The Living Miracle- Koe Mana 'ihe Mo'ui

Vahe 3

- Lolaine

Ta 'oku toki mahino kiate au 'a hono 'uhinga. 'A e 'uhinga 'o 'eku 'I heni. 'I he loki ni. 'I he falemahaki ni. Na'e tui'I au 'e he me'alele. 'E he ki'I ka.

'Oku 'ikai lava keu fu'u mahino'I lelei ka koe me'a ia 'oku ou 'I heni ai. Koe 'uhinga ia 'oku 'ikai keu lava ai ongo'I hoku sino. Hoku sino kotoa. Tuku kehe hoku nima to'ohema. 'Oku ou fa ki hoku 'ulu pea u toki 'ilo'I ta na'e kosi hoku 'ulu. Hoku 'ulu fk'ofo'ofa neu sai'ia ai. Na'e kosi ia. 'O 'osi. 'Ikai! Na'e kilipa'I pea tele'I. Pea 'oku poko. Pea ta ko hoku 'ulu 'oku ne lavea. Mei hono tui'I au 'e he me'alele.

Kou tokoto pe. 'Oku fihi tu'u e fkkaukau. Pea 'oku kei lelea pe hoku loto. 'Ikai fa'a malava keu ngaue hoku sino. 'Ikai keu lava keu tu'u. Koe tokoto pe.

Ko si'eku fa'e na'e tu'u tafa'aki mai pe. Kou vakai ki si'eku kui fefine 'oku ne si'I lo'imata'ia maipe he matapa moe losalio funga 'o Malia 'I hono nima. Kou vakai koe mali 'o hoku fa'etangata 'oku ne si'I tangi maipe mo puke hoku nima. 'Oku ou vakai ko si'eku mehikitanga 'ofa, 'oku ne si'I tangi maipe mo ui hoku hingoa. 'Oku ou vakai ko si'eku ongo ki'I fa'etangata, 'oku fakato'a maipe 'ena sio, malimali maipe ke pulia 'ae mamahi 'I hona loto. Kou vakai hake 'o ma'u hoku fanga kasini kuo nau tu'u tafa'aki pe koe vakai 'o'oku.

Ko ha ngaahi mata 'oha kakai 'oku nau tu'u tafa'aki 'I ho'o faingata'ia koe fkha ia 'o 'enau 'ofa. He toki 'ofa ee koha kakai kuo 'ofeina kenau si'I 'a'ahi kiate kita.

"Malo ho'o lelei, Lolaine ke si'I fefe hake?!" ko si'eku mehikitanga si'ene lea mai moe tangi. 'Ae fk'amu ke iai haku ivi keu fkmalo kiai. Keu talaange maloo si'ene 'a'ahi mai. Malo si'ene 'ofa ta'e 'iai hano tatau 'iate au. Malo he me'a kotoa. Ka kou ongo'I 'oku nounou hoku ivi. Pea u tangi. Na'e 'ikai keu lava ke pu'aki ha lea kau si'I tangi pe. 'O mau si'I fetangihi aipe.

Pea 'I he'eku tangi, neu ongo'I 'ae me'a faikehe 'oku hoko kiate au. 'I hoku mata, koe faha'I hema 'o hoku mata 'oku hafu noa pe lo'imata. Pea 'ihe faha'I hema hoku mata 'oku 'ikai ke hafu ha lo'imata ia ai.

'A e 'ohovale 'I he'eku fa'e. Mo hoku kainga.

Kou ongo'I 'oku vaivaia hoku sino. Meihe tangi. Meihe havala e fkkaukau moe 'atamai. Mei he 'ikai lava tali 'ae me'a 'oku hoko kiate au. 'Oku kamata keu fkfehu'ia hoku mahu'inga. Koeha 'oku hoko nai eni kiate au? Ko haku tuha pe? Koe ta'e tokanga nai 'eku fa'e? Ko ha tautea eni kiha me'a na'e hoko? Ko haku fo'ui nai pe?

Kuikui leva hoku mata. Pea u mohe.