في نفس الوقت في مكان آخر بالصعيد
كان يجلس رجل طاعن في السن ومعه رجلان
:هو أخوي حامد مش هيجي اهنه بجي يابوي، بجاله عشر سنين في مصر، متوحشناش ولا ايه؟
قال اصغرهم
تنهد الرجل المسن بعمق وقال
: مش لو كان أخوك رجب منشفش دماغه زمان كان هو وولاده ومرته معنا بس نجول ايه بجي ياعثمان، حتي الحديت بيناتنا بجي في النازل
أنهى كلامه ونظر لابنه الآخر الذي بدي عليه الانزعاج وقال وهو يصر علي أسنانه
:أنا معملتش حاجه يابوي، وإذا مكنش رايد يجي لهنه ميجيشي، خليه هنكه عند المصاروه لما يفسدوه ويفسدوا ولاده، رجل غبي صُح، ابوه عمدة البلد وهو اهنكه عم بيدير مدرسه، حامد طول عمره غ..
:إياك تكون فاكر اني سمحلك تتحدتت علي أخوك الكبير اكده بالساهل، أنا لو اتحددت معاك في الموضوع ده مش هنخلصوا يارجب
قاطعه الرجل بحزم وهو يقف متكئ علي عكازه، ثم تركه وذهب وورائه ابنه الآخر ليظل هو
:ماشي يابوي اعمل اللي بدك اياه بس حتي لو حامد جه لهنه مش هيتهني ليوم واحد
قال بكره وحقد دفين ملأ عينيه
____________
في فيلا الصياد
كان الجميع يجلس ليتناولوا الغداء
ظل يوسف ينظر لخالد، وما أن رفع خالد نظره وإلتقت أعينهم حتي أخفض يوسف نظره سريعا
لاحظ والدهم تلك النظرات فقال
:هو في إيه، اي النظرات دي؟
نظر يوسف لخالد الذي نظر لوالده وقال
:لا ابدا مفيش حاجه يابابا
ثم نظر ليوسف مرة أخرى
أنت تقرأ
رحلة الحياة
Romanceستعطيك الحياة أشياء كثيرة كالسعادة، الحب، المال وغير ذلك لكن ستأخذ منك مقابل ما أعطتك إياه وربما أكثر! يقول نجيب محفوظ 'الحياة لاتعطي دروس لأحد، فحين أقول الحياة علمتني، تأكد من أنني دفعت الثمن'
