احببته غصبا عني

الحلقة11

..حورية رفدت تلفونها وش فات لساعة لقاتها 12 غير ربع..شهقت وين خلات اسيل تركز معاها حطت تلفونها ورجعت حكات: يخااه 12 وانا مزال مدرت لفطوور..تنهدت اسيل حسبتلها كاش عفسة..اسيل: نورمال طاطا مزال لحاال، حوربة: لالاا وقت لفطور لازم نوض ندير..ستغربة اسيل علاش هيا دير لفطور مكاش خدامة اصلا ملي جات ملمحت حتى واحد.. شافت فيها وحكات: اوك خليني نعاونك..تبسمتلها حورية وتاجهت للكوزينة واسيل تبعتها دخلو مدتلها طبلية لبستها ومم حورية لبست وحدا..طمت شعرها وتلفتت ليهاا حورية: تعرفي طيبي؟ اسيل: ويي نعرف هه ..حورية: هه صح مالا تخليني نشوف شطارتك..اسيل: هه اوككي وش حبيتي نديرلك..حورية: امم هاوليك روز ديريه ياك نورمال بنتي!؟..اسيل تبسمتلها وحكات: ههه منيتك طاطا وش فيها هادي..تبسمتلها حورية وقعدت فلكرسي مخليتها تخدم براحتها..وقت حكا اسلام وقال عروسة فهمت بلي فهد يحبهاا وعجباتو وبما انو عارفة وليدها ادا عجباتو عفسة يحطها تاعو وميطلقهاش حبت تختابر اسيل يعني متكدبش لي دخلت لقلبها وتعرف تحكي ونية وتخاف ربي وحورية ماشي منوع لغافل من حكيها مع بنادم تقدر تعرف بزاف عفتيس بحكم لي هيا اخصائية نفسانية وعندها خبرة فلحياة..على هادي حبتها طيب حبت تشوف مهارتها فطبخ وبما انو هي مش عصرية وتقليدية فتخمامها ودزيريية 100٪..حورية تحكي مع روحها: لله يبارك عليها هاد طفلة مربية ونقية وحتى من هدرتها تعرف تحكي ورزينة (متعرفش لوجه الثاني لهايش تاع اسيل😂) حتى من خدمتها وكيفاش اي طيب منظمة وتنقي مورها تاع دار وديك لاطااي لي عندهاا ولله خموس عليها بنت وعليها لكلام معمرة ملور ولقدام وخصرها منحوت وضيق وعندها لاريار عريضة وبارزة ياختي خادمتها لله لله هاو وش كنت حابة بنت الاصل مزية مجابوليش كاش وحدة ملڨطة منا حمد لله ربيت رجال نحمدك ياربي ونشكررك صح تعدب بكرري اما دك ڤاع وش حابة راهو يصرا قدامي.. بصح هي قاتلي متعرفش فهد فف وش ناوي يدير مايكون حيجبرهاا ويفرض عليها روحوو طفلة محاش تتحمل مراحش تقدرلو اما من غيرها واحد محيقدر يسڨمو هي رزينة باين تفهموو وتعرفلو خلاص نخلو كلش على ربي. ليام فيها خير نشاله..فاقت من شرودها وقت نداتها اسيل تلفتت ليها..
اسيل: طاطاا وينو الروز
حوربة: اصح بنتي ولله سمحيلي راح بالي لبعيد نسيتك
اسيل: معليش طاطا مش بروبلام.. مدتلها روز وقعدت تحكي معاها..
حورية: بنتي يماك وباباك كيفاش حتان بعتوك نتوما فداركم متفتحين؟
اسيل: هههه لالا مش متفتحين بزاف اما دارنا متفهمين وملي كنت صغير رباوني على اساس اني حرة ونعرف حدودي فنفس لوقت وانو لحرية لا تعني ان نفعل اي شي نريده وانما الا نفعل اشياء لا نريدها رغما عنا..تبسمتلها حورية زادت كبرت فعينها كتر وكتر وعجبها تخمامها
حورية: ولله ملقيت منقولك يابنتي لله يحفظك نتي مليوم يسموك لوليدي( حبت تجيبهالها بضحكة تشوف ردة فعلها)..حلت تسيل عينها مصدومة حمارو خدودها هبطت راسهاا
حورية: وش قلتي يابنتي اه؟ هههه..اسيل تحكي فقلبها: وش بيها هادي واقيل اي صح هدا وش ناقصني غير زواج😂
اسيل: هههه علاش لالا طاطا ايه..تنهدت حورية اما عرفتها قالت هكا كي حشمت برك لاعلينا حطت اسيل روز يطيب..نحات طبلية وحكات: طاطا عند لباس تاع صلاة
حورية: وي بنتي وهاو كيفاه ههه
اسيل: ههه وي مجاتش فبالي بلي عندك
حورية: قصدك حسبتلك منصليش!
اسيل وعلامات توتر بانو عليها : لا مش هكا قصدي جيست سقسيت برك
حورية: ههههه وعلاش توتر ارواحي معايا ولا هيا نصلو مع بعض..هزتلها براسها نقصت شوية على نار وراحت معاها توضاو مدتلها لبست صلاة..وشارعو فيها غير كملو كانت اسيل نحات ديجا لحجاب وتطوي فيه تفتحت لباب ودخل منها فهد هو دايمن يفطر فدار..
