بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
نرمين:انا م قتلتو!!!
ياسر:بس عمر قال قتلتيهو !!..
نرمين:نعم!!!عمر م بعمل كده !!..انت كذاب ، اصلا البضمني شنو انك مخابرات و م بعرف شنو
ياسر:(طلع بطاقتو ..)انا م جاي ألعب هنا ..(و طلع سلاحو ختاهو ف الكرسي قصادي ..)حسي انتى ح تتكلمي زي الشاطره عن اي شي بتعرفيهو
نرمين:بعرف شنو .. انت بتقول شنو .. انا م قتلتا زول😭
ياسر:تمام .. م دام م قتلتي زول يبقا البخليكي تهربي من البيت شنو ؟!..
نرمين:....
ياسر:عمر اعترف بكل حاجه .. ماف داعي تكذبي
نرمين:عمر م بعمل فيني كده💔
ياسر:طيب .. وينو هو حسي؟!..ليه م قاعد هنا ؟!..
نرمين:...
ياسر:طبعا م ح اتوقع منك تعترفي طوالى ، ف النهايه انتى ماشه مع ارهابين.
نرمين:ارهاب شنو ؟!..الارهابين منو؟!..
ياسر:عمر و فارس ارهابين و اظن انتى عارفه .
" جمله بسيطه وضحت لي حاجات كتيره م كنتا فاهماها ، المره دي انا ف المكان الغلط بسبب الانسان الغلط ."
نرمين:ارهابين!😂
ياسر:معقوله م عارفه انو راجلك ارهابي ..
نرمين:انت بجد مجنون
ياسر:عمر و فارس بهربو اسلحه و بيبيضو أموال و غير المساعدات الماليه لإسرائيل و عمليات تخريب داخل السودان و طبعا المخدرات دي قصه براها ..(و كان بيدو ملف ..)اتفضلي و ح تشوفي بعيونك
نرمين:(يدي كانت بترجف .. شلتا الملف و فتحتو و كان فيهو صور لرجال و معاهم فارس و عمر ..)
ياسر:الصوره دي قبل ٤ سنين بالظبط ، عمليه تهريب أسلحه و نجحو ف كده و الأسلحه وصلت تركيا و لانو م عندنا أدله م قدرنا نثبت عليهم حاجه .. الصوره البعدها فيها فارس و جمبو واحد ده اسمو عزو يعتبر اهم واحد لانو بدبر ليهم مخدرات بطريقه خياليه .. الصفحه البعدها فيها كلام و ده كلام واحد وقع ف يدينا م قدرنا نسحب منو اي أثبات ع الاعمال الوسخه دي بس اعترف انو من طرف فارس و عمر ..
نرمين:ارهاب؟!..
ياسر:الأرهاب فكره م مجرد فعل ، الأرهاب انك تبده تدمر تفكير الشباب بحيث بعد سنتين نلقا انو فعلا هو نجح و انو فعلا وقتها ح يبده الدمار ، الأرهاب م بس تفجير و ناس بتموت ، الأرهاب اننا نعمل حاجه و احنا ساكتين .. و بعدها نلقا انو كل الجيل بده يدمر " الأرهاب فكره م بس زول " 💔
