في احد الفنادق العريقه بمدينه الإسكندرية. و في احد الغرف تجلس فتاتين علي احد السراير التي بالغرفه و تجلس واحده علي كرسي التسريحة بينما تقف واحده بجانبها تصورهم. و تقف واحده بعيدا تنظر إلي الجميع ثم تتحدث
علا: ياه انا مش مصدقه ان كل واحده حققت اللي كانت بنتمناه.
لترد عليها الجالسه امام التسريحه
مريم : لا صدقي . احنا دعينا كتير لربنا و الحمد لله استجاب.
لتتحدث احد الفيتات الذين يجلسون علي السرير
بسمه : كل واحده تعبت كتير اوي علي ما وصلت للي بنتمناه ربنا يوفقكم في حياتكم يا حبايبي
لترد الجالسه بجانبها
بسمله : انا فيتني كتير آخر حاجه اعرفها هي انك كنتي مجنونه بيه يا مريم ارجع الاقيكي بتتجوزي و بعدين انا مش فاهمه حاجه مش كان في خناقه و حصلت مشكله و هو مشي . احنا لينا قعده لازم نقعدها.
مريم : خلاص يا ستي انهارده في السهره هقعد احكيلك علي كل حاجه
لترد التي كانت تصورهم
منه: ولازم تحكيلها اللي عملتيه فيا
مريم : انا يا ظلمه . دا انا جوزتك و سترتك
لتخرج واحده من حمام الغرفه مكمله لحديثهم
جني : اسكتي يا بسمله البت منه قعدت تقول مخدوش يا بابا مخدوش يا بابا و دلوقتي مش قادره علي بعده
منه: هي السهره عليا انهارده ولا ايه
الباقي: اه
علا: يلا يا مريم انتي هتضيعي وقت ليه احكي بقا
مريم : انتي مش عارفه الحكايه كلها
علا: عندي فضول اسمعها تاني
مريم : هههههههههه حاضر يا اختي ، بصي يا بسمله
في صباح يوم مليئ بالغيوم في شهر الوقوع في الحب ديسمبر تستيقظ تلك الفتاه علي صوت هاتفها الذي و للمره الاولي ان لا يكون في وضع الصامت
مريم بصوت نائم : الو
علا: الو انتي لسه نايمه يا مريم ، انتي بتهزري
مريم : في ايه يا لؤلؤ بس ما انتي عارفه اني منمتش طول الليل .
علا: طب يلا خلينا نلحق نوصل المطار خلصي
مريم : طب باقي البنات جاهزين
علا: كلمت منه قالتلي هتنزل و بسمه جايالي في الطريق . و جني هتيجي مع منه مفضلش غيرك
مريم : طيب نص ساعه و هكون عندك
علا : طيب متتاخريش هستناكي في الكافي اللي قدام المطار
مريم : طب هاتولي فطار علي ما اجي
علا: تمام
مريم : سلام
علا: سلام
تقوم بطلتنا أنحاء حمام ساخن يليق ببرد الشتاء ثم تلبس ملابسها لكي تذهب الي ارض الفيروز.
تنزل و تركب عربتها ثم تنتقل الي المطار
مريم : صباح الفل .
علا : صباح الجمال
بسمه : صباحو يا ميرو
جني ومنه: صباحو
علا: يلا عشان اتاخرنا كدا
بسمه : يلا
يصعدوا الي الطائره و يجلسون بجانب بعضهم
مريم و بسمه ثم منه و جني ثم علا
كل واحده منهم في عالمه الخاص
فمريم تنظر من الشباك او بمعني آخر سارحه في عالمها الخاص
بسمه تستمع لبعض الأغاني
و جني و منه يسمعون احد الافلام التركيه
و علا تقرأ احد الكتب ليقطع تركيزها احد
...: حلو الكتاب دا علي فكره .
علا: اه جميل اوي .