حورية: اصبري او جا فهد واقيل
اسيل: اناا ني بلا خيمار
حورية: معليه بنتي دك نجيبهولك..هزتلها اسيل براسها قعد فلكرسي لي لقاتو قدامها شوية ورجعت حورية
حورسة: هاكي اسيل بنتي لبسيه ورواحي معايا.. اسيل دق قلبها.. وسط ضلوعها وين جي ووليدها برا معليناش دارت خيمارها وتبعتها غير دخلت لصالون دخلت ريحتو لنيفهاا، ريحتو عمرو متنساها خلاص حفظتها..علاو ظقات قلبها وقت قابلها عاطيها بظهرو قاعدة تدعي ميكونش هو
حورية: فهد وليدي اي جات اسيل.تكوانسات فبلاصتها علاش عيطتلو.. وقف بكل وهرة ودار شاف فيها وين طاحت لعين فلعين.. اما هي قلبها لي طاح علاش وين تروح تلقااه وين راهي شكون هو باش يتسلط على لاماكن لي تكون فيهم او وين تروح تلقاه.. بدات ترجع للور وقات شافتو متقدم لنحيتها لحقت لحافة طابلة بلا متفيق..حورية كانت غير تشوف محكلت حتى حرف.. خطوات صغيرة تفصل بينهم حبس وقت شافها معندهاش وين تزيد تولي كي خبطت فطابلة مددلها يدو وحكا:انا فهد مع شطر تبسيمة شيطانية تخوف.. خلات عينيها يوساعو ورجعت حكات ومدت يدها ليه باش تصافحوو..حكات بصوت شبه متقطع دليل على خوفها منو: ا نااا ا سييي ل حطت هبطت عينها ليدها لي حستها حتتكسر من شدة مراو مزير عليهاا عاودت طلعت راسها تشوف فيه تاع يدي وجعتني اما هو بقا غير يزير يدها لي مكانتش تبان قدام يدو تعصرت دك خرجت اه صغيؤة من فمها خلاتو يطلقها وهيا سرعان مدنات يدها لفمها تنسف عليها حستها تحرق من قبضتو اسيل تحكي داخل قلبها: اححح لبغلل نحاللي يديي صباععتتيه خلالي طراسا فيهم.. وش درتلو ياربي باش او يدرلي هكااا.. قطع شرودها وقت حورية حكات: اقعدوو علاش اكم واقفين
اسيل: ديزولي خالتي نروح نشوف روز..تسرسبت من انظارو لي زادو من خوفها وتورها قبل ماتحكي دخلت للكوزينة كحت وبدات ترد فنفس وتتنفس كتر كانت حاسة لداخل مخنوقة وشادة لهواا..ففف شكون هاادا لي حرم عليا نفس بخززرة ايي ربي اصلا منعرفووش وش او يدير هنا علاش وين نروح نلقاه مروحت على وجها شوية ودخلت عليها حورية وحكات: شبيك بنتي غير لخيرر
اسيل: والو طاطا غير حشمت منو برك
حورية: بووه عليك يابنتي خلي خلي روز يطيب وراحي معايا نريحو لهيك ..هزتلها براسها وتبعتها وهياا كارهة مش حابة تريح قداموو اما من سوء حظها قعدتها اونفاس ليه كان يبربش فتلفونو تنهدت بلعقل وشافت فحورية لي تطمن فيها بعينهاا
فهد يحكي مع روحو: راهي فدارك فهد معشوقتك صغرونتك راهي فدارك هه اي خايفة مني بصح معليش يا اسيل دك تشوفي لخوف على اصلوو واصلا وش هاد لبسة لي اي لابستها هدا حجاب هدا خزر فيها وحكا: ايي نتيي.. هزت راسها ليه وقلبها باش يسكت ملخلعة..كمل حكا وحروية تشوف فيه تسنا وش يقول..فهد: وش هاد لبسة لي لابسة..شهقت حورية بعني وش كان فبالها صح من جرأتو تأكدت بلي او يعشق فيها.. اما اسيل هبطت راسها لحوايجها بتوتر.. ني نحكي معاك هدا هو لحجاب لابسة نص ساق فخاد ڤاع على برا لي يسوا وميسواش يشوف فيك ونتي عاجبك لحال.. ستغربت اسيل منو ورجعت حكات: وش دخلك؟ منعرف منين جاتها شجاعة اما لسانها غلبها ومقدرتش تسكتلو شافتو جاي لنحيتها وقفت وقت قرب يلحق ليها حكا وهو لاز على سنيه: كلمة وش دخلك هادي منزيدش نسمعها على لسانك فهمتي وهاد لبسة لي لابستهاا منزيدش نشوفك لابستيها فهمتتتتتي..تنفضت فبلاصتها عينها تعمرو بدموع لهدرة هربتلها خلعها بعياطو قبل مطيح دعتها لولة جرات ليه حورية تفكها منو.. داتها عنقتها اسيل وحتا من حورية بادلتها تعنيقة... هز مفاتحو وخرج هو بروحو معلبالوش علاش تهور اما هدا هو شي لي شافو  صح.....