في إحدى شوارع القاهره المزدحمه يعلو صوت الماره وصوت السيارات لينبأ عن بداية يوم جديد
في شرفة منزل كان يقف شخص يبدو عليه الكِبر إلي حد ما وأيضا يتسم بالبساطة، ومن الجريده في يده والنظارة التي يرتديها وكوب القهوه يمكنك القول أنه شخص مثقف
:صباح الخير يا أستاذ حامد
رفع الرجل عينيه ليجيب بإبتسامة علي بواب العمارة التي هو أحد سكانها
:صباح النور ياعم مغاوري
نظر حامد إلى الرجل المذكور في الدور الأرضي ليجده يجلس هو وزوجته وأولاده ليتناولوا الفطور، فاتجه للداخل لينادي علي أبنائه
:لين، أنتِ لسه مقومتيش، يلا اصحي وصحي اخواتك
خرجت من المطبخ فتاة جميلة الملامح وبالنظر الي ملامح والدها بإمكانك أن تعلم أنها لا تشبهه في الوجه بل تشبه والدتها
اقتربت منه وهي تقول
:أنا حضرت الفطار يابابا خلاص هادخل اصحي رحمه وخديجه
ابتسم لها والدها ونظر إلى صورة معلقه علي الحائط ليقول
:فعلا اللي خلف ممتش لين شبهك جدا ياسناء حتي طيبة قلبها، ربنا يرحمك
كانت لين قد دخلت إلى غرفة النوم لإيقاظ شقيقاتها، اتجهت إلى شباك الغرفه وفتحته ليدخل النور الي الغرفه، مما جعل إحدى الفتاتان النائمتان تنزعج من ذلك قائله
:يارحمه اقفلي الشباك حرام عليكي عايزه انام
اتجهت إليها لين وهي تبعد عنها الغطاء
:قومي يارحمه المفروض اصلا كنتي تصحي من بدري علشان تحضري معايا الفطار، انهارده الجمعه يعني مفيش كليه
سمعت لين شقيقتها الأخري تقول بتذمر
:وطالما انهارده الجمعه بتصحينا بدري ليه؟!
ابتسمت لين وذهبت إلى الأخرى والتي كانت قد سحبت الغطاء وقامت بالفعل لتحتضها قائله
:حتي أنتِ ياخديجه دا أنا بقول مليش غير أختي الصغيرة
قطبت الفتاه مابين حاجبيها وقالت معترضه
:مين دي اللي صغيره أنا في تالته إعدادي ياماما
ضربتها لين علي رأسها لتقول وهي تنهض خارجه من الغرفه
:انا هطلع برا أفطر أنا وبابا واللي مش هيلحق الفطار ميقوليش بعد كدا أنا مفطرتش، مش هعمل فطار تاني أنا
خرجت ورائها خديجه سريعا بينما تمتمت رحمه قائله وهي تسحب الغطاء فوقها مرة اخر لتنام
:يعني هو الاكل هيطير من التلاجه هبقي اكل أي حاجة!
ثم سمعت صوت والدها ينادي بحزم
:رحمه!!
لتقوم سريعا وترمي الغطاء وتذهب للمرحاض حتي تغسل وجهها
بعد دقائق كان الجميع مجتمعين حول مائدة الطعام لتناول الفطور
قال والدهم
:بعد كدا ابقوا اصحوا حضروا الفطار مع أختكم علي الأقل يوم الجمعه هي بتصحي دايما تحضره وبتهتم بكل تفاصيل البيت من بعد ما والدتكم الله يرحمها ماتت، وطبعا كل واحد فينا بيخرج بيرجع يلاقي الأكل جاهز وهدومه متجهزه فكتر خيرها يعني
أنت تقرأ
رحلة الحياة
Romanceستعطيك الحياة أشياء كثيرة كالسعادة، الحب، المال وغير ذلك لكن ستأخذ منك مقابل ما أعطتك إياه وربما أكثر! يقول نجيب محفوظ 'الحياة لاتعطي دروس لأحد، فحين أقول الحياة علمتني، تأكد من أنني دفعت الثمن'
