" بعد غياااب طوويل طويييل طويل جدا😂😂😂جيتكم بالروايه الجديده و ي رب تعجبكم .."
#نرمين
الناس ديل " عقدو " ..
جمله بتحمل جواها حب و فرح و حاجات كتيره حلوه ..
بس تحديدا ف قصتنا دي .. الجمله دي كانت نهايه لقصه حلوه و لحب حلو و لحاجات كتيره تانيه ..
تحديدا ف توقيتنا ده " الناس ديل عقدو " ..
كانت أسوء حاجه ممكن تتقال ..
مريم:نرمين .. الله يوفقك أفتحى الباب ..امك لو جات ح تقتلنا
روان:نرمين م تعملى كده و تجوطي الامور اكتر .. البيت مليان ناس .. فكرى ب أهلك شويه ..
مريم:عليك الله خلينا نتكلم معاك طيب ..
نرمين:(فتحتا الباب و رجعتا قعدتا ف السرير ..)
مريم:لسه م لبستى؟!..
روان:(جات قعدت جمبي ..)نرمين الله يوفقك م تعملى ف نفسك كده !.
انتى اكتر وحده عارفه انك م ح تستفيدي شي غير تعذبي نفسك و بس ..
نرمين:....
مريم:ارح نبده نجهزك ..
لبسوني الفستان كان لونو كحلى بسيط و عملو لي شعري و حاولو يظبطو لي وشي بس عيوني وارمه و لوني شاحب ..
الليله م عقدي ، الليله كان اليوم الأنا رسميا ح اموت فيهو ..
تلفوني جات فيهو رساله فتحتها لقيت محتواها :
" يوم الهنا يوم تكوني حقتي ، أخيرا حلمي ح يتحقق و تبقى مرتي !.."💜
لمن شفتا الرساله بقيت ببكي و خربتا المكياج كلو و بقو بحاولو يهدوني بس م عرفو يتصرفو طوالى طلعو نادو اختي نور و هيا اول م شافتني بقت تبكي اكتر مني ..
نور:نرمين اهدى .. استغفري و ربنا مستحيل يسيبك .
قعدنا زي ساعه كده و بعدها سمعنا صوت الزغاريد و المسدسات و الجمله " الناس ديل عقدو !.."
قلبي بقا بضرب سريع و خلاص كده انا رسميا مرت اكتر انسان حيوان و زبااله .. انا حسي مرت الانسان الأخذ مني أحلامي و أخذ مني حياتي ..
مسحتا دموعي و قلتا ليهم يطلعو بره و اني عايزه أقعد براي ..
وقفتا جمبه الشباك و بقيت بعاين للناس و هما بطلعو و بدخلو و للرجال بره و الأطفال البلعبو و كلهم م عارفين انو ده عقد قران على حزني و على موتي ..
و انا واقفه وقفتي دي شميت ريحتو !!..
معقوله م اعرف ريحتو؟!..
هو الأنسان بحفظ الناس ف حالتين ي أما " حب " ي أما " كره " ..
و انا بكرهو و كل حاجه فيني بتشمئز و تقرف منو ..
أتلفتا عليهو لقيتو واقف و لابس الجلابيه و العمه و مبتسم كأنو م عامل حاجه !..
فارس:نتفق أنو حتى و عيونك وارمه و حالتك كده بس برضو حلوه و خاطفه قلبي ..
نرمين:انا عمرى م كرهتا زول زي م بكرهك!عمري م شفتا انسان وسخ و حيوان زيك كده
فارس:و انا عمري م حبيت وحده زي م حبيتك و عمري م شفتا وحده بطيبتك .. عشان كده انا عملتا كده ..
عشان ككده انا اخذتك بالقوه ..
انا م بقدر أفرط فيكي🙂🖤(مسك يدي انا طوالى سحبتها و بقيت بصرخ ..)
نرمين:م تحاول حتى ، بموت و م بخليك تمسك يدي ..
م لو عقدتا علي ، لو عملتا شنو و شنو ح تفضل زيك زي الغريب ..
انا و انت مستحيل نعيش حياه طبيعيه زي الناس ..
بقتلك و بشرب دمك و الله
فارس:تقتليني ليه؟!..هو انا كده كده ميت فيكي😂
نرمين:بتضحك؟!..
فارس:الليله لو قلتي اي حاجه مزاجي م ح يتخرب ..
الليله عقدنا .. الليله بقيتي مرتي ..😉
نرمين:اطلع بره .. اطلع بره ..(و بقيت بصرخ و جاراهو لمن طلعتو بره و قفلتا الباب ..)
