.. طاب اعمل ايه دلوقتي اجري ولا اعمل ايه
زين /ريم... ريم انتي يبنتي
ريم /ها
زين بصدمه/انتي الصحفيه
ريم بصدمه هي كمان /ااه... انت الفهد
زين /ايوة انا
ريم باستغراب /ازاي
زين /هو ايه اللي ازاي
ريم /يعني مش انت زين
زين /ايوة انا زين ولقبي هو الفهد
ريم /ماشي
زين /طيب اتفضلي اقعدي وانا سامعك
ريم قعدك علي الكرسي اللي قدامه وهي متوتره وزين شايف تورترها دا وعمال بيكتم ضحكته بالعافيه... وقلبه هيطير من الفرحه انه قابلها وحمد ربنا انه وافق يعمل اللقاء دا بعد ما شريف اقنعه
_______________فلااااش باااك
زين كان قاعد في مكتبه وبعدين شريف دخل له
شريف /زين
زين /ها يا شريف
شريف /بصراحه بقا كده
زين /فيه ايه يا شريف ما تقول علطول
شريف /فيه صحفيه هتاجي عشان تعمل معاك لقاء بخصوص عمليه الخطف اللي انت كنت ماسكها
زين بسخريه /ودا من أمته ان شاء الله وانا من أمته بعمل لقاءات ولا كلام فاضي من دا
شريف بتنهيده/لازم يا زين وخصوصا ان احنا اتعرضنا لمهاجمات كتيرة من الصحافه بسبب القضيه دي
زين /هما اللي بتوع كلام وبيحبوا ينشروا اي حاجه
شريف /برضوا يا زين اللقاء دا مهم ولازم يتعمل واللقاء كله هيبقا عباره عن ساعه
زين بتنهيده/ماشي يا شريف اما نشوف اخرتها
شريف /ماشي
___________بااااااك
ريم /بس بس بس بس
زين فاق من شروده علي صوت ريم
زين بضحك/فيه ايه يبنتي انتي شيفاني قطه قدامك
ريم /بقالي ساعه بنده وانت ولا انت هنا
زين /معلشي... يلا اتفضلي
ريم /ماشي
ريم فضلت تسأل زين اسئله بخصوص قضيه الخطف وعدد الأطفال وهكذا وبعدين اللقاء خلص
ريم بابتسامه /شكرا جدا... واسفه لو عطلتك
زين /لا شكر علي واجب... و اتمنالك تكوني صحفيه كويسه
ريم / شكرا... عن اذنك
ريم خرجت وقفلت الباب وراها وزين كان مبسوط انه قابلها وقلبه فضل يدق
زين /ان شاء الله هتكوني ليا يا ريم وهتبقي مرات الزين ودا هيحصل قريب بس الاول اخلص من موضوع الزعيم دا 
ريم خرجت من القسم وهي مبسوطه لأنها شافت زين وعشان هي قدرت تعمل التقرير بتاعها
كانت خارجه مبسوطه وبعدين استنت تاكسي و ركبت ومشت ومخدتش بالها من اللي كان بيراقبها لغايه ما ركبت
___________________
في شرم
رحيم وياسين ووعد وصلوا شرم وكل واحد نزل في اوضتها
رحيم قرر انه يتصل بالشركه واتصل علي مكتب حنان
رحيم /الو
حنان/الو يا رحيم بيه
رحيم /الو يا حنان انا دلوقتي مسافر فاي ورق محتاج امضتي او اي حاجه اجليه لغايه ما ارجع
حنان /اوامرك يا رحيم بيه حاجه تانيه
رحيم كان نفسه يقولها انها وحشته وانه بس كان عاوز يسمع صوتها ودي كانت مجرد حجه مش اكتر
حنان/رحيم بيه رحيم بيه انت معايا
رحيم /ها اه معاكي
حنان بتوتر /بصراحه كنت عاوزة أسألك علي الانسه وعد
رحيم /هي الحمد لله كويسه شكر ليكي
حنان /الحمد لله
رحيم /ماشي سلام
حنان /سلام
رحيم لنفسه /يا تري أمته يا حنان هقولك بقا اني بحبك وتبقي مراتي
____________
في اوضه ياسين
ياسين قرر انه خلاص في خلال الأسبوع دا هيكون قايل كل حاجه لرحيم وانه بيحب وعد وهيتقدم ليها
بس كانت اكتر حاجه مخوفاه هي ردت فعل رحيم لما يعرف بس قرر انه خلاص مش هيتاخر اكتر من كده واللي يحصل يحصل
______________
رحيم كان قاعد في اوضتها وجالع تليفون من الحرس اللي عند احمد
رحيم /الو
الحارس /الو يا رحيم بيه
رحيم /فيه ايه
الحارس /الحقنا يا رحيم بيه
رحسم بنفاذ صبر /فيه ايه يا زفت انت هتنقطني
الحارس /احمد
رحيم /ماله
الحارس /..........

#يتبع
بقلمي :آية السيد ✍️
البارت طويل واتمني يعجبكم ومستنيه رائيكم فيه 💙
واكملها ولا💙