جروح قاسيه♥🔥

❤❤

الحلقه الثالثة:
ناضت ارسلين من النوم وهدا طبعا اول يوم ليها فحوشها جديد واول يوم ليها في الجامعه دارت روتينها اليومي ومشت تفطر
ارسلين: صباح الخير عمتي نيهال صباح لخير عمي كرم
نيهال: صباح نور بنتي لحلوة ❤
كرم: صباح الخيرااات
نيهال: حسب مسمعت انه ليوم اول يوم ليك فالجامعة بس حسب منعرف عمرك توا 21 يعني مفروض انتي توه فسنة تالتة جامعة
ارسلين: اي صح بس اني وصحباتي وقفنا قرايتنا بعد ماتمينا الثانوي لانه الميتم كان محتاج هلبا حاجات وحني كذالك قلنا لازم نعتمدو ع رواحنا فاقعدنا نخدموو ومامشيناش للجامعة لكن سنه اهيا قررنا نرجعو لانه صار عندنا شغلنا الخاص فينا والحمدلله
كرم: حلوو شن كنتو تخدمو
ارسلين: اني ولارا وريناد نحبوو التطيب هلبا كنا حني التلاته نطيبو فالميتم فقررنا نخدمو في مطعم كبدايه لينا
وتوظفنا في مطعم والحمدلله كانو الكل يحبو تطيبنا  وقعدنا نطيبو في طلبيات ونبعتو فيهم للمحلات ونديرو فطلبيات للاعراس وهكي كونا روحنا بروحنا.
نيهال: تبارك الرحمن كل هدا درتووه ربي يحفظكم من العين بنيتي الفالحه ربي ميحرمني منها
كرم: اي يعني ليوم لازم انتي طيبي نبي ندوق تطيبك
ارسلين:  هههههه حاضر ليوم حنطيب اني
كرم: اسمعي ارسلين انتي توه معاتش مطرة تخدمي
ارسلين: صح بس انا نحب مجال طبخ وكونت روحي كن زمان ونبي نقعد ونستمر في المجال هدا
كرم: به تمام زي متبي بس نبي   نشريلك محل وتفتحيه مطعم
ارسلين:  قصدك حيصير عندي مطعم باسمي البنااات حيفرحوو هلبااا
كرم: اكيييد انتي تستاهلي كل خير
ارسلين: شكراااا شكراااا هلبااااا هي توا سلام خل نمشي لجامعه باي عمتي نيهال
نيهال: سلام بنيتي ديري بالك عروحك
_____________🔥🔥 رواية زيزو🔥🔥________
في الجامعه:
ارسلين: صباحووو بنااات
ريناد ولارا: صباح نور سوسو شنجوو
ارسلين:اهو تمام وانتوو
ريناد ولارا:الحمدلله كيف شفتي حوشك الجديد
ارسلين:حلووو فرحت هلبا لاني حسيت بشعور العيله بعد كل هالسنين
ريناد ولارا:اي كويس حلووو
ارسلين:وتو روحكم ره بعد الجامعه بتمشو معاي للحوش خل نوريهولكم ونقعدو مع بعض ونهدرزو
ريناد:اي اي عاااادي حنجو اكيد
لارا:حني اكييد حنجوو بس لازم نشاورو ابله سعاد قبل
ارسلين:توا نتصل ييها اني ونقولها اكييد مش حتقول لا
ريناد:تمام هي توه خل نخشو القاعه متعنا خل نشوفو جو الجامعه والمحاضره
لارا:اي هياا
في مكان تاني:
مصطفى:اسمع محمد  الميراث والثروة متع ارسلين مش حنقدرو ناخدوهاا لانه كل شي مسجل باسمها ومستحيل حد يقدر يغير شي هدا
محمد:به وشن بنديرو توه
مصطفى:تذكر لما قتلك ع الفكره هاديكا
محمد:مزلت مصمم انه نفذوها ياودي فكنا اقسم بالله نمشو فيها لو انكشفنا
مصطفى:فكني من الكلام هدا مش حننكشفو لو انت متبيش برا امشي روح لحوشك ومعاتش توريني وجهك😡
محمد:لالا نبي خلاص🙄
____________
عند لبنات روحو لحوش ارسلين
ريناد:حي محلاه الحوش ارسلين كبير تقول قصر
لارا:نبي نشوووف دارك هي
ارسلين:حااضر هي نوريكم داري
لارا:حييي تهبلللللل كبيره فيها كل شي
ريناد:تهبلللل تهبللللل سعدودك صار عندك كل شي ربي يدوم عليك
ارسلين:تواا انتي وياها تدوو جديااات كل شي هني لينا حني التلاته مع بعض فلهدا الحاجة ل تعجبكم خدوها
ريناااد:انتييي احلى واحن صديقه واخت لينااااا
لارا:ربي ميحرمنا من بعض
ارسلين:حقااا بعد غدوا عيد ميلادك ي ريناد الحفله مخطط متعها جاهز بس لازم غدوا نمشو نشرو لاوزم متعها
ريناد:اي مالا شن لازم نشرو هدا عيد ميلادي😌
لارا:بدينااا في الجكترة🙂
ارسلين:ريناد ياسر وانتي ديما تتجكتري🙂😂
ريناد:اسكتي انتي وياهاااا
لارا:اي توه قداش ليوم معاتش خدمنا طلبيات
ارسلين:ذكرررتينيي عمي كرم قالي بنشريلك محل كبير وافتحيه مطعم خير من خدمة طلبيات
ريناااد:قصصدكك حيصير عندنا مطعم
لارا:وووه ياربي مش مصدقه😭
ارسلين: فرحتتت هلباااا لما قالي حتى ني مش مصدقه امتا نفتحووه المطعم.
خشت عليهم نيهال:اهلين بناات
ارسلين:اهلين عمتي نيهال تفضلي قعمزي
نيهال:ارسلين بنيتي نبيك في موضوع
ارسلين:انشاءالله خير اهو جايه