....: بتقري لميرنا من فتره
علا: لا دي صاحبتي هي اللي رشحتلي الكتاب دا
....: انصحك بعد ما تخلصيه تقري كتابها التاني
علا: ان شاء الله
....: نسيت اعرفك بنفسي اشرف ، اشرف بن شرقي
علا: غني عن التعريف يا كابتن
ثم يحل الصمت من جديد
بعد وقت طويل هبطت الطائره تلك الأرض التي تشبه قطعه من الجنه لاكنها علي أرضنا سيناء تلك العروس التي يحارب من أجلها الجميع .
منه: يلا بينا انا تعبانه و عايزه انام شويه
بسمه : احنا مش جايين ننام
مريم : بصوا بقا عشان مش بعيد كلامي مرتين ، احنا هنطلع الشاليه نغير هدومنا و ننزل علي البحر أو البول اللي هنتفق عليه . و بعد كدا هنغير و ننزل نتغدا و ننام شوايا بعد كدا هنتزل نتعشي و نكمل السهره في الحفله بتاعت النهارده ،امين
البنات : امين
مريم : يلا اتحركم
ذهبوا الي شاليه العائله فهم اصدقاء منذ زمن و اهاليهم اصبحوا أصدقاء
لبسوا و نزلوا
علا: هتعملوا ايه
جني: تعالوا ننزل البول
بسمه : انا هروح اتصور هناك
منه: خديني معاكي و ذهبوا
علا: انا هنزل معاكي يا جني
مريم : انا شويه و هحصلكم
جني : تمام
عند بسمه و منه
منه: بقولك اتصور هنا و لا هناك
بسمه : الاتنين ورد هتفرق معاكي في ايه
منه: هنا ورد بنبي لكن هناك ورد أبيض
بسمه : هنا لايق علي اللي انتي لبساه
منه: تصدقي صح
بسمه : طب اقفي عدل
منه: مانا واقفه أهه
عند جني و علا
جني: فكرك مريم هتنزل ولا هتنفض لنا
علا: لا هتنزل عشان منصدعهاش بليل
جني: علي رايك دا هي جايه هنا مخصوص عشان قاعده بليل دي
عند منه و بسمه
منه عماله تجري و تتصور و فجاه خبطت في حد
منه : سوري مخادتش بالي
... : ولا يهمك انا اللي غلطان
منه: انت فعلا غلطان في حد يمشي سرحان و مش باصص قدامه ، افرض كنت اتكسرت دلوقتي كنت هتفدني انت بايه. جتكم الارف مليتم البلد. واحد قليل الزوق و مشيت
...: يا مجنونه
عند مريم
قاعده قدام البحر ماسكه تليفونها و بتكتب
" يا بحر جئتك حائر الوجدان أشكو جفاء الدهر للإنسان يا بحر خاصمني الزمان وأنني ما عدت أعرف في الحياة مكاني كم عانقتني في رمالك أنجم كم داعبت بالأمنيات لساني كم عاش قلبي في سمائك راهبا يشفي جراح الحب.. بالألحان واليوم جئتك والهموم كأنها شبح يطارد مهجتي..
وكياني."
قفلت التليفون و راحت عند البول. حطت التليفون و الهاند فري.
مريم : بتعملوا ايه
علا : هنعمل سباق يلا
مريم : اعملوا أنتم انا هقعد كدا شويه
بسمه من بعيد : استني بس شويه، براحه مش قادره اجري
منه: يوه محدش قالك تجري
مريم : في ايه مالكم
منه: قابلت واد غلس خبط فيا و كمان متاسفش
بسمه : علي اساس انك كنت ماشيه زي البني آدمين، ما انتي عامله تجري و مجرياني وراكي
جني : المهم الواد حلو
منه : بقولك خبطت فيه . انا هركز هو حلو ولا لا
علا: امال عملتي ايه
منه : هزقته طبعا
جني: جدعه تربيتي
مريم : تربيه وسخه ، يعني انتي ماشيه بتجري و باصه وراكي و مش عايزه تخبطي في حد . انتي احمدي ربنا انه محترم ، مضربكيش بالقلم علي طوله لسانك
منه : هو يستجري كنت قطعتله ايده.
