ملاگ الضابط

1

#ملاگ الضابط
#بارت 1
#للكاتبه: الخفاجيه
★★★★★★★

ملاك:نايمه وحسيت على صياح ماما كعدت مخترعه بسرعه رحت اشوف شكو وياريتني ما رايحه لكيت بابا امدد والدم يطلع منه صحت بصوت عالي بابااااااا
ام ملاك:ولج يمه راح راح ابوج يبوووو
ملاك:ضليت واكفه مصدومه وعيوني ادمع من اجيت لهل دنيا ما ضكت الراحه ابد كل يوميه واكعين بمصيبه اجوي عمامي وعماتي وخالاتي يواسن امي لي بس تبجي وكل ساع تتخربط ضل هل وضع لي 7 ايام ما ضكنه النوم ابد وما ناكل ولسه افكر منو اله ايد ويكتل بابا وليش
ام ملاك:يمه ملوكه كومي اكلي انتي واختج زمرد
ملاك: يمه ما اشتهي
ام ملاك:يمه كومي لا تعاندين ابوج بعد راح ما يرجع شوفي وجهج تعبان وضعفانه كومي
ملاك:كمت با الكوه اكلت لكمه وحده وبس رحت لغرفتي اتمنيت هاذه كوله حلم مو حقيقه واصحه من النوم الكه بايا كدامي اذكرت ذكرياتنه ويا بابا من يطلعنه ويشتريلنه ومن يدافع علينه كدام عمامي لان عمامي ما يحبونه ولا يحبون ماما لان غريبه ما اخذ من كرايبه ضليت اذكر وابجي حسيت على صوت زمرد
زمرد:ملاك كافي بجي عيونج راحن
ملاك ببجي:احس جبل وواكف على كلبي زمرد تعبانه شتاقيت لبابا اهى
زمرد بحزن:اشش يا عمري كافي كومي غسلي وجهج لا تجي امي وشوفج هيج خطيه انوب يصير بيها شي
ملاك:كمت غسلت وجهي ورديت للغرفه كعدت اقره بملل لازم اشد حيلي حتى اطلع من السادس واخذ معدل عالي حتى. اعيش امي واختي مر شهر واني اداوم با المدرسه اجتي امتحانات اخير السنه كمت ما اطلع من الغرفه الاكل خطيه امي اجيبه يو زمرد بدت الامتحانات ومتحنت الحمدلله جاوبت زين خلصنه امتحانات وكعدنه ننتظر النتيجه
ام ملاك بتعب:يمه ملاك اني تعبت كولش ويمكن راح اموت
ملاك بخوف:اسم الله عليج ماما
ام ملاك:ديري بالج على اختج زمرد وديرن بالجن من عمامجن هذول ضالمين ما يخافون الله
ملاك بخوف:ماما شكو شبيج خوفتيني
ام ملاك:بيه مرض خبيث وبده ينتشر بجسمي
ملاك بصدمه:شنوو من شوكت
ام ملاك:من وفاة ابوج
ملاك:زين ليش ما كلتي ليش ضميتي علينه
ام ملاك:ما اريد اخوفجن
ملاك:حضنت ماما وكعدت ابجي ليش ربي تعاقبني بي امي وابوي شمسويه بحياتي اني حتى اتعاقب
ام ملاك:اشش كافي تبجين اريدج قويه شامخه ما اريدج ضعيفه اريدج تاخذين حق ابوج لي نكتل
ملاك: خايفه ماما خاف يجي يوم وتروحين منه منو راح يبقالنه اني وزمرد
ام ملاك:كولشي بيد الله هسه كومي نامي مبينه تعبانه من الامتحانات
ملاك:كمت لغرفتي افكر شلون راح نعيش بلا امي والراتب قليل مال ابوي هسه صار لازم تعرفوني
اسمي ملاك عمري 18 سنه صف سادس علمي شكلي عادي حنطاويه عيوني واسعات كبار طولي 166 وزني 59 عندي اخت وحده اسمها زمرد اصغر مني با سنتين ابوي يشتغل شرطي وامي ربت بيت عائلة ابوي يكرهونه لان ابوي تزوج امي وما تزوج من كرايبه حالتنه الماديه وسط الحمدلله
كملنه التعريف...
زمرد:ملوكه تعالي اشرحيلي هاذه الدرس ما كاعد افتهمه
ملاك:كمت شرحتلها ساعه كامله واني اشرح كملنه شرح اذن رحت صليت وسويت عشه وكعدنه نتعشه احس امي وجهه اصفر وتعبانه اووف عليج يا يمه الله يشافيج كملنه زمرد غسلت لماعين واني رحت مددت اباوع مسلسل نعست طبيت نمت كعدت على صوت زمرد اصيح بصوت عالي كعدت مخروعه وخايفه خاف امي صارلها زمرد بصياح:ملااااك ملاااك نشرو النتائج ولج
