قهہـــــر 💔

البارت ال 23

23

قهر // كاعده بالمطبخ اغسل ماعين واكل الي ضال بيهن اني واغسل ويمي طاسه اعزل بيها البهجه دخلت بنيه شابه تطلع عمرها 26 / 30 هيج اعمار بس حلـِۈۋ‏وھّ الحواجب تاتو والحلگ احمر وعلجها طكته واصله لوين اغسل وهي كاعده ع ميز الطعام م̷ـــِْن خلال كلامها عرفتها تاخذ خيره بالفنجان وطشه صديقه نرجس كلش هي
اخذت خيره النرجس كالت الي الي بالج ميصير ومابي ارباح وضلت تحجي هواي سالت  عني نرجس سولفت الها قصتي شلون تطلقت
نور // قهر اسمج حلوو شلونج زينه
قهر // الْحٍمَدٍ للـّہ زينه
نور // شنو حامل
قهر / فتحت عيوني شمعرفها هاي لالا
نور / شكلج مال حامل. تشتغلين وياي
نرجس تضحك وتكول تووب تووب قهر اذا تشتغل مرغوبه
مافهمت شي م̷ـــِْن كلامها
نور // هاا شگلتي
قهر / شنو اشتغل
نور / تبياته
قهر / عود شنو ه̷̷َـَْـُذآ شلون
نور / انتي طاير غطه الشيشه وغمزت قصدها ع عذريتي
اطلعج بيت مسؤلين ضباط رجال اعمال لان عمرج مرغوب وعليه طلبيه وبالنص انتي ونرجس
نرجس م̷ـــِْن سمعت طارت م̷ـــِْن الفرح
قهر / باوعت الها بطرف عيني وانتي ه̷̷َـَْـُذآ شغلج هزيت ايدي ورجعت اشتغل
نور / لالا عيني اني بس ادور معاميل الهم مابيه حيل هههه
نرجس // نوره كلبي استاذن منج اروح اشوف محمد طلع بعده وانتي قهر ديري بالج ع گهوه
طلعت نرجس واني بالمطبخ امسح
نور / تحبين رجلج
قهر / م̷ـــِْن كالت هيج تحسرت وماجاوبتها
نور / فتحت وصله حمره فرشتها ع ميز بيها شغلات ناعمه احجار ومحار وغراض طشه
راح اخذلج طشه لزمتهن بأيدها مدري شتكول وطشتهن ع وصله
نور واه واه انتي ترجعين الزوجج قسمتج ه̷̷َـَْـُذآ
قهر // م̷ـــِْن سمعت وكفت ع حيلي مسحت اديه بدشداشتي وكفت بصفها شوكت
نور / بعدد بعدد وراج طريق طويل وشاق ومتعب اكو عارض بحياتج خيرتج تدوخ لزمتها مَـرّھٌ لخ وهم طشتها
ابتسمت اني هم ابتسمت هاا شنو
بعد التعب تعيشين ملكه
قهر. صدگ كلامها يبرد الگلب حتئ أإأذأإأ موصدگ
نور / روحي جيبي كهوه اخذلج بالفنجان اضبط
قهر / صبيت كهوه شربتت منهاا لزمت الفنجان كلبته ع ماعون وشالته
نور / عندج حمل حبي قريب كلش و راح تسمعين خبر مخزن ترجعين الزوجج معززه مكرمه راح يتسجل شي باسمج وتصيرين ام الامر والناهي انتي
حياتي فنجانج كولش حلوو راحه رااااحه نيالج هههه، بس قبل كلشي تعب وطريق شاق و مصائب بحياتج
قهر / خلت عِنـ.̷̷̸̷̐ـديّ  امل ردت اخذ بعد بس دخلت نرجس
نرجس / قهر طلعي عِنـ.̷̷̸̷̐ـديّ  شغل ويه نويره ههه
طلعت بس فرحانه مدري صدگ تحجي مدري لٱ
صار كبالي ابوي بيده علاليگ مسواگ اخذتهن منه نرجس قافله باب المطبخ حطيتهن شفت بيهن رمان كلش اشتهيته متت عليه اخذت وحده وصعدت لفوگ اكلتها اني وبهجه دخلت نرجس عليه احس الحب وگف بلعومي ميقبل ينزل
نرجس / قهر خوش عرض مال نور هم فلوس وهم. راحه يدللوج أكل وملابس وطلعات وطبات مو بالبصره لاا بغداد ترحين
قهر / ماعرف شنو احجي م̷ـــِْن يجوني بطريقه ناعمه و يتملقون اليه
لٱ وين اودي بهجه
نرجس / خليها يمي اني اهتم بيها
قهر / معقوله هيج تحب الفلوس راح تموت وهي تقنعني
وشلون متحمسه ع حرام
قهر / ميخالف
نرجس / ابتسمت وتكول نكون صديقات اني وياج وسرنه واحد لتكولين الابوج ميقبل اكيد بس اني اقنعه واسترلج م̷ـــِْن تطلعين اوك