علا: انا جعت
بسمه : وانا
مريم : هتاكلوا هنا قدام البحر ولا هناك عند الرسبشن
جني : خلينا هنا منظر البحر تحفه
منه: طب يلا عشان نلحق نغير هدومنا
طلعوا و خادوا شاور و لبسوا
و هما قاعدين بياكلوا تليفون بسمه رن فيديو كول
بسمه: بسمله بترن فيديو
مريم : طب ردي عليها بسرعه
منه : وحشتني بنت اللاذينا
مريم : بوسي وحشاني يا روحي
بسمله : أنتم كمان وحشتوني اوي ، فينكم كدا
منه : في شرم
بسمله : من غيري يا كلاب
جني : انتي اللي مش عايزه تنزلي
علا: قعدتنا سوا موحشتكيش
بسمله : وحشتني طبعا
بسمه : هتنزلي امتي
بسمله: في يناير بس لسه محديتش امتي. مستنيا اشوف اخبار الجامعه
مريم : هانت و هترجعلنا. كلها الترم الجاي و خلاص
بسمله : ادعولي السنه تعدي علي خير
علا: ان شاء الله يا حبيبتي
بسمله: انا مضتره اقفل دلوقتي ، اول ما اكون فاضيه هكلمكم
البنات : باي باي يا قلبي
و كملوا اكل
نعود الي الواقع
في احد غرف الأوتيل بالإسكندرية
اسامه جلال يدخل من بابا الغرفه وهو يتحدث : طب والله عيب ، اعرف انك هتتجوز من بره
عمرو : انا العريس و لسه عارف من ساعتين بس
اسامه: لا افهم و بعدين عرفتها فين دي و مين الجبروت اللي قدرت توقع عمرو ورده بسرعه كدا
زياد : يا ريتها وقعته لوحده. دا هي و شلتها وقعونا كلنا في شر اعملنا
اسامه : لا دا أنتم تقعدوا كدا و تحكولي
عمرو : اسمع يا بني
في احد فنادق شرم الشيخ يستيقظ بطلنا علي صوت هاتفه صاحب العيون الساحره و الصافيه مثل صفاء العسل
عمرو : الو
لياتيه صوت غاضب
...: الو ايه ، مال صوتك ، انت لسه نايم ، قوم يلا افتح لي الباب انا بقالي نص ساعه بخبط وانت و لا هنا
عمرو: اهدي يا زياد كنت نايم ، ليكمل حديثه و هو يفتح الباب منمش يعني
زياد و هو يدخل : نام برحتك يا عم لكن متسبنيش ملطوع بره كدا ، هي ناقصاك
عمرو : في ايه مالك ، ايه اللي غير مذاجك كدا
زياد : انا جاني الارف و مليت البلد و قليل الزوق انا
عمرو : اهدي بس كدا و فهمني
زياد : مفيش كنت بتمشي شويا علي البحر و سرحت شويا روحت خبط في واحده و هزقتني
عمرو : حلوه
زياد : دا وقته انت التاني بقولك هزقتني ، بس بصراحه هي حلوه اي نعم لسانها طويل بس حلوه
بيرن هاتف عمرو مره اخري
عمرو : ايه يا سعد
سعد: بقولك قابلني في اوضه بن شرقي و ازارو يلا بسرعه
عمرو : ترزيجيه جيه ولا لسه
سعد: كان من نص ساعه خرج من النفق
عمرو : طيب شويه و هيكون جيه . و انا هستحمي و احصلك علي اوضه العيال
سعد: ماشي يا خويا سلام
في احد الغرف
...: مالك يا لا من ساعه ما جيت وانت مش علي بعضك
...: قابلت واحده وانا جاي بس اي قمر و شكلها هادي كدا . نفسي اشوفها تاني
....: انت وقعت يا اشرف ولا ايه
اشرف : معرفش يا وليد ريحه برفنها لسه في أيدي.
ازارو : وانت سلمت عليها
اشرف : لا مسكت منها الكتاب اللي كانت بتقراه
ازارو: عوض عليا عوض الصابرين يارب
اشرف : طب قوم افتح وانت ساكت
ازارو : مين
...: افتح يا زفت
ازارو : سعود . ادخل
سعد : ازيك يا اشرف ، هما باقي العيال لسه مجاتش
اشرف/ازارو :ازيك / معرفش
سعد : انا قايلهم هنتقابل هنا .
