هوى الروح ❤️ (جزء أول + جزء ثاني)

بارت 1

(سموعليكو يا جماعة 😂 حد عايزني هنا ولا زهقتوا مني ومن رواياتشي 🥺 وهتنورنا بطلة جديدة عزيزة على قلبي واسمها نور من سوريا الحبيبة وهتفضل معانا للآخر إشطا 😂 .. ندخل بقى ف أول بارت من الرواية .. يلا الحماس يشتغل ده فيها مافيا وناس هتموت مقتولة وأعضاء بشرية وحاجات حلوة كتير ومحن أكتر 😂 إستعنا على الشقى بالله)

**في قصر رعد الراوي بالتجمع الخامس ...
=داخل غرفة سيدة القصر .. ألا وهي السيدة هدى الراوي والدة كنان و رعد الراوي .. كان يعلو صوتها وتتشاجر مع ابنها البكري الذي لا يريد الزواج وأغلق باب قلبه بعد وفاة حبيبته سلمى الهاشمي التي توفت يوم خطبتهم رميا بالرصاص على يد عدوه ...
هدى بحدة شديدة :- لغاية إمتى هتفضل كده يا رعد قلبك إسود وقاسي إنساها يابني خلاص هي ماتت وبقت مدفونة تحت التراب مش كفاية شغلك الزفت مع المافيا الإيطالية علشان توصل لقاتلها إرحمني بقى يابني ربنا يهديك ويريح قلبك وإسمع كلامي أنا بدورلك على عروسة تستحمل عمايلك بس للأسف مش لاقية وأقسم بالله لو متجوزتش يا رعد قلبي وربي هيكونوا غضبانين عليك ليوم الدين سمعت أنا أمك وعايزة مصلحتك وكمان تجيب الوريث للعيلة إللي هيشيل اسمك وأخوك كمان إللي كل يوم ف سهرة شكل ومع بنات عايزة الحرق .
رعد ببرود وحنق :- خلصتي وصلة كل يوم يا أمي إللي حفظتها بقالي عشر شهور كفاية بقى أنا ورايا شغل ومش فاضي وبرضو مش هتجوز ولا هتزفت هي واحدة إللي ف قلبي ومحدش هياخد مكانها أما كنان باشا بقى تحت جناحك وهتعرفي تضغطي عليه وتخليه يسمع كلامك ويتجوز إنما أنا لأ .
كنان بمرح ودخل عليهم الغرفة :- اووه يا صباح إللي بتغني كل يوم صوتكم بيوصل للبواب والسواق إيه يا جماعة أحبالكم الصوتية مش بتتعبت ده عازف الچيتار نفسه بيتعب و أوتار جيتاره بتتقطع إلا أنتو سبحان الله والحمدلله والله مش بتتعبوا .
هدى بعصبية وحِدة :- شرفت يا باشا ممكن أعرف كنت ف أنهي مخروبة ومع مين لوش الفجر و داخل تهزر وتلطف ولا كأن في حاجة صح .
رعد بضيق وأمسك ميدالية مفاتيحه :- طب أسيبكم تكملوا وصلة الخناق وهمشي علشان عندي شغل ف الشركة وأنت يا حيوان لما تخلص تعالى ورايا .
كنان بسرعة وأمسك بذراعه :- لا وحياتك خدني ف ديلك أنا لو قعدت ثانية كمان هنا مع أمك مش بعيد تلاقي صورتي كمان ساعة منورة وملعلطة ف صفحة الحوادث وأنا لسه صغير ع الموت .
هدى بتعب وجلست على الكرسي :- عوضي على الله ف عيالي الاتنين أنا لو كنت جبتكم بنات كان أهون بس هقول ربنا ليه حكمة ف كده إمشوا من قدامي قبل ما أجيب سكينة من المطبخ وأقتلكم .
رعد بابتسامة باردة :- على الأقل هموت وأروحلها إنما كنان لسه مشافش حاجة من إللي أنا شوفته ومشبعش من الدنيا زيي خليه هو وإقتليني أنا ومتنسيش تاخدي دواء الضغط بتاعك يا أمي تمام يلا سلام وأنت يا زفت حصلني على تحت .
#قبّل رعد يدي والدته ثم غادر تاركا غرفتها و هبط على درجات القصر سريعا ليركب سيارته الچيب حتى يتنظر قدوم أخاه .. وفي غرفة نوم هدى ظل كنان ينظر إليها بعتاب وحزن على ما قالته لأخاه وتذكر مقتل حبيبته سلمى يوم خطبتهم أمام أعينهم وجلس على السرير مقابلها ...
كنان بحزن :- ينفع كده يا أمي إللي قولتيه ل رعد ما حضرتك عارفة إن السيرة دي عمره ما هينساها إبنك قفل قلبه بالضبة والمفتاح عليها ومستحيل حد ياخد مكانها عنده أنا عارفه كويس ليه كده بس تكسريه بكلامك عنها و بيخرج من هنا حزين .
هدى بخفوت وحزن :- يابني مكنتش أقصد والله أقول كده زلة لسان وبعدين لازم يتجوز بقى ده عنده تلاتين سنة إللي من دوره إتجوزوا وخلفوا إلا هو من بعد موت سلمى الله يرحمها .
كنان بتنهد :- هــاه مهو حضرتك عارفة إللي فيها و موافقاه لكن هو راكب دماغه ومش هيرتاح غير لما ياخد بتارها من إللي قتلها منه لله بقى كسر قلبه وخلاه يتغير ويكون حد تاني منعرفوش .
هدى بصرامة :- لازم نخليه ينساها ويفتح قلبه للحب من جديد والمرادي إحنا إللي هنساعده على كده بس إياك يعرف حاجة عن الموضوع ده فاهم وأنت كمان لازم تتعدل وتخلي عندك دم وتشتغل مع أخوك ف الشركة بتاعت أبوكم كفاية بقاله سنين من بعد وفاة أبوكم وهو إللي مسكها وكبرها إتظبط بقى .
كنان بغيظ وزفر بحنق :- ما إحنا كنا ماشيين حلو قلبتي ليه مرة واحدة على ضمير أبلة حكمت أنا كده زي الفل وقولتلك لما ألاقي فتاة أحلامي هتعدل علشان خاطرها غير كده نووو وألف نوووو .
#كادت أن ترد عليه والدته لكن قاطعها صوت بوق سيارة رعد فنظرت إليه بمعنى أن يذهب ويلحق به قبل أن يغادر ويتركه .. نهض كنان سريعا من السرير وقبل رأسها وغادر من القصر بسرعة البرق ليكون مع أخاه وهو يفكر في حديث والدته حول البحث عن عروس له دون علمه بذلك .. بمجرد أن ركب كنان سيارة أخوه رعد حتى ضغط رعد بقدمه على دواسة البنزين وتحرك بسرعة الضوء ليذهب إلى شركتهم في منطقة الزمالك ويتابع عمله ...
(طبعا هوى الروح هتكون مختلفة عن عشقت زعيم مافيا تمام .. لكن بعض الاجزاء ممكن تتشابه معاها بس مش كلها لكن ليها طابعها الخاص)