قهر / اوك
قهر // لْـۆ اعرف اموت م̷ـــِْن الجوع ماتقرب للحرام ولا اخلي شخص يتقرب مِڼـّي اخذت ملابس بهجه بعلاكه و ملابس اليه ونزلت ابوي مموجود و نرجس تسبح دخلت الغرفتهم اعرف ابوي يحط فلوسه جوه الفراش مال الجربايه شلته لگيت هواي اخذت 25 اني بحياتي ماسرقت ولا مديت ايدي بس هسه مضطره لآزٍمٍ اروح السيف واشرح اله عن حملي صعدت للغرفه مددت ونمت دائما اكعد ويه الصلاه
گعدت يأذن صليت ودعيت •اللّـہ̣̥ يسهل اليه طريقي،واشوف سيف بعد فراق 3 أشهر اخذت بنتي وملابسنه وطلعت بعده الشمس مطالعه و ضلمه امشي بس العمال بالشارع مشيت مسافه كلش طويله طلعت الشمس بدت العالم تمشي واكو حركه بالشارع
اخاف اصعد وحدي بسياره تكسي اتذكر امي تكول الاخواتي لتصعدون ويه شباب شوفي رجال جبير وصعدي وياه
حتئ يخاف •اللّـہ̣̥ بيكم وميتحرش
اجرت تكسي رجال وجه وجه خير مبين حباب وكلبه طيب
قهر / السلام عليكم
وعليكم السلام
صعدت مشه مسافه
عمو وين رايحه نطيني العنوان
قهر / السيف
هههه وين كاعد عنوانه
ماعرف شنو صار بيه كبل بجيت وضليت اناشغ والرجال يشيل كلينيس وينطيني ويحاول يهدئني فهمته السالفه وين رايحه واني حامل وابوي يريد يزوجني
صاحب التكسي. حجه كلام يجنن حرام لآزٍمٍ عده الطلاق وكون سيف يعرف بالحمل الطلاق باطل أإأذأإأ حامل انتي وصفت اله المكان بعيد تذكرت اسماء محلات قريبه منه. و مزارع عرف المكان.
تلهفي واستعجالي خرب وصولي السيف بس شفت مزرعه صحت هنااهناا عموو وصلت ي عمو مناا جان سيف ياخذنه للسوگ الرجال ابتسم وكف السياره نزلت نطيته فلوس ماقبل كال مِڼـّي للزغيره الكروه عوفيها نزلت فرحانه كلش
تقريبا صارت الساعه ب 1 جزاه •اللّـہ̣̥ خير يفر بيه م̷ـــِْن ال 7 الصبح وحتئ كروه مااخذ
دخلت للمزرعه امشي متخلص،وماكو احد بيهاا كعدت تعبت جوه نخله ابدل حفاضه بهجه والبسها ملابس الجو بارد كلش وبي هوه عالي احنا شهر ال 12. قرب الشته
مدري شبي الوقت يركض ركض وياي امشي ماجاي اتذكر شي بس الشارع م̷ـــِْن ياخذني سيف للمستشفئ لْـۆ للسوگ
العصريه هجمت عليه اجلكم •اللّـہ̣̥ چلاب حراسه مال بستان
شفت منضرهن مرعب يفزز الگلب بيهن 6 وفاتحات حلگهن شمرت الغراض والنعال زين ماكطفت بنتي م̷ـــِْن الرهبه لزمتها حيل وركضت واصيح يمه وشردت وهنه وراي درت وجهي بس 4 و البقيه بقن يم غراضي. الشمرتهن
خلاص موتي بحلگ الجلاب اركض،وجلاب منا يسمعن الصوت وهم يصيحن
شفت رجال م̷ـــِْن بعيد واني اصيح عمووو عموو تَعاّإاّإلّ حباب،
اجه خطي يركض شمرهن بالحجار وضل يصيح عليهن وگفت وراه الهث وبهجه فاحطه وعاصرتها هنه وگفن ويصيحن
عموو غراضي هنااك
لآزٍمٍ بيده عوده ضل يضرب بالكاع شردن رحت ع غراضي مشگكاتهن حتئ الحفاضات ملخاتهن
الرجال / عمو •اللّـہ̣̥ سترج هسه ردت اروح للبيت شجابج انتي لهناا هاي جلاب حراسه مسعوره تاكل الوجه اكل •اللّـہ̣̥ ستر •اللّـہ̣̥ سترر عمو انتي بنت منو
قهر / م̷ـــِْن الخوفه ماكدر احجي اخذني ع بيتهم مسافه منه
دخلت للبيت.       ام حسين وينج جاج خطار
استقبلتني مَـرّھٌ
مستغربه م̷ـــِْن وجودي
كعدت بلا سلام ولا كلام ارجف وبلعومي يابس
ام حسين هَــْـِْـْْـِلاّ بيها
اسمع رجلها يسولف يكول هجمت الجلاب عليهاا مال المصنع زين ماكلنها هي وجاهلتها.
