روزا:معاي احمد ال****
احمد:اي تفضلي
روزا:انا فرح
احمد:من مزبطكش
روزا:زوجت فهد صاحبك
احمد:نصدم......امتى طلعتي
روزا:هربت
احمد:تفضلي شن تبي مستحقه حاجه
روزا:من قتل فهد
احمد:ربي يرحمه معرفتش لتوا من قتله
روزا:انا وانت عارفييين كوييس من الي قتله صح وله يا أحمد
احمد:شن قصدك
روزا:فااهم عليا شن قصدي متستعبطش ومتحاولش تنكر انك تعرف قاتل فهد
احمد:انا من وين بنعرف
روزا:انت صاحبه المقرب واكيد تعرف ولو متعرفش نحاولو نعرفوه مع بعض
بعتت الرساله وحدفت التلفون عالصالون
شهد:وصلتلك رساله شوفي شن بعتلك
روزا:بعدين نشوفها راسي تصدع
سالي:فرح انا نبي نروح لماما
روزا:رفعتها فحضنها.....سالي حبيبتي 💔
امنه مش امك انا امك والي شفتيه فالصورة هداك بوك ومعاد عمك
سالي:لاااااا انتي مش اميييي امنه امييي...وخشت تجري لدار
روزا:حطت ايديها على وجهاااا وتكت راسها عالصالون ....يالله شن درت باش يصير معاي هكي حتى من بنتي مش معترفه بيا
شهد:متزعليش روحك البنت صغيرة ومتعرفش
روزا:شافتلها......انا لدرجه هادي سيئه ؟؟؟
شهد:متقوليش هكي انتي مش سيئه كل الي درتيه على خاطر بنتك صح ممكن انه الشي الي درتيه غلط بس مجبورة
________________________________
ميسم:مكلماتكش
مصعب:كلمتني هيا كويسه متخافوش
ميسم:به شن بدير شن فراسها
مصعب:منعرفش
ميسم:خليك على تواصل معاي ولو كلمتها مرة تانيه قوللها تتصل بيا
مصعب:تمام حبي
ميسم:ابتسمت....ماشي سلام توا.....وصكرت الخط
سندس:شن قالك ؟؟
ميسم:كلماته لاكن ميعرفش شن بدير
_______________________________
امنه:معاد دير حل رجعلي بنتي 😭
معاد:تعودي عالوضع البنت مش حتسيب امها
امنه:متقولش هكييي سالي بنتي مستحيييل نعطيها لوحده قاااااتله مستحيييل
معاد:اليوم بنمشوا لي فرح وبتقولي لي سالي انك مش امها وفرح امها وبتفهميها البنت من يوم وغادي بتتربى مع امها الحقيقيه
امنه:شن غير رايك قولي كييييف قادر تخلي بنتك تتربى مع قاتله
معاد:القااااتله امهاااااا امهااااا استوعبييييي انه سالي مشششش بننننتك من اووول يوم قلتتتلك متتعلقييييش بالبنت سيورها وبتعرف انك مش امهااااا
______________________________
مصعب:ها وينك
روزا: على ايدك الايمين سيارة سودة
مصعب:تم شفتك....فتح باب السيارة ونزل
روزا:نزلت....شن زبطت الوضع
مصعب:كل شي تمام انتي كلمتي الشرطه
روزا:فالاول ارفعني بنشوفه ونتكلم معاه بعدها ساهل
مصعب:تم اركبي
روزا:ركبت معاه
مصعب: وشغل السيارة وطلع......كلمتي ميسم
روزا:كلمتها
مصعب:درهتلي كبدي ستين مرة تتصل بيا باش توصل فيك
_____________________________
سندس:متوترة ماشيه جايه فالزنزانه وتفكر والي فبالها لو طلع صح معناه بيصير الدم فالسجن
ميسم:سندس فهميني خيرك خوفتيني يبنتي قولي شن صاير بنطيح من الخوف
سندس:نسيبة
ميسم:خيرها ؟؟
سندس:قالت انها قتلت شخص كانت مجبورة
ميسم:شافتلها شويه وبعدها قعمزت عالسرير وتفرك فيديها.....لاا مستحيل الي خطر على بالي مستحيل
سندس:لو طلع صح مشكله كبيره
ميسم:يعني توا انتي مفكره انه نسيبة هيا الي قتلت فهد
سندس:انشاء الله ميطلعش تفكيري صح
ميسم:ناديها خلي نتأكدوا من الموضوع انا جسمي يرعش مش قادرة نوقف
سندس:تمام ومشت
