احببته غصبا عني

الحلقة1

الحلقة1
فوقت السخانة والڤايلة مفما حد برا كان هوما زوج يمشو ويضحكو اللرض مش واسعتهم ملفرحة يمشيو ويفدلكو حاسين رواحهم حيطيرو بعدما جابو باكهم ب15 وباش يروحو يكملو قرايتهم لهيه ويبداو فاول خطوة من مخطاطاتهم شيطانية 😈😂 هاد زوج كي يتلاقو شيطان يحطوه في قرعة كانو رايحن للبلدية باش يكملو يخرجو كواغطهم ويصير كلش جاهز مبقااش بزااف ويروحو
ريهام: تسما دك حنروحو ياك 🙂😂
اسيل: هييه وهيا ازرربي اناا طولڤناا بزااف دك نلحقو روطار وبابا ولله ميسنانا كي يجي يطيحلنا ويروح 😂 او ولله منعفسوها تان
ريهام: هييه مالا اطلقي  ريح رجليك
زربو مشاو لحقو للبلدية وقفو
ريهام: شوفي كلعادة نتي لي تهدري وبلا ما تكتري فجد الهدرة معاهم نعرفك فمك مش ليك
اسيل: منوعدكش😉🙂 غمزتها بضحكة وتعداتها دخلو راحو للجهة لي حابين عليها
قعدو يسناو باسكو كاين لي قبلهم تعدات شي 10 دقايق ووصل دورهم بقات هاديك لخدامة تتطولڨ
ريهام: شوفي كيفاش اي دير ماشي لوحد يقول يدخل فيها بدماغ
اسيل: وزيد قعدت تم حاسبة نلعبو معاها فدومين هنا ،
اي واش نتي عام قاعدة تتطولڤي هكا خير نشاله وشبيك؟ هيا هيا مراناش فارغين شغل
الموظفة: دقيقة برك بصح نتوما مزال ملحقتوش لسن لقانوني نورمالمون يجو والديكم مش نتو
اسيل: واو مزية قلتيلنا مكاش علبالنا كملي خدمتك بركاي ماتخ ..اوب وهنا شدتها ريهام زيرتلها على يدها تاع بللعي سكتت وهاديك فيسع ما كملت داو وراقيهم وخارجين بعققل عقللهم سمعو تلفون اسيل يصوني رفداتو لقاتها يماها
اسيل: ويي ماما
مليكة: وين راكم نشاله تقوليلي مزال ملحقناش وتشوفي
اسيل: هههه لالا لحقنا وكملنا ورانا برا نتي لي قوليلي وينو بابا
مليكة: هيه اي عندو خدمة صغيرة فيدو يكملها ويجي شي 15د ابقاو ثم
اسيل: اوك ....
كوبات وشدو تلفون ودارو كتمان المزدوج يقدرو زوج يسمعو يعني كل واحد ويكتمانو فكيتمان واحد المهم دارو غنية مرا بعشر رجال وناضضو يشططحو رتفعلهم مستوى الحماس 😂
بقاو هكاك يشطحو ودايرن حالة قدام لبلدية هاديك وناس تخزر مخلوعة فخلق ربي وهوما هكاك جا ليهم واحد يلوح فلهدرة حبست اسيل
ومشات بخطوات ثقال ناحيتو طلعاتو وهبطاتو بعينها جات حتبزق عليه حكمتها ريهام وحكات فودنها باباك جاا هياا امشي ياخرية امشي دايمن هكا نتي نهار يني## جيبي خبر
اسيل: يستهل خليه
راحت اسيل وعيطت لباباها شوية وهز عليها
حاتم: الوو
اسسيل: ويينك بابا طوولت
حاتم: خلاص هاني خرجت ملمطار لتحتاني شي 5 دقايق ونكون عندكم
اسيل: اوك
قعدو هكاك شوية وجا باباها طلعو  راحو للمطار كملو بلخف وبمأنو باباها يخدم تم تسما عندو معارف ريڤلهالهم ليه ليه
كمملو لحقهم لدار، ريهام راحت لدارهم واسيل هبطت راحت لوين ترقد. هيا هوما فدارهم هي وخوتاتاها2 يرقدو فليطاج لول ولباقي لفوق دخلت راحت لبيتها تلاحت فوق سرير بقات تتأمل فسقف مزال لدك مش مصدقة بلي واخخيرا شي لي كانو يحلمو بيه ويخططولو من 3 سنين بش يبدا يتحقق قعدت هكاك شوية بعدها راحت عملت دوش وعملت كريماتها ومرطباتها ومعطراتها توضات وخرجت بعدها جابت كريمات تاع شعرها حطتهم نشفاتو بسيشاور وجوزت عليه بليسوغ وكي كملت حطت عليه سيروم باش ميطلعش فسما😂 ماشي ختش شعرها حرش ولا جيست كي سخانة وصيف
المهم كملت راحت صلات الظهر كانت 4 قبل مايأذن العصر مورها طلعت لدارهم ستقهوات وراحت لصالون شعلت تيفي وكونيكتات شوية ورجعت غسلت لماعن وهبططت صلات العصر وتلمدت فدرة ورقدة  (اسيل ول كوالا خاوة 😂)
صونالها رفاي على 8 ناضت صلات وطلعت لفوق تعشاو ورجعت قعدة معاهم شوي________
.
.
دك خلوونا نتعرفو على بطلات القصة
اسيل بنت  17 سنة قصيوورة وكيوت شعرها بني طويل يلحق لنص ظهرها ، عينها كبار وعسلين مخلطين بلمارون وشوربها متوسطين حمورا ومنفوخين اما بدها جاي مليان خصوصي فلمناطق الانثوية مليان مليح كل منطقة عطيتها حقها وبزيادة  عايشة مع عايلتها لي هيا اسرة متكونة من 6 ولاد واب وام يعني هوما 8 فدار لله يبارك عليهم
اما ريهام بنت مم هيا 17 سنة قصييرة حتى هيا وشعرها قصير عينها بني مجبودين ومشفرين وشوربها صغار وحمورا اما بدنها فهو مش مليان اما كل حاجة عاطيتها حقها لوكان مجاتش قصيرة تولي مانكا 😂 وحتى من ريهام عايشة مع دارهم لي هيا عبارة عن 5 ولاد ولام ولاب يعني 7
ريهام واسيل قراو لغات بحيث اسيل تحكي اونڤلي فرونسي عربية واسبانية وشوية روسية وتركية
وريهام تحكي اونڤلي وفرونسي وعربية وروسية ملي كان عندهم 14 سنة وهوما يحلمو يجيبو باك بمعدل مليح ويروحو للخارج باش يبداو يحقو شي لي كان يخطولو ومنبين هلاشيا هو انو يحلو شركة صح دك تقولو ااا كما انتيماتهم ونصفهم لوخر تقدرو تقولو خاوة لي هوما نور وايماان كاننو الرباعي الخطير نور وايمان محاش يشاركو فڨاع لحكاية باسكو مكانوش عندهم نفس الاهداف مع ريهام واسيل وكانو يدلو يستهزاو بيهم بخصوص هلموضوع لكن بينولهم لعكس وقت دارو هك ودك نولوو وين كنا
فاقت صباح على صوت تلفون لي مصبااح وهو يرن
اسيل بصوت مبحاح وفيه نوم: اللووو😴
نور وايمان: وااش متقوليلناش مزالك راقدة نوضي نوضي
اسيل: هيه هادا وين نوضتوني نتو مزالها اي 9
ايمان: واش وقيل نسيتي بلي حنجو معاكم تشريو حوايج رايحين دربلو هكاك
تسيل: ختك ماشي صحا لبيتش تاع ريهام ويني
نور: مصباح وحنا نعيطو ماهيش ترد اي راقدة باينة
ايمان: ايا نوضي نص ساعة ونتلاقو عند نور
اسيل: اوك ، قطعو الخط ناضت غسلت وجها وطرافها كانت صلات صبح ديجا (فوقتو) راحت للخزانة جبدت بونتالون كلاسيك فنوار وليكات غوز مع خيمار فولاغ باج وباسكات بيضا وصاك كحل