قهر./ م̷ـــِْن شفت ملابسنه شلون مشگكات تجي تخيلات بالي لْـۆ شامره بنتي شصار بيها اتخيلها وابجي،  مرت الرجال جابت اليه شوربه وخبزه اكلتهن كلهن وصبت مَـرّھٌ ثانيه ناكل اني وبهجوجه م̷ـــِْن الصبح ماماكله شي بس بسكت عِنـ.̷̷̸̷̐ـديّ  انطي البهجه
فرشتلي كعدت شفت رجليه كلها سل م̷ـــِْن الكاع ماحسيت بي الدم طالع م̷ـــِْن رجلي بالدنبوس واطلع الشوك منهن.
ابو حسين / عمي انتي بنت منو وشسوين هناا وهاي الجلاب بكل مكان وخطره اكو منهن مسعوره وتاكل بشر
بهجه / عمو هاي مو موزرعه سيف
ابو حسين / لاعمي هاي گاعي،وذيج مال رجال ابو نجم مال مصنع الدبس لكدام مزرعه ابو ماهر
وبعد ليكدام هم مزارع بس ماسامع بسيف. شلون صاير
قهر / ضللينه نسولف نـًسّْيـت المزرعه باسم ابوه ويصيحوله ابو ماهر ذكر اسمه م̷ـــِْن عدد المزارع بس ماتنبهت عليه عافوني وحدي شبكت بنتي ونمت الصبح كعدت الكل كاعد گبلي محضرين الريوگ تريكت
ابو حسين / عمي راح اوديج ع شيخ هناا واحجي اله ع سيف،
صدك اخذني الرجال حباب. ابوحسين بس وصلني وراح لان ميحجي وياه 
گعدت ويه الشيخ سولفت كلشي اله م̷ـــِْن طلقني سيف لليوم  قترح عليه اشتغل وياهم واگعد هناا واشتغل واصرف ع بنتي
والشيخ يتصرف بسالفه سيف يروح يشوفه
ضليت 3 ايام والشيخ خطي ماقصر وياي مرته وبناته هم
وداني ع بيت فلاحين كعدت بي مدري عِنـ.̷̷̸̷̐ـديّ  احساس وشعور بيهم عبالهم شارده لْـۆ اجذب عليهم واحسهم يعرفون سيف نضراتهم اليه مثل الي مستخطيني ويبقوني يمهم يكسبون ثواب بيه محد يصدق ابوي يريد يزوجني الرجال اكبر منه
وفعلا سمعت مرت ابن الشيخ تسولف الوحده م̷ـــِْن بنات الشيخ
تكول الها شارده م̷ـــِْن زوجها ويجوز صاحبها محبلها وتخاف يكتلوها راح نعوفها  هناا خطيه بعدهي زغيره وبنيته هم
ضليت يمهم اكعد م̷ـــِْن الصبح مرت الشيخ تشد عباتي ع خصري واطلع احش وياها للحلال ماعرف بس تعلمت ‏​‏​منـِْهـ♡̨̐ـِْا شي سهلل ارجع ينطوني 5 الالف
منتضره جواب الشيخ ع نار كل مَـرّھٌ اساله مراح السيف
بهل ايام رجع ابنه شهيد الكل نفجع وصوت الصايح والصريخ يبچي الصخر اشوف امه تملخ بروحها ومرته نايمه ع تابوت وتكول اكعد كافي نوم بيت الفلاحين مسافه عن بيتهم
اروح الهم م̷ـــِْن الصبح وارجع المغرب غرفه منطيني اخاف اروح وادور اخاف هم تهجم عليه الچلاب،
مر شهر بطني كبرت شبعت جمعت فلوس وبهوجه مرتاحه هم اخذها وياي للزرع تلعب يمي اهم شي خلصت م̷ـــِْن ابوي ومرته وتفكيرهم بس بالفلوس
يوم الجو بارد كلش وبي هوه عالي لابسه دشداشه قديفه وستره صوف حياكه وبهجه لابسه تراك حياكه. صاير جوزي م̷ـــِْن الوسخ وجه بهجه مشگ وايدهاهم
اني شفتي مشگه ويطلع منهاا دم وخدودي حمر م̷ـــِْن المشگ واديه خشنه لاببسه حجاب بلا عبايه لان بلاصل مالبس شايڵـهٍ بهجه صفح وحده م̷ـــِْن رجلها ع بطني مخليتها وامشي وحدي بالمزرعه ضايجه وكلش مختنكه خلاص راح ابقئ هناا لٱ اريد اروح السيف ولا الابوي.     اشتغل واعيل نفسي،و بنتي والي بالطريق جمعت الهاا فلوس والم الها ملابس م̷ـــِْن بناتهم مال اطفال
امشي م̷ـــِْن يجي هوه بارد اضم راس بهجه ع صدري شفت ولد م̷ـــِْن بعيد يمشي كلبي رف اله تقصدت اروح اشوفه منوو

يتبع 🌹💔 للكاتبه آمنه مهدي