عزالدين:كل منقوووول تااابت ومعتش بدير شي تطلعلي بحااااجه جديدة كييييف تهرب كيف
سحر:طبست على محمد بصوت واطي..... لو يعرف انه ساعدناها بننحرقوا يوخي
محمد:سلم عالشهدا الي معاك
سحر:وين حطيتهم
محمد:فشقه صاحبي
سحر:موتوق
محمد:هلبا
سحر:كويس وشن بيصير باه لي أمتى بيقعدوا غادي
محمد:لوقت اختك تلقى حل وتوصل للحقيقه
سحر:ياااارب كوون معاها وساعدها
محمد:وين طرزان مش مبين
سحر:ضحكت.....طلع هوا ومراته
محمد:فتكينى من وجهه
__________________________________
امنه:خدتتت بنتيي يمعاد كيف بنتحمل نعيش بدونها قولي انا تعودت عليها منقدرش نعيش منغيرها
معاد:تمام اسكتي اكيد بنلقوها قداش بتهرب
امنه:تخيلي سالي حبت امها ومعتش بترجع
معاد:امنه انا قلتلك من البدايه متتعلقيش فالبنت فالنهايه امها بتطلع وبتاخدها
امنه:😭😭مقدرتش نتححكم فروحي ربي معطانيش صغار حسيت كانه عوضني بيها
معاد:قعمز جنبها وحضنهاا.....تمام اهدي اكيد بترجع
امنه:وشهد كيف ادير فينا هكي
معاد:حسابها بعدين الفرخه هديك توا تشوف
_________________________________
شهد:سالي يعمرييي يحياتي قلتلك انا يومين بس وبنرجعوا
سالي:به ليش جينى
شهد:جينى نقعدوا مع فرح لان هيا بتكسد بروحها مسكينه تسخف معندهاش من يقعد معاها ويسايرها ويلعب معاها
سالي:هيا ليش تبكي
شهد:وين شفتيها تبكي
سالي:انا خشيت بكري لدار لقيتها شاده صورة وتبكي
شهد:ماه كانت عندها قطوسه تحبها هلبا وسرقوها منها
سالي:هييييي وليش سرقوهااا
شهد:لانهم حقيرين مسخين
سالي:انا بنمشي نشوفها
شهد:تمام نوضي هي
طق طق
روزا:مسحت دموعها وابتسمت.....أميرتي ❤
سالي:قعمزت جنبها عالسرير حطت ايدها عخدها....معتش تبكي انا نجيبلك قطوسه تانيه تمام
روزا:شافتلها بستغراب؟؟
شهد:بكري شفاتك وقت تبكي على صورة قطوستك صح وله
روزا:اءءء اي قطوستي ماتت
شهد:لا سرقوها
روزا:اااء اي بعد ما سرقوها مااتت
سالي:شافت لصوره الي فيد فرح.....بس هادي مش قطوسه
روزا:قامت الصورة بسرعه
سالي:جت جنب ودنها بصوت واطي.....نقولك سر
شهد:وانا مش حتقوليلي
سالي:لا
شهد:ضحكت....بيوعه من صغرك
روزا؛صكري ودانك يشهد قوليلي توا شن هوا السر
سالي:حتى بابا نشوف فيه فالليل يبكي على صورة هدا ويقول سامحني يخوي مخديتش تأرك
روزا:ك كيف
سالي:اي وانا قلتله من هدا بابا قالي هدا بوك التاني
قتله وينه به قالي قاعد فوق هوا قعد نجمه
روزا:شهد شن يعني كلامها تار شن فهد مات بحادت صح
شهد:بلعت ريقها بتوتر.....متهتميش لكلامها تخرف من راسها
سالي:والله نقول فالحق منكدبش هوا يقول هكي انا ندير روحي راقده ونسمعه
روزا:ابتسمت....تمام يعمري انا مصدقتك
تعالي شهودة نحطوا لفطور وانتي العبي بتلفوني شويه ونجو تمام
سالي:ابتسمت وهزة راسها بي اي
شهد:انتي اكيد مخديتيش بكلامها
روزا:شاده اعصابها......فهد كيف مات
شهد:بحادت
روزا:عيطت بصوت عالي.....شهههههد منبييش انعصب اكتر من هكي فههههد كيييف ماااات
شهد:بعصبيه ودموعها ينزلو.....قتلوووووه قتلوووه تماااام قتلووو خوييي واحنى قعدنى ساكتييبن مخديناش تار خونااااا ا ارتحتييي توااا فهههد مااات مقتوول مماتش بحادت
روزا:علاااااش معندييييش عللللم علاااش مقلتوليييش
شهد:لان نعرفك قداش تحبي فههد وديري اييي شي على خااااطرة دمري روحك على خاطر
روزا:اناااااا دمرررت فموووته يشهد مفييييش دمار اكتر من هكييييي
شهد:كنت مفكرة انه عندك بنت وبتفكري فيها وفمستقبلها لهدا السبب مقلتلكش
روزا:احكيلي بالتفصيل كل الي صار
شهد:صاحب فهد جا وحكى مع معاد قاله انه كانو مروحين من الحوازة وفجاءة طلعت فوجهم سيارة كسكسوااا السيارة بالرصاص ومشوا وجت وحده فهد كانت فصدرة خدوه للشمفى دخلوه للعملية ونجحت بعد ساعه من العمليه جو وقالولي انه مات
ومعاد بعد سمع انجن ويبي يعرف بأي طريقه من الي قتله امي حلفتله لو يدير اي شيي تغضب عليه ليوم الدين سكت معاد بس كان مخطط لشي لين انحبستي انتي وعطيتيله الوصايه وقتها مقدرش ايدير اي شي ميبيش ايخلي سالي تتشرد وسكتنى لليوم
روزا:صاحب فهد احمد
شهد:اي احمد
روزا:عندك رقمه
شهد:لا نعرف ايميله عالفيس
روزا:اعطيهولي
شهد:شن فراسك
سالي:شن صار فالفطور انا جعانه
روزا:قامتها فحضنهااا....عمتك الشينه لهتني محطيتيش فطور تعالي نحطوا انا وانتي ونفوتوها شن رايك
سالي:امممم بس انا منوصلش كيف بنطيب
روزا:ضحكت وباستها عخدها......نخليك فحضني ونطيبوا
سالي:ايييي يسس
