نرمين:خالتو؟!..
نسرين:انت السبب ف موت ولدي ..(و طلعت السكينه ..)
نرمين:خالتو ده شنو؟!..قولي بسم الله
نسرين:انتو قتلتوهو لي !!
نرمين:قتل منو !!
نسرين:نرمين ده مجرم ،، ده حيوان !!
نرمين:(بقيت واقفه قصاده و بحاول اخليها تهدى ..)اديني السكينه دي ..
نسرين:بعد اقتلو ..(و بقت بتحاول تضربو و عمر برجع ل وره و مصدوم م عارف يعمل شنو ،، لحدي م حاول يمسك السكينه و فعلا مسكا بس هيا ضربتو ف كتفو ..)
انا اول م شفتا الدم بقيت جاايطه و بصرخ !!
نرمين:عمر ،، انت كويس !!
نسرين:لازم تموت انتا ..( و وقعت الصوره من يدهاا ..)
انا شلتا الصوره من الارض و كان فيها مجتبى و ٣ اولاد تاني و من بينهم عمر💔
نرمين:(عاينتا ليهو بأستغراب ،، اتذكرتا لمن نزلني بيت خالتو نسرين و عرفه طوالى ،، و لمن سأالتو بتعرف مجتبى قال لا بس سمع بيهو💔)ده شنو ي عمر؟!..
عمر:(عاين لي و كان ساككتت ..)
نرمين:عمر اكيد عندك تفسير !!
عمر:ده ..
نرمين:(تلفوني ضرب .. كانت امي و م رديت ..)ده شنو؟!..(تاني ضرب ..)اوف .. اي ي امي .. شنو؟!..انتو وين؟!..كيف يعني نور وين ي امي ..
كنتا بتكلم مع امي و جريت ع الشارع عمر و خ نسرين طلعو وراي ..
عمر مسكني ركبني العربيه و خ نسرين ركبت وره ،، كانت بتسألني ف شنو و انا بس ببكي💔💔
وصلنا المستشفي و نزلتا و انا جاريه و بفتش ع امي لمن لقيتها !!
نرمين:امي .. نور ويين !!
ساميه:جوه ف غرفه العمليات💔💔
نسرين:الحادث حصل كيف
محمد:م عارفين .. ماف زول جابها من اصحابها ،، جابوها الناس اللقوها واقعه ..
نرمين:نور م بتمشي شارع النيل ف اوقات زي دي💔انا عارفه اختي💔
ساميه:هيا بس تطلع كويسه و الباقي هين💔
كنتا قاعده متوتره و ببكي و عمر بقا واقف و م عارف يعمل لي شنو ،، ابوي كان بعاين ليهو بأستغراب بس ساكت ..
لمن طلع الدكتور كلنا مشينا عليهو ..
_انتو اهلها
محمد:اي
_م عارف اقول ليكم شنو ،، بس عملنا تحاليل و بتكم طلعت بتتعاطى مخدرات ..
نرمين:نعم ؟!..
ساميه:مستحيل
محمد:(قعد ف الكرسي و خته يدو ف راسو ..)نور 💔
_شكلها ماشه مع ناس م تمام ،، م اظن دي اخلاقيات بتكم ..
نرمين:نور حسي كيف ..
_الضربه جات بسيطه بس وقعت ع احجار و قزاز ف الارض .. وشها ..
نرمين:وشها مالو ؟!..
_للأسف وشها اتضرر شديد💔يعني الا عمليه تجميليه ل قدام ..
نسرين:مش هيا كويسه ده المهم💔
