من كان منا يظن أن الحياة بهذة القسوة يا عزيزي ...لن ترحم اي احد مهما كان صغيرا كان أو كبيرا ..لا تفرق بين جنس انسان سواء كان امراءة أو رجل مهما كان غنيا أو فقيرا لديه مشاكل لأنها الحياة..
__________________________________
بدر وهي تنظر لطفلها : ااه يا خوفي عليك يا قلب امك ليحصل ليك حاجة بس عمري ما هسمح لحد يئذيك ده انت اغلي حاجه عندي
فضلت بدر مع طفلها في القوضة لوقت طويل لحد ما دخل عليها راشد بيقول:بدر حبيبتي بقيتي عاملة اي دلوقتي
بدر بدون مباله :كويسة الحمد لله
راشد بتردد:انا هروح مع سعدية علشان البنات لوحدهم يعني ومش هعرف اسبهم لوحدهم
بدر بسخرية:روح ياخويا اي الجديد يعني
راشد بإحراج :هجيلك بكرة أن شاء الله
بدر بسخرية :أن شاء الله
دخلت سعدية عليهم وبتكلم راشد:يلا يا راشد اتاخرنا علي البنات وبعدها وجهت كلامها لبدر وقالت: حمد الله علي السلامة مرة تانية يا بدر شد حيلك كده
بدر بدون اهتمام:اقفل الباب وراك يا راشد
سعديه بغيظ:يلا يا راشد
فضلت بدر مع طفلها لوحدهم في البيت فضلت قاعدة معاه وقالت ليه بحزن :خايفه عليك يا حبيبي مش عارفة هربيك ازاي معيش حته فلوس اكشف بيها عليك وطبعا ابوك مهتم بالبنات ومراته الحرباية مش هتخلية يجيب حاجة ليك يا قلب امك بس ربنا معانا ومش هينسانا
......................................................
بعد شهرين
بدر قاعده مع فرح في القوضة بتاعتها (معلومه بيت بدر عبارة عن قوضتين مش اكتر)
فرح بتساؤل :هو راشد فين من يوم ما كان هنا مشفتهوش من يومها
بدر بحزن :مشفتش وشه من يومها والحال بقي صعب اوي والفلوس اللي راشد كان سايبها خلصت شكلي هنزل اشتغل تاني مع الغفر بتوع الأرض اللي علي أول البلد
فرح :طب هتعملي ده ازاي ومالك معاكي كان الأول ينفع كنتي بطولك بس دلوقتي مش هينفع خالص
بدر:معنديش حل تاني يا فرح كده هموت من الجوع انا وابني
________________________
بعد اسبوع من شغل بدر في الارض تعبت وبقي السهر في حراسه الأرض في البرد صعب عليها اوي وكمان مالك كان صغير اوي علي التعب ده
بدر لنفسها :يارب هون عليا وأرزقني برزق ابني وروحت بيتها تاني بتعب بعد يوم سهر طويل وشغل في الارض ونامت من كتر التعب
.......................................................
بعد مرور 3سنين
الايام كانت لسة زي ما هي بالنسبه لبدر شوية تشتغل في السوق وشوية في حراسة الأرض بليل مع الرجاله وكانت الشغلانه عاديه بالنسبالها أصلها ميتخفش عليها متعوده علي كدة من قبل ما تخلف مالك اصلها من يومها غاويه تروح المولد ومكنتش بتخاف من اي حد وكان الكل بيعملها حساب وكانت عاشقه للسجاير بس بطلت شويه علشان مالك والحال مكنش مساعد انها تشتري سجاير فبطلت مؤقتا
----------------------------
أما بالنسبه لمالك بقي طفل جميل جدا وعيونه واسعه ولونها بني وشعره صغير ولونه اسود غامق كان طفل عفوي وطيب جدا ملاك علي الارض كان بيحب يلعب مع بدر دايما وكان بيروح معاها السوق وأوقات أبوه بيجي يشوفة بس مالك كان متعلق ببدر جدا كانت الحياة بالنسبة ليه
______________________________
في بيت بدر
بدر:مالك يا حبيبي انت فين وبدور عليه
مالك من وراها:بخ بخ
بدر بضحك:كده يا مالك طب تعال بقي وفضلت تجري وراه وهما بيضحكوا ومسكته وفضلت تبوس فيه وهو يضحك
بدر بابتسامة:يلا يا صغنن علشان تلبس هدوم العيد بتاعتك
مالك بفرحه :هييييه هيييه يلا ياماما
بدر لبست مالك الهدوم اللي قدرة تشتريها ليه علشان مكنش معاها فلوس قد كده وبعدها اخده مالك وراحت تشوف اختها والعيله
وصلت بدر عند بيت اختها واكيد دبحين اضحيه زي كل سنه
بدر بابتسامة اول ما وصلت بيت فرح:السلامه عليكم يا جماعة
فرح وعيالها بين بعضهم :شكلها جايه علشان تاخد لحمه وخلاص فخبوا ألحمة وراهم بدر شافتهم فحست بكسره نفس وقالت :ازيكم عاملين اي كل سنه وانتم طيبين
قالوا كلهم :وانتي طيبه ياأم مالك اتفضلي
بدر بكسره :لا معلشي خليها مرة تانيه ومشت اخده مالك وفضلوا ماشين ......ياتري راحت فين؟
..............................................
في مكان بعيد عن بدر وابنها في قريه صغيرة كانت عيله متجمعه وقلقنين علي واحده بتولد وبعدها بشويه سمعوا صوت طفل بيعيط
حسين بفرح:راح جري علي القوضه وقال ولد ولا بنت
الممرضه :بنت زي القمر
حسين شالها وقال :ماشاء الله نور منور يا ولاد
روان ببرائه :مين ده يا بابا
حسين :دي اختك يا روان
روان بتساؤل :اختي طب اسمها اي
حسين ببتسامه :نور
استووووووووب
انا عارفه أن البارت قصير بس تتعوض المرة الجاي المواعيد بقت أحد واربع بدل الاحد بس
أنت تقرأ
انها الحياة
Fiction généraleمن فينا يعرف ماذا تخفي له الحياه ؟ نعيش اليوم فقط هذا كل ما نمتلكه لا نستطيع تغير الامس ولا معرفه الغد لأنها الحياه.
