" မောင်... မနက်ဖြန် အလုပ်ပိတ်ရက်မို့ ၊ ငါ မောင့်အိမ်မှာပဲ အချိန်ဖြုန်းချင်တယ် ''
ထိုစကားကြားလျှင် မောင်ပျော်သွားမည်ဟု ထင်ခဲ့ပေမည့် လက်တွေ့တွင်တော့ ထိုသို့ဖြစ်မလာ ။ မောင့်မျက်နှာတွင် တုန်လှုပ်သည့်အရိပ်အယောင်များ ဖြတ်ပြေးသွားသလိုပင် ။ ချက်ချင်းပင် စကားမဆိုနိုင်ဘဲ အင်းအဲနှင့် ချီတုံချတုံဖြစ်နေရှာသည် ။
" ဘာဖြစ်နေတာလဲ မောင် ''
မောင့်အမူအရာများကို အားမရ၍ စိတ်မရှည်စွာ မေးလိုက်မိသည် ။
" ဟို... ဒီတစ်ပတ်တော့ မတွေ့ဘဲ နေလို့ရမလား လွင် ''
" အကြောင်းရင်းက ဘာလို့လဲ ''
" အင်း... မောင့်မှာ အလုပ်ကိစ္စလေး နည်းနည်းရှိလို့ပါ ''
" အလုပ်ကိစ္စဟုတ်လား မောင် ၊ မနက်ဖြန်က မောင့်ရုံးပိတ်ရက်ပဲလေ ဘာလဲ ရုံးက အိုတီခေါ်လို့လား ''
လွင်ဦး ခပ်ဆတ်ဆတ်လေး မေးမိလိုက် ၏ ။
" အဲဒီလိုတော့လည်း မဟုတ်ပါဘူး ၊ တခြားကိစ္စပါ အလုပ်ကိစ္စလို့လည်း ပြောလို့ရပါတယ် ''
" အဲ့ဒီအလုပ်ကိစ္စဆိုတာ ဘာလဲ ၊ မောင် လွင့်ကို ရှင်းရှင်းလင်းလင်း ပြောပြလို့မရဘူးလား ''
လွင်ဦး ဒေါသဖြစ်ကာ အော်မိလေတော့ မောင်က သက်ပြင်းချသည် ။
" တောင်းပန်ပါတယ် လွင် ၊ အခုတော့ မောင်ပြောပြလို့ အဆင်မပြေသေးလို့ပါ ။ မကြာခင်တော့ မောင် ပြောပြပါ့မယ် ၊ မောင့်ကို အချိန်နည်းနည်းပေးပါကွာ ''
ထို့နောက် မောင်နှင့်လွင်ဦးတို့ စကားဆက်မပြောဖြစ်ကြ ။ မောင်က လွင်ဦးကို အိမ်ရှေ့ထိလိုက်ပို့ပြီး ပြန်သွားခဲ့သည် ။
ခြံရှေ့တွင် အတိုင်းသားရပ်လျက် ထွက်သွားသည့် မောင့်၏ကားကို မျက်စိတဆုံးငေးကြည့်နေမိသည် ။ မောင် တကယ်ပဲ လွင်ဦးသူငယ်ချင်းတွေ ပြောသလိုဖြစ်နေပြီလား ။ ဝမ်းနည်းစွာပင် တွေးမိသည် ။ အတွေးနှင့်ပင် ရင်တွင်ဆစ်ခနဲ နာကျင်ရသည် ။
" သား အိမ်ထဲမဝင်ဘဲ ခြံရှေ့မှာ ဘာရပ်လုပ်နေတာလဲ ''
အမေဖြစ်သူ၏ အသံကိုကြားမှသာ လွင်ဦး သတိပြန်ကပ်ပြီး အိမ်ထဲသို့ ဝင်လာခဲ့လိုက်သည် ။ အခန်းထဲသို့ပင် ဦးတည်သွားလိုက်ပြီး ကုတင်ပေါ်တွင် ပစ်လှဲချကာ မောင့်အကြောင်းကို စဥ်းစားနေမိသည် ။
YOU ARE READING
ဆွေးလိပ်ပြာလေး ပေးခဲ့လေသလား / ေဆြးလိပ္ျပာေလး ေပးခဲ့ေလသလား [Completed]
القصة القصيرةနောင်ဘဝများပေါ့ လွင်ရယ် နီးစပ်မှုလေး ဆုံစည်းပါရစေလား... ။ ----- ေနာင္ဘဝမ်ားေပါ့ လြင္ရယ္ နီးစပ္မႈေလး ဆုံစည္းပါရေစလား... ။ Cover art credits to original artist. Own Creation , Own Characters. This Story is belong with both unicode & zawgyi .
![ဆွေးလိပ်ပြာလေး ပေးခဲ့လေသလား / ေဆြးလိပ္ျပာေလး ေပးခဲ့ေလသလား [Completed]](https://img.wattpad.com/cover/235058630-64-k160709.jpg)