ملاك بخوف:شنووو بربج
زمرد:تعالي خلي نشوف اسمج
ملاك:خفت خاف اطلع راسبه ويروح كل التعب التعبته بحثت زمرد عن اسمي وضلت صافنه
زمرد:كللوووووش الف الف مبروك يا روحي ناجحه ومعدلج 97
ملاك ببجي:والله تأكدي زين خاف خطأ
زمرد:لا صح شفته
ملاك:الف الحمدلله يا ربي ما فشلتني
ام ملاك:مبروك يمه
ملاك:الله يبارك بيجن بيومها ما نمت من الفرح ضليت كاعده للصبح صارت با 7 الصبح كمت سويت ريوك وتريكنه اني وامي واحس امي يوم عن يوم تتغير وتضعف نضفت البيت ورحت لصديقتي ميامين اشوفها مشتاقتلها لبست صايه وشال ورحت
ميامين:يا هلا بي ملوكه خانو
ملاك:هلا بيج يا عمري شلونج
ميامين:تمام ولج مشتاقتلج شو مختفيه
ملاك:والله شغل البيت وهم مالي خلك اطلع امي مريضه
ميامين:سلامات شبيها
ملاك:اووف شحجي يا ميامين تعبت والله
ميامين: يا عمري اتحملي بعدين الله يفرجها والله
ملاك:ونعم باالله
ميامين:ضعفانه ولج كولش
ملاك:من القهر
ميامين:اووف
ملاك:اي الف مبروك النجاح
ميامين:الله يبارك بيج وانتي هم الف مبروك
ملاك:يله.حياتي هم يله اروح
ميامين:بعد وكت هستوج اجيتي
ملاك:والله خيتي هم يله
ميامين:عود ضلي تعالي مو تكطعين
ملاك:اوك سلمت وطلعت الجو حار يسمط سمط مدنكه وامشي ما احس غير طخيت بشخص وردت وكع
شاهين:وثول ما اشوفين عميه
ملاك:رفعت راسي وشفت واحد طويل وشوي عريض وعدنه شوارب وعيونه العسلي نرفزني كلامه العفو خويه انته لي ما تشوف واعمه
شاهين:تأدبي هل كدج وتغلطين على الاكبر منج
ملاك:باوعتله بتك عين ومشيت عوع شنو من ناس همج رجعت للبيت لكيت امي كاعد اسوي غده تمن ومركة بذنجان
ام ملاك:ها يمه شو اجيتي من وكت
ملاك:ملل واجيت ما اريد اعوفج وحيدج وزمرد نايمه
ام ملاك:كومي يمه جيبي خبز من الخباز ما عدنه
ملاك:اوك اووف ما اريد اطلع بس مجبوره خطيه على مود امي طلعت شفت الشخص لي اندعمت بي واكف يم بيت لي مقابيلنه ما اطيت اهميه ورحت للخباز جبت خبز ورجعت واحس نضرات الشخص هذاك عليه خفت ركضت لبيتنه وطبيت خليت الخبز على المجمده ورحت لغرفتي غسلت وطلعت وزمرد الخانو لسه نايمه هيووو زمرد ولجج نعل قنادر اكعدي
زمرد بنعاس:اوووف شكوو عيفيني نايمه
ملاك:اكعدي يل خانو هسه با 10 راح اصير
زمرد:كعدت بنعاس غسلت وجهي ووكفت يم المرايه عدلت شعري المعطب اوووف والله تعبت من هل عيشه يختي
ملاك:احمدي ربج عايشه ابيت ملك ابوج ومحصلين الكمه
زمرد:يا لكمه هاي لي تحجين عليها هوا احنه الراتب بس 300 الف شيكفي مسواك او ملابس او علاج لي امي خطيه
ملاك:لعد شتريدين يل خانو الحمدلله والشكر المهم عايشين وشابعين ما يحتاج نجدي من الناس ونذل نفسنه على الكمه
ام ملاك:ها يمه شبيجن
ملاك:هاا ما بينه شي بس جنه نتعارك اني وزمرد على اشيأ تافهه مو زمرد
زمرد بضوجه:ايي
ام ملاك:ماما زمرد شبيج مبينه ضايجه
زمرد:ما بيه شي بس لان كعدتني ملاك
ام ملاك:ليش ماما ملاك كعتي اختج
ملاك:انوب تكعد من وكت تتعلم احسن
ام ملاك:ديله كافي حجي كومن اتغدن
ملاك:ما اشتهي اني راح انام
ام ملاك:ماشي يله ماما زمرد
ملاك:طلعن ماما وزمرد ضليت افكر بكلام زمرد اووف يا بابا ليش تركتنه يتامه بلاياك وين جنه وين صرنه بس اله انتقم لموتك وعد مني

