هدي بعد صراع طويل بينها وبين نفسها اتصلت بطارق ورد عليها
هدي: كي.... وقطعت كلامها... عامل اي ياطارق
طارق: تمام اتعلمتي اهو كنت فاكرك هتفضلي غبيه
هدي ابتسمت بانكسار: صح الامتحان اللي كان من كام يوم كان سهل اوي واكيد هقفله
طارق: انا مش فاهم. انتي بتتعلمي ليه اصلا علي اساس انك فالحه يعني
هدي: ايوه فالحه وهدخل كليه الهندسه كمان عمي يونس واعدني بدا
طارق ضحك بسخافه: وانتي بقي هتعرفي تتعاملي معاهم وتبقي شبهم ومين كمان عمك يونس دا
هدي بفخر: في حد في قنا كلها مايعرفش مين هو يونس الجوهري
طارق بزهول: يونس الجوهري يقربلك اي
هدي: ولد خالي وكيف اخويا الكبير بالظبط وبيحبني جوي جوي
طارق ابتسم بخبث: طيب ينفع يعني نكون نعرف بعض وتخبي عليا حاجه مهمه ذي دي
هدي: ماجتيش مناسبه بجي بس تعرف ياطارق انا طول عمري كنت بتمني واحد كيف يونس دي بس بعد ماحبيتك انت خلاص مابجتش اشوف حد غيرك واصل
طارق: ليه يعني اي المميز فيه يعني
هدي: وه وه كتير جوي جوي وخصوصا بجي عشجه لمراته
طارق: اذاي
هدي: بيحبها جوي جوي ياطارق لدرجه ماتتوصفش عارف كمان انهارده جلب البيت كلها حريجه عشان بس عرف انها نضفت المضيفه مع البنته انا عمري ماشوفته اكده واصل نفسي ياطارق تحبني ربع حب عمي يونس لقوت
طارق: وهي قوت دي ماتتحبش لو محبش قوت هيحب مين يعني
هدي: بتقول حاجه.
طارق: لا مش بقول هوانتي مش خارجه انهارده او بكرا
هدي: لا عندي درس انهارده كمان ساعه
طارق: طيب انا هاجي اقبلك واحشتيني اوي ونفسي اشوفك. ونتكلم مع بعض
هدي: لالالالالاعمي يونس لو عرف مككن يجتلني لع
طارق: هما خمس دقايق بس مش هاخرك ماتخفيش
هدي بتوتر: بس
طارق: بس اي بقي يالا روحي. اجهزي بقي للدرس عشان اقبلك. سلام يامراتي المستقبليه
هدي قفلت وحضنت التليفون وجريت عشان تجهز
وطارق بيبتسم بشر عشان خطته اللي هينفدها..... نهايتك علي ايدي يايونس ان مخليتك اقل من اقل عيل في البلد دي مبقاش انا
يونس وصل شركته ودخل بهيبته وراح مكتبه وقعد
ودخلت سكرتيره
يونس:اي اخبار الشغل