مشطت شعرها لبست حوايجها حطت من برفانها هزت صاك وتلفون ولمفاتح وخرجت ديركسيون لدار نور تم وين لقات ايمان هداك وين جات مشاو لريهام وين قابلتهم يماها حلتلهم لباب
سهيلة: اهلا مرحبا ببناتي
ردو بييك طاطا😊 جينا ندو ريهام
سهيلة: مزالها راقدة ولله مقدرتلها انا هاه اطلعو ودبرو راسكم معاها
ردو : اي خلاص طاطا دك نفروها، طلعو لفوق حلو باب بيتها شافو فبعضاهم وتبسمو بمكر وراحو سوطاو بين 3 عليها فاقت وهيا تعيط
ريهام: ااااااي ياقح### ن## ### قودو من فووقي يا طحانات 
اسيل: يالبڨرة نوضي نسيتي بلي رانا رايحن دايمن وببسبتك نديرو روطار نوضي ولله لعشرة غير ربع متكونيش لتحت واجدة لابسة نروحو ونخليوك
ناضت ريهام غسلت توضات وصلات دخلت لبست لي جات قدامها

هبطت راحو للتران ركبو ديركسيون للمول قضاو لي حاجتهم فيه وخيرو بزااف حوايج وباينة كو طريق ڤاع وهوما يتبهلو ويديرو فسمير  وناس ڤاع تشوف😂  كملو راحو لريسطو منها ياكلو ومنها يريحو باسكو ظارو عل مول 66555 الف مرة. 🌚😂 المهم لا علينا قعدو ياكلو هكاك وفجأة تفكرو بلي هادي لمرة لخرة لي حيزيدو يخرجو فيها ويكونو ڤاع كيفكيف غلبوهم دموعهم وبداوو يبكيو دارو تحريرة تم حلفو لا يسكتو 😭😂💔 ناضو عنقو بعضاهم وسكتو بعضاهم وتفاهمو بلي يباتو كيفكيف غدوة ومورها بنهار يخرجو يحوسو ويلعبو ناضو كملو طريقهم لدار بضحك كل وحدة راحت لدارهم دارو روتينهم لحق ليل ورقدوو