"لأنني فتـاة"

الحلقـــ2ــة 💙🍂

قصــــة _ لأننـي فتـــاة

الـجـــزء الثـــانــي  … 2

كتابة ✍ : *🌺 زබ‏ـرة ρـرزق...🖤👑*

قـــراءة طيبــة 📖 ✨

•°•°•°•°•°•°•°•°•°•°•°•°•°•°•°•°•°•°•°•°•°•
                  " *مــــدخــــــل* "

" *القلب المنكسر سينجبر . والطريق المغلق سيُفتح . وأمورك المعوّجة ستستقيم* . *ربك أعلم وأرحم بك* ... .
*فقط:*
*1-ثق بربك*
*2-افعل السبب*
*3-اجعل وقودك الصبر والمثابرة* "

•°•°•°•°•°•°•°•°•°•°•°•°•°•°•°•°•°•°•°•°•°•

                 *~•~•يــــومـ جــــــديــد•~•~*

*فـــي منزل جوري،،،*

جوري في غرفتها تمشي ذهابا و إيابا وتفرك في ايديها بتوتر،تستنى في أمها على أحر من الجمر باش تعرف راي باتها في الموضوع اللي عارفة إنه جنوني،بس مع ذلك حبت تغامر ومستعدة تتحمل كل نتائجه …

سمعت صوت خطوات على السلم،عرفت إن أمها جاية و حاملة معاها النتيجة، جلست قدام حاسوبها مدعية اللامبالاة،وفي داخلها وابل من الفضول و الأسئلة …

نزيهة تخبّط على الباب : جوري جوري

جوري بـهدوء مصطنع   : خشي ماما *!*

خشت الأم و قعدت على الكنبة بهدوء وعيونها على بنتها

جوري بقلق : بشريني شن صار؟؟

نزيهة من بين سنونها  : هذي آخر مرة نخش بيناتكم،اللي يبي حاجة يقضيها بروحه

جوري ناضت من مكانها و قعدت قدام أمها ومسكت ايديها في حركة توسل : ماما آسفة تعبتك معااي بس والله عارفة إنتِ إنه الموضوع حساس ومش حـ نقدر نوصله لبابا زيك، أرجوكِ سامحيني

نزيهة : باهي مادامك عارفة إنه حساس علاش مفكرة فيه أصلا و متعبتني في جرتك ؟

جوري : قصدك ماوافقش؟؟؟

نزيهة اتنهدت و شبحت فيها بصمت : …..

جوري ضغطت ع ايدين أمها : ماما قولييي!!!

نزيهة : جوريتي إنتِ عارفة إنك وحيدة بوك،و عارفة أكثر إن باتك يبي يفخر بيك ويرفع راسه بيك بين الناس،وفي نفس الوقت يبي صالحك ويبيلك مستقبل مثالي، ليش ماتخضعي لغربته،واطَّلعي طلبك الغريب من راسك وترتاحي واتريحي ليش ؟

جوري وقفت و خبطت رجليها على الأرض بعصبية : لا وألف لا، تخصص الطب البشري مانبيه،وإنتم عارفين إني مش ليه ومش قده،وعارفين مستوااي مزبوط وحدودي في القراية و الفهم،تغصبوا فياا على شيء باش نرضي رغباتكم وتفخفخوا قدام الخلق ليش ؟

وكملت وادموعها نزلن من عيونها : ماما نترجاك تزيدي تقنعيه،والله والله اضروا فياا بالقرار هذا،افهموني بالله عليكم افهموني ، قراية طب بشري مانبيهااااااا