اعرفكم بنفسي اسمي ايه عمري 18 طالبة خامس علمي عائلتي متكونه من ام واب واخ فقط اخوية احمد عمره 8 موصفاتي حنطاوية وزني 60وطولي 165 شعري قصير وحلكي صغير وشفتي فلر طبيعي وعيوني كبار ولون عسلي حواجبي كثيفات كلش ارجع وياكم للاحداث شوية بسنة 2010. جان عمري 10 سنوات
الاب /بابا ايو ولج ايو كعدي
ايه/هاا بابا والله تعبانه اريد انام
الاب/ ولج احمد ديلعب بغراضج
ايه/ بااااابااااا ليش تخلي اليوم اموووته والله كسر كل غراضي كلشي ما خليه عليه اهئ اهئ اليوم اموته وطلعت ركض ع احمد لكيته كالب الدنيا والغراض كلها مكسره كمت ابجي واحمد انهزم بحظن ماما جانت ماما تتخبل عليه ومتقبل اي احد يضربه واي شي يريده تطيهياه وبابا جان يدافعلي اني لميت غراضي وكعدت ابجي عليهن واتحلف باحمد ووهو خايف مني وخاتل بحظن امي
الاب/والله بابا اني اشتريلج غيرهن لتبجين
ايه/ يوميه يكسرهن وتشترولي ويرجع يكسرهن ما عليه ما اهئ اهئ
الاب/ لا راح اسويلج غرفه وحدج بعد صرتي جبيره واحمد هم غرفه وحده.
ايه/ ماشي بابا بس اريد بيها جربايه ورديه ودوشك وردي وكنتور وردي ولعابات وكلشي واقفل الباب ماخلي احمد يفوت
الاب/ هههه تدلل ابنيتي شعندي غيرج
احمد /بابا اني هم اريد سيارات ولوري وجربايه مال بيهه صورت سبونج بوب
ايه/ انجب بابا يحبني اني ميحبك
احمد /بابا تحبمن انته
الام/يلا انجبوا ثنينكم نحبكم تصالحوا يلا
اجه احمد باسني وكلي بعد ماكسرهن واني قبلت
تغدينا واني ساعدت امي بل اماعين جان بوقتها جمعه ورحت درست شوية ومرت الاحداث عادي الا ان يوم من الايام سمعت صوت سياره بل باب وطلعت اركض شفت باب مشتري جرابي وحده بناتيه ووحده مال ولد تجنن واحنه نكامز وفرحانين خله غرفتي بصف غرفة احمد وجهزوا كلشي هو وماما وغرفتي تجنن وردي نفس مجنت احلم واحمد هم وبست بابا وماما وكلمن غراضه بغرفته واحمد صار عاقل ميكسر ونطلع نتونس كل فتره بابا جان مقاول يوم من الايام بابا اجاه اتصال وكلش انقهر وضاج وحتى ما تغدا سمعته يكول لماما اخوي ستار مزور اوراق وراح ينسجن وامي لطمت ع وجهه عزه العزا شلون يسوي هيج بابا كللها ميعقل هذا ميجوز المهم ضلوا مخبوصين الا ان وكعت التهمه براس ابوي وابوي اتحمل المسؤوليه بكان عمي لان عمي جان المدلل عد بيبي لذلك ابوي الجبير ولازم هو يتصرف مره رجعت من المدرسه وشفت ناس ابيتنه كومه طبيت اركض شفت امي تملخ بروحها وانسوان تجر بيها شافتني وحضنتني وتبجي تكلي ابوج راح وعافنه اني بقيت مصدومه وين راح كلتلي اخذوه الجيش سجنوا وتبجي اني هم ضليت ابجي واخويه احمد يبجي وعمامي واسونه شويه وراحوا بس ولا كأن اخوهم المسجون وبسببهم وما حالوا يتدخلون ابد جان خالي يجي يسأل علينه وينطي مصرف لمي ومسواك وامي عدها فلوس ابوي ضامتهن وتصرف بيهن وعالمحامين بس امي وخالي ابوي مطول 11 شهر وطلع من طلع انفصل من دوامه وسألنه منو ساعدنه كناله محد بس خوالي وامي حاضنته وتبوس بي بس ابوي فرحان وضايج فرحان بشوفتنه ورجعته النه وضايج لان اخوانه محد ساعده او سأل عنه وهمه طاكين كلش وبنفس الوقت انفصل.
حبايب هيج خلص البارات الاول اتمنى تعجبكم وتدعموني القصه مو خياليه من الواقع