الباب خبط
اشرف : تلاقيهم هما ، قوم افتح يا ازارو
ازارو : 😒😒
سعد : ما تقوم يلا اخلص
ازارو : حاضر
سعد: ادخل يا خويا انت و هو
عمرو : صباح الفل
ازارو و بن شرقي : صباح الجمال
زياد : عاملين ايه يا شباب
ازارو و بن شرقي: بخير الحمدلله
الباب خبط
ازارو : قايم من غير ما تقول
مهران : صباح الورد
الشباب : صباحو
سعد: طب يلا عشان نلحق نتغدا و نقعد شويه علي البحر، وإنجازوا عشان بوسي و فيروز تحت لوحدهم
مهران: طب يلا بينا عشان نلحق
نزلوا و هما ماشيين
زياد : أوبا دي طلعت جايه مع صحبها .
سعد: مين دي
زياد : واحده خبطت فيها الصبح
عمرو : هما فين دول يا زيزو
زياد : يبني اللي قاعدين علي التربيزه اللي شبه المرجيحه دي
مهران: أوبا دي في ترابيزة فاضيه جنبهم يلا نلحقها
بوسي : طب اهدوا بس كدا ، عشان شكلهم محترمين اوي
ازارو : احنا هنتعرف بس
سعد : طب يلا يا اخويا انت هو
بوسي : دا روان هناك اهيه ، روان
روان و هي جايه عليهم : عامله ايه وحشاني
بوسي: الحمدلله يا حبيبتي
سعد : جوزك فين
روان : راح يودي الشنط و هينزل
بن شرقي : طب يلا بسرعه نقعد
ازارو : في ايه ياض ما تهدي علي نفسك
بن شرقي : أصلها هناك اعده معاهم
روان : بتتكلموا عن مين
ترزيجيه: عن البنات اللي قاعدين هناك
سعد : أهلا يا تيجوا
و الشباب سلموا عليه
روان : ثواني بس كدا عشان انا اعرف البنات دي و هما مالهمش في الجو دا خالص
مهران : لا ثواني انتي ، تعرفيهم بجد
روان : اه في واحده منهم كانت معايا في الكليه و دول صاحبها و انا اتعرفت عليهم
عمرو : مراتك وورايا يا تريزيجيه
روان : استنوا بس هفهمكم حاجه
تريزيجيه: انتي اللي عملتي كدا في نفسك ، قدامي يلا
كانوا البنات ليقوموا راح ترزيجبه زق روان علي واحده منهم . اول ما لفت البنت
روان : منه ازيك
منه: ازيك يا روني عامله ايه
و اشتغلوا في السلامات و البوس و سلام البنات دا
روان : عاملين ايه يا بنات
البنات : الحمد لله كويسين
روان : مبسوطه اني شوفتكم
البنات : واحنا كمان
مريم : سوري يا روني احنا مضطرين نطلع عشان لسه جايين ملحقناش نرتاح نتقابل بليل ان شاء الله
روان : ان شاء الله يا حبيبتي باي
البنات : باي باي
سعد : فكرك هينزلوا بليل
بوسي: وانت مالك يا حبيبي هينزلوا ولا مش هينزلوا
سعد : بطمن علي مستقبل صحابي العاطفي
بوسي : ماشي يا حونين
زياد: المهم فكرك هينزلوا
روان : بص اللي اعرفه بحكم اني سافرت معاهم مره . انهم بيحبوا الحفلات اللي بتبقي في السهره فاحتمال كبير يسهروا.
♥️♥️♥️♥️♥️♥️♥️♥️♥️♥️♥️♥️
فكركم ايه اللي هيحصل في السهره؟
استنوا البارت الجاي
أنت تقرأ
عشقتك رغم البعد
Romanceمش لازم اشوفك عشان احبك كفايا ان قلبي بيحس بوجودك. "عشقتك رغم اني لم احتضنك، و لم أراك، عشقتك . لاكني كتبت بك و قرأت لك ، وضحكت من أجلك، و تغيرت لأجلك، عشقتك رغم البعد .
