قوت رفعت وشها.... طلعي اللي جواكي عنيكي كلها وجع مالك
شيرين بصتلها ومردتش
قوت: لو مش حابه تحكي ماتحكيش بس
شيرين: ولو حكتلك مش هتبعدي عني تاني
قوت بصتلها بقلق.... لا انا اعتبرتك ذي بنتي اتكلمي
شيرين:اتولدت في عيله مفككه بين اب بيعمل كل اللي يقدر عليه عشان يوفي احتياجتنا وام ابعد مايكون عنها ام اصلا مش بتفكر غي في نفسها وانها تقعد وتحكي مع جيرانها ماتعرفش يعني ايه طفله صغيره مسئوله منها لا كانت بتتعامل معايا بمنتهي الاهمال في مره شوفتها وعيطت بحرقه وهي بتكلم رجال في العماره معانا وجت بعد كدا بقيت كل يوم تديني كوبايه عصير وكنت باخودها منها وانا فرحانه اوي وفي يوم الكوبايه دي وقعت مني مابقتش عارفه اعمل وقررت انضفها انا يوم دا وغمضت عنيها بالام شوفت نفس الراجل دا داخل معاها اوضتها ودي مش كانت اخر مره كل يوم اشوفها مع نفس الراجل دا وانا مش فاهمه اي اللي بيحصل ولابيجي عندنا ليه الراجل دا لحد ماامراته عرفت ودخلت وفضلت تزعق واتخانفت معاها واما بابا رجعت من سفر صممت ان احنا نسيب البيت
وفي يوم بابا رجع وكان متعصب وبيزعق ليها واللي فهمته من كلامه انه عرف ان الراجل دا كان معاه اخدته ودخلت الاوضه وبعدها بشويه سمعتها بتصوت بصوت عالي وجيران كلهم اتلمو وانا مش مستوعبه اللي بيحصل سمعت كلهم بيقولو ليها البقاء لله انا بحاول افهم يعني ايه يعني خلاص انا مش هشوف بابا تاني ومن بعد وفاته ابتدت لعنه حياتي معاها شوفت معاها اسوء ايام حياتي شوفت معاها اللي اكتر ماتتخيله القدوه الي مفروض تعلمني كانت مثال للام السيئة خلتني فقدت الثقه في كل الناس
كنت بشوف نظرات الناس ليا انهم بيقولولي امك وعيطت اكتررر وفي يوم كنت بتفرج علي تلفزيون سمعت شيخ بيقول ان ربنا دايما سامعنا وشايفنا وحاسس بينا وان هوالملجئ الوحيد لينا اتعلمت من صلاه من مدرسه وابتديت اصلي واحكي ليه كل حاجه وانا ساجده كنت بدعيه انه يبعدني عن طريقها ويبعدني عن طريق دا انا مش عايزه امشي في نفس طريقها وكنت بدعيلها ربنا يهديها ومانتهتش علي كدا راحت اتجوزت واحد اقذر منها ومعاه ابن كان بيخليني اخاف من خيالي نظراته ليا كانت بتخليني نفسي الارض تنشق وتبلعني عشان تحميني منه كنت بتمني يظهر حد يحميني منه وزود خوفي اضعاف عمري ماحسيت بالامان غير وانا هنا معاكم كان مش بيسيب فرصه ابقي فيها لوحدي غير وانه يحاول...واما اشتكي ليها يكون جاوبها كل استهتار كاني مش بنتها مش خايفه عليا ولو تطول تقدمني ليه مش هتتاخر عمري ماعرفت معني يعني ايه امان ولايعني ايه عيله
كنت بدعي ربنا كل يوم يخلصني منهم وابعد عنهم لحد مافي يوم كنت في المستشفي وسمعت ان في ناس طالبه دكتور بيطري في الصعيد روحت لمديره المستشفي واترجتها انها تخليني اروح انا لحد ماوفقت وحيت وانا بدعي ربنا انه يكون كاتبلي هنا حياه جديده وتكون عوض وبعد دا كله ماستكفتش جت يوم فرحي ودمرت حياتي الجديده خلتك تكرهيني من قبل حتي ماتعرفيني بس انا ماليش زنب وصدقيني انا مش ذيها ولاعمري في يوم من الايام هبقي شبها
