القدر

part 1

الكاتبة بنو

ماما وين الاكل جوعانة يي ماما هسه اصبلكم ... يله جهز الاكل تعالو اتغدو نزلنة كولياتنه نتغدة سألتني ماما عن دراستي وشلون جان يومي بالمدرسة وضلينه شويه بعد الاكل وكلمن راح لغرفته ...
هسه اجه وقت اعرفكم ع نفسي وع عائلتي اني اسمي اية عمري 18 طالبة سادس وعندي اخوات 2 وحده جامعه تدرس طب اسنان والثانية متزوجة وموظفة وعندها 2 اطفال وعندي 2 اخوان واحد مهندس والثاني جامعه مرحله اولى وطبعا احنه شاطريين واذكياء ونعتمد ع نفسنة وهسه تعالو اتعرفو ع اسمائهم اختي المتزوجة اسمها ريتاج والثانيه اسمها رقية واخواني واحد اسمه علي والثاني ابو الكليه اسمه احمد ...
ايه : ماما حروح للدوام باي
الام : الله وياج بنيتي
ايه : مريت ع صديقتي دگيت الجرس ف طلعلي شاب اني اتفاجئت لان مشايفته من قبل بيت نرجس طبعا نرجس صديقتي كال منو كتله اريد نرجس ف شويه واجت نرجس سألتها عن الولد كالت هذا ابن خالتي واليوم اجه مسير علينه كتلها ليش منين هوه كالت من الانبار ف رحنه للمدرسه ومشه اليوم عادي اني وصديقاتي ف رجعت للبيت
ايه : السلام عليكم
الكل : وعليكم السلام
ايه : ماما جوعانة
الام : يله بنتي ع ما تبدلين تلكين الاكل جاهز ..
...صعدت بدلت وفعلا لكيت ماما محظره الاكل كعدت اكل
.... مشت الايام مابين دراسة وضغوط نفسية وملل وامتحانات الى ان ....
علنوا النتائج اني هنايه ميته خوف بوقتها لان حشوف نتيجتي بعد تعب وسهر والحمدلله جبت المعدل الي بالي ورفعت راس اهلي وطلعت طب عام ..

وقدمت ع الجامعة الي طالع بيها قبولي والحمدلله صرت ادوام وطبعا اني ونرجس انداوم بنفس الجامعه ومرت الايام عادي وطبعا الجامعة والدوام بيها كلش ﺣحــلو وعجبني لان تعرفة ع ناس واطورت من نفسي ....
ايه : اففف بعد معندي وقت وحتروح المحاضره عليه يربيي واني ممتعوده اتأخر ع محاضرتي طبعا التأخير صار بسبب ابو سعد الي هو ابو الخط وصلت للجامعه متأخره
ايه : السلام عليكم ممكن ادخل استاذ ؟
الاستاذ : معندي طالب او طالبه يجون وره الاستاذ
ايه : عزا هذا نفسه الي شفته ببيت نرجس وييع شكد مكروه وعصبي وميتحاجه لا ونوبه هوه استاذي رحتي بيها ايه
الاستاذ : اتوقع مفهوم كلامي
ايه : اسفه استاذ وطلعت
طلعت كعدت بحديقة الجامعة وضليت ادرس لان عندي امتحان وره هاي المحاضرة
نرجس : ايه شكو كاعده هنايه ليش مداخله لماحضرتج ؟
ايه : نرجس شنو ابن خالتج هنايه يداوم ؟
نرجس : ي لان تعيينه طلعله هنايه وهسه ديحاول يداوم هناك يم اهله
ايه : وييع شكد مكروه وحقير مخلاني ادخل للمحاضره لان متأخرة كم دقيقة
نرجس : لج لا بس هوه هيج عصبي وشايف نفسه وميتحاجه بس هوه بلأصل طيب وكلبه ابيض ونظيف
ايه: اها خوش 😕
أيهم : اني بطل القصة اني عصبي واتنرفز بسرعة بس كلبي نظيف وظيفتي دكتوراه(أستاذ جامعي) وطلع تعييني  ببغداد فرحت كلش بس بنفس الوقت ضجت لان مطلعلي بمحافظتي بس الحمدلله ع كل حال مواصفاتي اني شاب اسمر وطويل ومعضل وعندي لحية خفيفه عكس شاربي مو شارب موكناسة 😂😂 اجيت بيت خالتي ع ما الكالي فندق مشتمل شي علمود اسكن بي بين ميخلص دوامي لان زحمه ابقه عندهم عدة اشهر ف يوم جنت كاعد من الصبح لان عندي دوام ف سمعت الجرس كمت اشوف الباب ... اويلي يابه اول مره اشوف هيج بنية مو بنية تفاحة اشو نسوانة جلحات ملحات سألتها منو كالت اريد نرجس عرفتها صديقتها مرت الايام  وصارت عطله رجعت لأهلي مشتاقلهم چثيرر ف بقيت عند هلي علما تخلص العطله ....
خلصت العطله ورجعت لبغداد طبعا لكيت مشتمل وسكنت بي وضليت ادوام ف يوم جنت اشرح للطلبة ودخلت طالبة نسفها الي شفتها بيت خالتي يي هي هاي صديقة نرجس طبعا اجت خايفه ومتلبكه عرفتها اول سنه الها واول مره متأخره لان خايفه ف مسمحتلها تدخل 😛علمود بعد متتأخر ويصيرلها درس
ايه : خلي اسولفلكم ع شكلي ومواصفاتي شويه 🌚😜
اني هادئة كلش وبهدوئي انرفز المقابل بس بنفس الوقت ماا قبل احد يستقوي عليه او ياخذ حقي هسه نجي ع شكلي الجميل 😌 طبعا اني طولي متوسط وحنطاوية وشعري لنهاية ظهري وعيوني كبار وشفايفي مملؤات يعني الحمدلله قابلة بنفسي وراضية بشكلي ..

