يا هلة بل ناس لطيبة اقصد اهلنة لقدامة وكل الحب ول احترام الجيل 2000 معا احترامي لكم يا احبتي هاذا الكتاب مخصص اذكرياتنة لحلوة واقصد الفئة 1990 ونتة نازل مو صاعد معا احترامي لباقي المواليد بس اغلب كلامنة او شغلات الي راح تنذكر. باهذا الكتاب انت ما ملحك عليهة او سامع بيهة. من قبل اهلك فة يا صديقي او صديقتي تعال خلي اسولفلك على ايامنة لحلوة وطيبت اهلنة لقدامة وشلون جانت حياتنة
تعرفون هاذا الصورة شنو معناهة 😂😂😂
تعال اسولفلكم عليهة شوية
جانت الكهرباء تنكطع ابيام الصيف فة
يصعدن البنات العصر ويرشن السطح
ومن تغيب الشمس يصعدون الدواشك علمود يبردن شوية ورة شوية تصعد العائلة وتصعد وياهة صينية الركي الزين 😂😂😂😂😂😂 بعد ماتعشوووو
ويصعد الحجي ويكول وين الجاي 😒😒😂😂
ويصعدون القوري الجاي المهيل
مو الحجي يدخن وتبقى تسولف ويانة الحجية
لحد مانام نكعد الصبح الشمس تصكع بيك وننزل ركض تريد تكمل نومتك تتفاجئ بلحجية تكلك يلة مامة غسل وتعال تريك علمود تروح للمدرسة
انتة تنعقج بس مغصوب 😂😂😂😂
مواليد 90 ادري بيك جاي تقرى وتضحك وتذكر هاي الايام الحلوة 😂😂😂😂
كمل القراية
گبل جان مصروفك ٢٥ دينار ب اليوم
و جنت من تاخذ ١٠٠ دينار تحس روحك ملك زمانك😂😂😂
تگعد ساعه ٦ و نص الصبح و تطلع ب ال ٧ ونص و تروح مشي للمدرسة
جنت تنتظر امك و هيه تحطلك اللفه ب الجنطه و تطلع
جانت المدرسه ٦ دروس و تعب بس ما جنا نحس بشي و اذا غاب الاستاذ اكبر فرحه تصير 😂😂
جان حايط الصف نكتب عليه اسامينا و راسمين قلب حب عليها ومضروب سهم ليش مضروب سهم مادري اذا مابي سهم معناتهة اكو مصيبة 😂😂
جان الخوف من حل الواجبات اكبر خوف لان الاستاذ جان عنده رهبه جبيره
جانت الفرصه اكبر فرحه عدنا جنا نركض نطلع من باب الصف حسبالك طالعين افراج من السجن. 😂😂😂
جنت احط ايدي على جتف صاحبي و نروح جانت ضحكتنا راس مالنا و ماكو مكان للهموم جوانا
جان الواحد يروح تعبان للبيت و يذب الجنطه ب الباب و يصيح يووومه شمسويه اكل🤦♂ 😂😂
جانت الطوبه مال منطقه نايلون و بس الطاگ عنده طوبه كبس و الگول طابوكتين و واكف وراه واحد يصغر و يكبر بي بكل هجمه و الملعب بنص الشارع و السمين يوگف گولجي ( يعني حارس مرمة )
زمااان
العشا خفيف
و تگعد تنتظر امك تسويلك املاء
كل ما تشوف طياره تسلم عليها و تگول مع السلامه
جنا ننتظر نصير بصف الخامس حتى نكتب ب القلم الجاف 🤦♂
تسئلك امك ساعه شكد تگللها الجبير ع الاربعه و الزغير ع السته
نحس بإنجاز وفرح وشي عظيم إذا طلعت الشمس واحنا بعدنا ما نايمين 😂😂😂
لو من يلزم عليك الحزام ابوك ويجبرك اتنام اضهر اذا جان دومك صباحي تضل تتكلب وكلساع يجيك احزام نام ابن لقندرة 😂😂😂😂
ننتظر الامتحانات علمود ماناخذ جنطه
و ننتظر النتائج علمود نكشخ من نروح ناخذها
اكيد سويت شي منها او تقريبا كلها
من جنت زغير رسمت الشمس بزاويه الورقه 😂😂😂
جنا نسد باب الثلاجه شويه شويه علمود تعرف شوكت يطفى ضواها 😂😂
حاولت توازن مفاتيح الكهرباء بين ON و OFF
اذا واحد من اهلك طلب منك مي يشرب تشرب شويه قبل ماتدخل و تمسح شفتك علمود محد يعرف شربت منا 😂😂😂😂
جيل 90 الله ابو لخير يابة 😂😂😂
اكيد انت تبتسم الآن على هاي الايام الحلوة
وما ننسى قمة الفخامة ايام الابتدائية لما ينطيك الاستاذ طباشير و أوراق ويگولك وصلها للاستاذ في الصف الثاني الي يمنا تفوت عالصف گدام الطلاب وتحس حالك مبعوث من الأمم المتحدة 😂😂😂😂😂😂
اكيد هسه انت/ي تبتسم و رجعت شريط ذكرياتك و حسره بداخلك
لان چنا على نياتنا و گلوبنا صافيه خاليه من الحقد و
المصالح احلا شي اكلوبنه صافيه
استرجع الماضي 😔
أخوكم #_ابو_يزن
