ملاگ الضابط

10

#ملاگ الضابط
#للكاتبه:الخفاجيه
★★★★★★★
ام شاهين بصياح:لك ادري شمخلفتلي كتال ولك شكبرك وشكدك هم عيب اصيح عليك كتلت البنيه وفوكاها حامل ببنك يل اثول
شاهين بهدوء:طبها مرض تستاهل حتى بعد ما تلزم شي ما يخصها
ام شاهين:ولي من وجهي لا والله اموتك امشيي ابو شاهين:عيفي خلي يولي بس تكعد البنيه اوديها لهلها بعد ما خليها بهل بيت
شاهين:احسن اسوي فضل ام شاهين:ها بشري دكتوره الدكتوره:حالتها مو زينه ابد يمكن تدخل بغيبوبه والطفل مات
ام شاهين:يبوووو الله لا يوفقك يا شاهين
ملاك:رجعت للبيت تعبانه بطني موتتني نمت واني اون من بطني اخير شي صار الوجع قوي وصرخت اجتي ميامين تركض صاحت امها وجني ودوني للمستشفى واحس روحي راحت من الوجع كمت ابجي واصرخ الدكتوره:بسرعه لصالة العمليات وينه زوجها بلا زحمه ميامين:ها ميت
الدكتوره:اها لازم يوقع هل اوراق
ميامين:عادي اني اوقع
الدكتوره:ماشي بسرعه لان حالتها حرجه
ملاك:طببوني للصاله وكمت ابجي خايفه خاف اموت لزمت ايدي ميامين
ميامين:لا تخافين اني وياج يله صيري قويه وكومي بسلامه
ملاك:اذا صارلي شي ابني بأمانتج حبابه وديري بالج تطي لشاهين انتي ربي وكوليله ماما تحبك ميامين:انجبي ما يصيرلج شي ما تموتين يله اتقوي
ملاك: حسيت بدوخه قويه وغمضت اعيوني وبعد ما احس بشي ابد بس بوجع قوي

ام ميامين:كافي يمه تفترين موتيني
ميامين:خايفه عليها يمه صغيره مو حمل عمليه
ام ميامين:ادعيلها ادكوم با السلامه يا يمه
ميامين:اوووف ضلينه ننتظر واني متوتره وخايفه عليها وعلى الطفله شفت مبايله يرن شفته يتصل عليها كمت ورفضته هستوه اله اذكرها النذل طلعت الدكتوره من الغرفه رحتلها اركض ها بشري دكتوره
الدكتوره ببتسامه:الف مبروك جابت ابنيه مثل القمر
ميامين:وامها شلونها
الدكتوره:زينه بس يرادلها شوي راحه والطفله شوي ضعيفه راح نخليها با الخدج يومين هيج تطلع
ميامين بفرحه:الف الحمدالله ربي
ام ميامين:الحمدالله الف الف الحمدالله ربي فرحت هل يتيمه
ميامين:شوي وطلعوها من الغرفه هيه وبنتها لزمت بنتها اتخبل طالعه عليها بكولشي بس مبينه وكحه مثل ابوها وحواجبها نسخه من ابوها بستها كامت تتنعوص
ام ميامين:ولج ضوجتي البنيه شو اطينياها لا يصيرلها شي يل فاهيه
ميامين:يمه مال عض ادبسز تخبل بيضه على حمار وصغيره كولش عبالك ملاك وخاليها بس حواجبها على ابوها خلوها با الخدج رحت شفت ملاك نايمه لسه كعدت انتظرها تكعد
ملاك بوجع:بطنيي
ميامين:يا عمري هسه اصيرين زينه
ملاك:بنتي وين بنتي اريدها
ميامين:اهدي هسه يجيبوها
ملاك:وينها
ميامين:با الخدج لان شوي حالتها مو زينه
ملاك:اريد مي
ميامين:شربتها مي وطلعت جابو الطفله اخذتها ووديتها لملاك هاي بنتج الوكحه
ملاك:خلتها بحضني كمت ابجي من الفرحه كل الوجع راح من شفتها وشفت وجهها الحلو بستها وحضنتها
ميامين:ديري بالج لا تختنك
ملاك:لا ما تختنك
ميامين:شراح اسميها
ملاك:ما ادري لسه ما مفكره بأسم
ميامين:اممم سميها جوانا او هازال
ملاك:جوانا راح اسميها ما طول انتي طلبتي ما راح اعترض ☹️💗
ميامين ببتسامه:عمرييي اهبج 💜
ملاك:اجه ابو ميامين قره بذنها وسماها
ابو ميامين:هاي هديه مني لجوانا خمسه وعشرين
ملاك:تسلم عمو ما اعرف شلون اشكركم كلكم على وكفتكم وياي
ابو ميامين:اعتبريني ابوج بنتي
ام ميامين:وهاي هديه مني هم مال عين خاف يحسدوها
ملاك:ههه ضليت يومين با المستشفى وبعدين طلعت اني وجوانا رجعت للبيت اتوسلو بيه اضل ابيت ميامين بس ما قبلت عيب واستحي هم ضلت ميامين يمي تجي العصر وترجع
ميامين:صدوك من جنه با المستشفى اتصل بيج شاهين
ملاك:شيريد
ميامين:ما ادري والله لان رفضته
ملاك:احسن
ميامين:شراح اسوين ويا اضلين
ملاك:لاا منو كالج اريد اطلك وره ما اخلص من قضية بابا وافضح عمامي الحقراء راح ارفع عليهم قضيه هل سبوع
ميامين:عفيه عليج هيج اريدج قويه
ملاك:كامت تبجي جوانا كمت رضعتها وفتحت الكماط وكمت العب وياها اني وميامين صار المغرب راحت ضلينه بس اني وبنوتي كمت بدلتلها ونومتها ومددت بصفها اباوع عليها معقوله صرت ام شبسرعه وين جنت وين صرت جنت بوصت اهلي فرحانه وهسه وحدي حتى زمرد عافتني اووف يا دنيا