ف انتهت السنه الاولى الي وجانت كلش حلوه وطبعا هذا المكروه ذاك هوه وع اقل شي يصيح ع طلبه ويتنرفز وميقبل احد يجاوبه وييع انسان مكروه وحقير بس الحمدلله حرتاح منه كم شهر ....
ايه : ماما خليني اليوم اروح النرجس مشتاقتلها وصارلي هواي مشايفتها
احمد : يي واني واصلج ... طبعا احمد يحب نرجس ويريد بس حجه علمود يشوفها
ماما وافقت رحنه اني وياه
...... وصلنه لبيت نرجس طلع اخوها سلم ع اخويه
طبعا اني كلت لنرجس حجيج طلعت وره اخوها
...وشافها احمد ...ضل واحد صافن بوجه الثاني
ايه : شنو مالج نيه تفوتيني 🌚
نرجس : حياتي البيت بيتج فوتي كل الهلا بيج
سجاد : تعال احمد فوت يمنه كاعدين احنه والشباب
احمد : لا خويه اني اجيت اوصل ايه واروح
سجاد : تفوتك الكعده دتعال شخاصر هسه انت
احمد : اذا هيج يله لعد خل ندخل
ايه : دخلنه وره ساعتين طلعنه
ايه : طلعنه صار بوجهي الاستاذ المكروه وييعع هم انت 🙄😒
أيهم : اويلي يابه التفاحه كدامي سلمت عليها وطبعا هي ردت السلام من وره خشمها معاجبها..... حقها كرهتها بيه 😂😂
رجعنه للبيت ولكيت ناس مااعرفهم
ايه : ماما منو ذولي ؟
الام : بنتي ذولي ناس جايين الج
ايه : شنوووو مامااا 😡😤
طبعا اني مااريد اتزوج واتقيد بشخص ومسؤولية كافي عليه دراستي وضيمها
الام : ماما هسه يطلعون ونفتهم من ابوج
ايه : افف
صعدت الغرفتي ضايجه ومطايقه احد ف رحت صليت ونزلت يم اهلي
الام : ابو علي منو ذولي ووين يعرفونه ؟
الاب : عيني ام علي هذا صديقي بالعمل واجه طلب ايد بنتي ايه لأبنه حسن ابنه خوش ولد وخريج هندسة
ايه : بس بابا اني مموافقة واريد اكمل دراستي
الاب : ان شاء الله بنتي الله يشوف الي بي خير الج والنا

صعدت ضايجه ف اتصلت ع نرجس وكلتها اجو ناس الي
نرجس : يي ع خير عيني ان شاء الله اشوفج احلى عروسة ايو حبيبتي
ايه : نرجس انجبي تعرفين كلش زين اني مااريد اتزوج
نرجس : كبر هسه احنه شكلنه شبيج عصبتي عود انتي الهادئة وهيج
ايه : اسفه نرجس موقصدي اضوجج بس طلعت من عندي لان ضايجه
نرجس : لا حَبيبتـʊ̤ عليش اضوج ... درستي بعدج؟
ايه : بعدني حروح ﭑدرس
نرجس: تمام يله روפــي
ايه: باي حَبيبتـʊ̤
نرجس: باي كلبـჂ̤