بغير مكان
كاعد على الكرسي بكل جمود وهوا يذكر البنيه لي اخذت عقله وهوا اليوم شافها معقوله حبيتها لاا شاهين كاعد تخربط اني شاهين ابن الرائد والكل تهابه يحب وحده زعطوطه ويا كلامه دخل اخو للمكتب
ايمن:ها ولك وين صافن
شاهين:استغفر الله يعني الواحد ما يصير يصفن
ايمن:لا ما يصير وبعدين شبيك عاكد حاجبك على كولت المثل عاكد حاجبه ومحد عاجبه
شاهين:ابن القندره امشي ولي
ايمن بضحك:عفيه بخوي اغلط اغلط على ابوك
شاهين بجمود:تطلع لا اكوملك
ايمن:عوع شكد معقد عمي طالع طالع
شاهين:اخذت سترتي وطلعت ركبت سيارتي ورجعت للبيت ميت تعب دخل البيت اشتم ريحة الدولمه اويلي عليج يا نبع الحنان رحت حضنتها وبست راسها
ام شاهين بفرحه:يمه ابني حبيبي شوكت اجيت
شاهين:هستوني اجيت شتميت ريحة الدولمه وجعت
ام شاهين:خسه الجوع هسه اصبلك روح اغسل وارتاح ابين ما اصبلك
شاهين:رحت لغرفتي ميت تعب طبيت غسلت وطلعت بدلت لبست اتراك ومددت على السرير ميت تعب من الشغل
ام شاهين:ها يمه شو نايم كوم صبيتلك اكل
شاهين:اي اجيت لعد ابوي وينه
ام شاهين:تعرف ابوك وين يروح غير لذيج ام اسنون المكسره
شاهين بضحكه:هههههه والله اشوف با الاخير تطلع مسويتله سحر
ام شاهين بضحكه:هههههه خرب يومك اكولك لعد اخوك ايمن وين
شاهين:دايح يعني وين اكيد با الشغل
ام شاهين:اوووف منكم ولكم يمه خسرت ولد واحد ما اريد اخسر بعد واحد هم بطلو من هل شغل
شاهين: يمه لا تخافين قابل احنه شمشتغلين غير نقيب
ام شاهين:اووف منكم ما تتعاندون لو اضل احجي منا للصبح ما تتعاندون شدعي عليك يا كمال خلفت ولد طلعو مثلك طبق الاصل
شاهين:الحمدلله كملت كمت غسلت وصعدت لغرفتي انام واجتي ابالي هذيج البنيه وكلامها اني اعلمج على كلامج اني همجي اله اشوفج الهمجي شيسوي

يتبع

لا تنسون التصويت

انستا mrams231