هوى الروح ❤️ (جزء أول + جزء ثاني)

بارت 17

(كيف الأحوال يا حلوين 💋 رجعتلكم ببارت جديد طازة جداً 😂 ويارب يعجبكم)

**في منزل سهيلة الجديد بمدينة ميلانو ...
#دخلت سهيلة إلى منزلها الجديد ومعها أولادها ثم إنتبهت لوجود أختها أشرقت وزوجها كنان وابنتهم الصغيرة ذات الثلاث أعوام (كُون) فركض أطفالها بسرعة تجاههم ليسلموا عليهم ويحتضنوهم أما هي ابتسمت بخفة وتوجهت إليهم أيضاً ...
سهيلة بابتسامة :- نورتونا يا حلوين مش كنتو تقولوا إنكم جايين كنت جبتكم من المطار لغاية هنا .
كنان بمرح :- مش عايزين نتعبك يا جميل بس إيه الحلاوة دي يا أم آسر بقيتي أحلى على فكرة تصدقي فتحتي نفسي على الجواز مرة تانية والله .
أشرقت بضحك :- هههههههههههه إعملها ياروحي يلا مستني إيه سيادتك وأنا أقتلك وأرتاح .
والدة سهيلة بابتسامة :- مش هتبطلوا مناقرة بقى أنتو الاتنين وتعقلو ده أنتو عندكم بنوتة هـاا يا سوو عملتي إيه النهاردة ف الشغل بتاعك وأنتو يا حبايب تيتة أخباركم إيه ف مدرستكم .
سهيلة بإيماءة خفيفة وجلست جانب أختها :- تمام يا ماما الحمدلله وبعدين ياعم كنان خليك ف مراتك وبنتك وفكك مني الحلاوة راحت خلاص .
آسر بابتسامة :- كله تومام يا تيتة والمدرسة إشطات ع الآخر والله المهم أنا جعان أوي أوي .
فهد وهو يلعب مع كون :- كله تمام يا تيتة الحمدلله وإنتي يا كوني أخبارك إيه يا قطتي الصغننة .
كنان بغيظ :- ولاااااا بقولك إيه إبعد عن البت بلا نيلة عليكم قال قطتك قال إيه المحن ده .
والد سهيلة بضحك :- هههههههههههههه يالهوي عليكم سيبه يا كنان بيلعب معاها مالك منفسن منه أوي ليه دول لسه أطفال أومال لما يكبروا هتعمل إيه .
أشرقت بابتسامة مرحة :- مش هيخليه يقرب منها ويلمسها أصلا وبعدين يا عم آسورة أنت مال ألفاظك بقت لوكال كده ليه بتفكرني بنفسي والله زمان قبل ما أتجوز وأخلف وأتشقلب .
آسر بمرح :- وماله يا خالتشي ما أنا زي الفل أهو ثم إنتي إتشقلبتي إزاي بقى قولي قولي متتكسفيش ده كلنا ستر وغطا على بعض سرك ف بير .
سهيلة بصدمة وحِدة :- يا نهارك فحلقي واد يا آسر قول لخالتك سوري يلا وعيب تتكلم كده فاهم قول يلا أنا آسف يا خالتو أشرقت .
كنان بحنو :- براحته يا سهيلة ده لسه طفل وصغير خليه يعمل إللي يعجبه متزعقيش فيه .
أشرقت بابتسامة وربتت على شعره :- براحتك يا آسر وإعمل إللي يعجبك وأمك أصلا متقدرش تتكلم وجدك قاعد جنبك اوك يا حبيبي .
آسر بخجل ونظر للأرض :- أنا آسف يا خالتو أشرقت مامي عندها حق مينفعش أتكلم كده قدام الكبار أنا بجد آسف يا مامي ومش هكررها تاني والله .
سهيلة بإيماءة :- ماشي يا آسر وأنا قبلت إعتذارك ده وخالتك كمان قبلته برضو زيي .
والد سهيلة بابتسامة حنونة :- تعالى ف حضن جدك يلا يا آسورتي يا حبيبي علشان تاخد الشوكليت لما تخلص واجباتك وحفظ السورة اوك .
كنان بتساؤل :- سورة إيه دي يا عمو إللي حضرتك بتتكلم عنها مع آسر .
والد سهيلة وهو يجلس على قدمه حفيده :- آسورة بيحفظ قرءان وكل ما يحفظ سورة بجيبله شوكليت هدية تشجعه على الحفظ أكتر ربنا يحميه .
أشرقت بابتسامة خفيفة :- ياروحي عليه ما شاء الله وربنا يبارك فيه ويخليك لينا يا بابا دي أحلى حاجة حضرتك بتعملها إنه يتعلم أمور دينه وهو صغير .
والدة سهيلة بجدية :- طبعا يابنتي ده إللي هيخليهم رجالة بجد وربنا حافظهم لما يتعلموا أمور دينهم من دلوقتي ويكبروا على التنشئة الصحيحة .
فهد بطفولية وهو يلعب مع ابنة خالته :- وأنا كمان لما أكبر زي آسوري هحفظ قرءان برضو وجدو يجيب شوكليت لفهود صح يا جدو محمد .
والد سهيلة بإيماءة وابتسامة :- صح طبعااا يا حبيب جدو إتشطر أنت وإكبر بسرعة وأنا هجيبلك شوكليت علطول كل ما تحفظ زي أخوك آسر يا فهودي .
كون ببراءة :- وأنا يا دودو حايزة ثوكليت زيهم نون حب ثوكلت وفهود تمان كتير أوي .
