جروح قاسيه♥🔥

حياة جديدة♥

الحلقه الثانيه:
رجعت ارسلين للبنات ووجها ميتفسرش
ريناد: خيييرك ارسلين شن صارلك خيره وجهك هكي تقول اندرا من مااات؟؟
لارا: اي شن فيييه انشاءالله خير
ارسلين:  فيه عيلة تبي تتبناني
انصدموو لبنااات
ريناااد: شنييي لااا مستحيل يعني حتمشي وتخلينا
لارا:  حيي لا لا مستحيللل نخلوك تمشي
ارسلين: غر اسكتوو بشوية اني مزال مقررتش بس
العيلة تبيني وابله سعاد نصحتني نمشي معاهم ونا مش
عارفه شن ندير
ريناد: اني مش عارفه شن نقول بس حتى وكان حني حنزعلو لكن هادي حياتك وحتكوني سعيدة لو مشيتي مع
العائله هادي
لارا: اي ياارسلين ريناد عندها حق حتى وكان حنزعلو هدا مستقبلك
ارسلين: بس بس بنستااحشكم هلباا انتو اخوااتي كيف حنقدر نبعد عليكم تربينا وكبرنا مع بعض😭
لبنات حضنوو ارسلين وقعدو يبكوو
ريناد: صح تربينا مع بعض بس انتي قاعدة هني قريبه يعني حنقدرو نشوفك وقت ل نبو انا ننصحك توافقي تمشي مع العيله هادي
لارا: اي ارسلين اختاري الطريق صح ل حيكونلك مستقبلك والطريق هادي هي انك تمشي مع العيله
ارسلين: يعني نوافق برايكم بس حنستاحشكم ونستاحش
الميتم😭💔
لارا وريناااد: خلاااص عاد يلا بلا بكي ارسلين وافقي🥺
ارسلين حضنتهم: تمام حنوافق🥺
_________________
مشت ارسلين للابله سعاد وقالتلها انه موافقه وسعاد
اتصلت بالعيله وقالتلهم قرار ارسلين..
ثاني يوم صبح..
ارسلين كانت توتي فروحها وتلم في دبشها لانه العيله بيجو ياخدوها لن خشت عليها ريناد
ريناد: ارسلين هي تعالي بنات لميتم يبو يودعوك قبل ماتمشي
ارسلين: تمسح في دمعتها هي تمام جايه
ريناد: بالله عليك معاتش تبكي حرقتيلي قلبي
ارسلين: مش قادرة😭😭
ريناد: خلاااص هيا عاد حتخليني نبكي حتى ني💔
ارسلين: لللا لا خلاص متبكيش دمعتك غاليه عليا
ريناد: ايواه هكي هي
ودعت ارسلين لبنات وبالاخص لارا وريناد ودعتهم وهما يبكو ويحضنو في بعض كان موقف مؤثر لانه تربو وكبرو مع بعض هما اكتر من اخوات فلهدا قرار انه وحدة منهم تمشي قرار صعب ومؤلم عليهم💔 مشت ارسلين مع نيهال وكرم عايلتها للجديدة وصلوو للحوش كان حوش
كبير هلبا تقول قصر طبعا كرم من عائله غنيه وهو عنده فيلا كبيرة نزلت ارسلين. من السياره وهي مترردة
نيهال: هي انزلي ارسلين هدا من توه صار حوشك
ارسلين: ت تت تمام اا اهو انزلت
نيهال: ارسلين بنيتي خليك عادي معاتش تتوتري حني من ليوم عيلتك
كرم: اي يابنتي ي ارسلين حني من توه عيلتك
ارسلين ابتسمت لانه كانت مستاحشه اهلها ومستاحشه تسمع الكلام هدا ردت عليهم: شكرااا ليكم كلامكم معاي حلوو هلبا وانشاءللله حنكوون بنت تليق بيكم
نيهال: اي ايواه هكي هيا خل نخشو للحوش
خشت ارسلين للحوش تفاجئت من جماله وكبره قعدت دور في كل مكان
ارسلين: مشاءالله تباارك الرحمن قداااش يهبلللل هالحوش زي لنشوف فيهم فلمسلسلات😍
كرم: هدا من توه صار حوشك ي ارسلين
نيهال:  بادن الله حتشوفي كل خير وحتفرحي هلبا وهالحوش هو لييك هي تعالي نوريك دارك
ارسلين: دمعت عينيها وحضنت نيهال وبدت تبكي شكرااا ليكم شكرااا قداش كنت مستاحشه امي وبوي 
نيهال: خلااص بنتي معاتش تبكي بادن الله حنعوضوك عن كل شي عشتيه هي تعالي نوريك دارك
ارسلين مسحت دموعها: تمااام هي
___________________________
في مكاان تاني):.
مصطفى: شن فيه جديد ع ارسلين ي محمد
محمد: سمعت انه تبنتها عيلة والعيله اهيا غنية هلباا
مصطفى: وين وين البنت هادي محظوظه هلبا عندها ثروة ومتعلمش بيها واهو حصلت ثروة ثانيه
محمد: به شن بنديرو تواا ثروة متع عمنا كيف حناخدوها
مصطفى: مزاال كل شي بشوية خليها توا تفرح عندي خطة توا نديرها لكن مزال وقتها
محمد: تمام بس فهمني شن هيا الخطة
مصطفى: .... وهكي فهمت
محمد: شنييييي شكلك هبلت انت معقولة لدرجه هادي
مصطفى: كان تبي تعيش زي الملوك لازم دير اي حاجة ولا تبي ولادنا يموتو من الجوع
محمد: بس بس قصدي هلبا هكي كان نكشفنا بنمشو فيها
مصطفى: مش حننكشفو غر اسكت انت بس
يتبع.........."

الحلقه قصيره اسفه حنحاول نطوول في الحلقه الجاايه تفاااعلوو بليييز💗💗