تعاهدتما على اكمال الطريق معاً ❤️
" ثم ماذا حدث "
كنت اضن اننا نسير معا لأكمال الطريق اكتشقت اني انا فقط من سار في الطريق وانت بقيت واقفا
قرر بابا يشتغل حاول يرجع لدوامه ومكدر قرر يشتغل اي شي في سبيل ان نعيش راحت حياة الرفاهيه راحت الضحكه من البيت راحت الونسات والطلعات كلشي راح صار بابا يشتغل عامل عكد العلاكه يادوب
الام/ ابو ايه ترا احمد مدا ياكل ومريض خلي ناخذه للدكتور نسويله تحاليل والله كلبي مقبوض عليه
الاب / الدكتور مو يريد مصاريف واني منين اجيب شوفت عينج يادوب تكفي اللكمه
الام/ ترا مو عيشه هاي لا اطب لا اشتري حالي حال النسوان وابني مريض ما تودي
الاب/ الله كريم
وره كم يوم احمد حالته تزداد سوء اخذه بابا المستشفى حكومي سوه تحاليل وكعدنه ننتظر بره صاحوا باسم احمد راح ابوي واجه وجهه مصفرررر وحلكه يابس والدمعه بطرف عينه ركضت امي عليه شكو شبيك ماعرف شنو كللها بابا وامي كامت تملخ بروحها وتلطم وتبجي والناس تباوع وبابا هم يبجي واني واحمد ممفتهمين شي جنه صغار ومنسأل ونحقق فا ابويه راح يتوسل بعمامي حتى ينطوا فلوس وياخذه لدكتور مختص بالكوه انطوه 100 اخذهه بابا اني عرفت بي مرض خبيث بالدم بس جنت صغيره مافهم شي بابا ثاني يوم اخذه للكاظميه لدكتور مختص والدكتور كله ليش مجايبلياه من زمان ليش مخلي اللوكيميا تقضي عليه منكدر نتلاحكه وطفل ميتحمل كيمياوي اخذه طلعه للخارج هنا بابا انكسر ومعنده فلوس حته ياخذه للخارج ضل بحيره رجع للبيت وحجه لمي امي تخبلت كلش وضلوا يداينون فلوس وجمع مبلغ صغير راحت امي تكعد باخوية وميكعد وبلش الصراخ والعايط هنا مات احمد ومتنه وياه البيت مبي ضحكه مبي سالفه امي تأذت بابا تدمر وتمر الايام عادي بيت كئيب وحزين وامي وابوي مشاكل بيناتهم طبعا ماما متخلف خلفتني اني واحمد وبعد ما خلفت مصار عدها من الله اجه يوم وابوي رجع يداوم ومرت سنه ع موت احمد واني صار عمري 12 ماما عاشت عادي بس مرات تذكر وتبجي مرات تسكت وبابا ينقهر بداخله ويسكت اني كلش كرهت عمامي لان جانو سبب كلشي بس بابا وماما مينطون بيهم بابا وماما كل حياتهم صارت اني يطلعوني يونسوني للالعاب مولات اي شي بنفسي يسوولياه جنت مدلله كلش
الاب / ايوت حبيبي بنيتي
ايه/ ها باباتي
الاب/ بابا حبيبي سويلي جاي طيب
ايه/يتدلل الحلو
ورحت سويتله جاي تفضل بابا
الاب/ عاشت ايدج
ايه /بلعافيه
الاب/ الله يعافيج
وامي جانت تحجي وي خالتي بلفون مرت الاحداث واني عايشه احلى ايام عمري كبرت وصار عمري 14 وصرت كامله اني صح عمري صغير بس جسمي ناضج وكامل
ودخلت المتوسطه
/الام لجج ايه ايه تووته كومي وتضرب بيه ع خدي
ايه / ماماااااااااااااااا شبيج هو هيج اليكعدوونه بضرب
الام / ولج كوومي يل رقيقه الساعه ب8 اله ربع
ايه / يااا عزا صدك اليوم عندي امتحان
الام / يلا كومي بدلي بين ماحضر الريوك
ايه ماما ريوكيش هذا تأخرت
وطلعت ماما مثل الخبله ركض للحمام غسلت ولبست وكفشتي لزمتها بكتر وطلعت ولج اوكفي تريكي بست ماما واخذت لفه وطلعت اركض وصلت للمدرسه الطلاب فايتين للصفوف واتقدم للصف واني خايفه ومرتبكه جان وصلت الباب ودكيته
ست انعام / تفضل
ايه / صباح الخير ست اسفه ع التأخير والله بعد متنعاد لتوديني للمديره والله تبسطني
ست انعام /🤨مو كايله التتأخر تنبسط
ايه / والله ست ممتقصده بقيت سهرانه اقره والله
ست انعام / اذا هيج ماشي بس هالمره سماح
ايه / شكرا ست
وركض لرحلتي وغمزت لصديقاتي طبعا الصف كله صديقاتي وحبابات وبديت ادرس حتى فرصه ما اطلع كله دراسه الا ان الحمدلله امتحنت ومتأكد من اجابتي رجعت للبيت ميته تعب وامشي بشارع فجأه شفت سيارة ابن عمي مقابيلي طبعا هذا ابن عمي كلش اكرهه وعكره كلش ويتدخل بيه كلي شنو هذا لبسج بدون لا سلام ولا شي اني متجنبته وساكته كلي احجي وياج شنووو هذا لبسج بشارع صدريه طابعه ع جسمج وشعرج منثور ع جسمج وجهج احنه كواو... وعرضنه يطلع هيج اني كتله انت شعليك بيه قابل ولي امري انت كلي عليج ونص خل اشوف شلون تداومين بعد بهذا لبسج امي صرت عصبيه كتله مالك دخل بيه كرار انت منو وتتدخل بيه بابا قابل كلي اي ابوج مطلع عينج ومددلج زيازه عن اللزوم