(نترجم بقى 😂 :- وأنا يا جدو عايزة شوكليت زيهم كون بتحب الشوكليت وفهود كمان كتير أوي)
كنان بصدمة وغيظ :- بتحبي مين ياروح خالتك مين ياختي فهودك هو إيه حكايتكم أنتو الاتنين .
سهيلة بضحك وحملت كون بين يديها :- هههههههههه يا شقية إنتي يا كوكي ياقلب خالتك إنتي لما تكبري أنا هجوزك الواد فهد هو بصراحة عينه منك وبعدين معاك يا كنان باشا ما تسيب البت تعبر عن مشاعرها بقى براحتها بتكتم على نفسها ليه .
أشرقت بضحك :- ههههههههههههههههه مشاعرها ليه هي هتتجوز تامر حسني ولا إيه ياختي إتنيلي على خيبتك دي بنتي هتتجوز ظابط ولا مطرب .
والد سهيلة بابتسامة خفيفة :- ياختي إهمدي كوني هتتجوز فهد وخلاص هما الاتنين مكتوبين لبعض من ساعة ما إتولدت كون وهي لفهد ولا إيه رأيك أنت ياعم فهد باشا مش سامع صوتك يعني .
فهد بطفولية وابتسامة :- أه يا جدو هتجوزها عشان كوني بتاعتي أنا بس وعمو كنان ملوش دعوة بيا أنا لما هكبر هطلع ظابط علشانها .
آسر بمرح :- أنت هتاخد كون وأنا هتجوز ليليان بنت أونكل صائب وطنط نور ياختااااي على جمال البت عليها جوز عيون زرقاء أوووف بتخطف قلبي .
كنان وهو يقوم بمجاراته :- وإيه كمان يا عندليب هـاا قول كمان وعندها حاجة تانية مميزة .
آسر بهيام :- ياااه يا كوكو دي عليها شفايف وعيون يااانهاااررر جماااال وطعاااامة والغمازة كمان اااي يا قلبي البت مشقلبة حالي والله .
أشرقت بغمز لسهيلة :- إبنك واقع لشوشته يا سوسو ولما يكبر هيخربها وبكرة تقوليها بلسانك .
سهيلة بصدمة وغيظ :- شووف الواااد بيقول إيه واد يا آسر عمك صائب لو سمعك ده هيعلقك ف النجفة وأنت حر بقى معاه مليش دعوة بيكم مش هتدخل خالص يالهوي منك نسخة تاني من عمك كنان .
كنان بغمز وخبث :- وليه متقوليش طالع لأبوه رعد ده آسورة حتة منه وهو صغير نفس العيون والشعر وكل تقاطيعه المسمسمة بالظبط .
والد سهيلة ببرود وحنق :- طالع ليك أنت إنما أبوه لأ آسر مش هيبقى زي أبوه مهما حصل يا كنان .
سهيلة بحزن خيم على ملامحها :- فعلا هما نفسهم لكن آسر قلبه أبيض وطيب مش زي أخوك الكبير رعد باشا قلبه مليان قسوة ومش هيتغير ويبقى كويس وبلاش سيرته يا كنان أنا مصدقت نسيته مش عايزة أفتكر حاجة تخصه نهائي ياريت .
والدة سهيلة بجدية :- خلاص بقى يا جماعة غيروا أم السيرة دي أحسن علشان بتقلب ل غمّ .
سهيلة بتساؤل :- صحيح يا كنان إيه هي أخبار مستر صائب و نور وبنتهم الصغيرة وكمان فارس المهدي والبت سالي وبنوتتهم برضو بتشوفهم ولا إيه .
كنان بابتسامة :- كلهم كويسين الحمدلله ودايما لما بيشوفوني بيسألو عنك إنتي والولاد وبقولهم إنك تمام وكويسة وبتبعتي سلامك ليهم .
فهد بانتباه :- يا جماعة إستنوا ده الباب بيخبط أنا هروح أفتحه اوك خليكي يا كُون لغاية ما أرجع .
والد سهيلة بقلق :- ياترى هيكون مين إللي جاي ده دلوقتي إستر يارب علينا وعلى عيالي .
سهيلة باستغراب :- هيكون مين بس مؤيد ف القصر بتاعه دلوقتي ومقالش إنه جاي أصلا هنا خالص .
أشرقت بفضول :- طب هيبقى مين بقى طيب إللي جايلك دلوقتي ومحدش يعرف مكانك غيرنا والباقي مشغولين مع عيالهم وميعرفوش مكانك .
والدة سهيلة بهدوء :- فهد رايح يفتح الباب أهو ودلوقتي يا خبر بفلوس كمان شوية يبقى ببلاش .
كنان بإيماءة :- على رأيك والله يا طنط كلها دقايق ونعرف مين هو صاحب الطلة البهية .
سهيلة وهي تنهض لتذهب إلى إبنها :- هروح أشوف مين ع الباب مع فهد علشان أتطمن على ابني .
#ركض فهد مسرعا تجاه الباب ليفتحه ووجد أمامه شخص طويل القامة وعريض المنكبين يرتدي نظارة سوداء وينظر إليه بابتسامة حنونة ودافئة .. ظل ينظر إليه فهد باستغراب وفضول شديدين حتى إنخفض ذلك الشخص لمستوى فهد ليتحدث معه قليلاً ويخبره بهويته المجهولة بالنسبة إليه ...
(خمنوا بقى مين الشخص ده 😉😂 أنا هقول والله بس مش دلوقتي إشطا 😂 ده ليكم أنتو السؤال ده)