جمعنا حلم 🍫 باللهجة الجزائرية 🍫

الحلقة1ج*4*

الشخص الذي يحبك هو الشخص الذي يبكيك.

راقد في فراشو يتفكـر اليوم اللي ماتت فيـه بسمتو حياتو روحو ماحسش على روحو غير والدموع ينزلو منو فاق على صوت خوه : منصور نوظ يـاخو راه وذن الفجر يلا ندبرو على راسنا
منصور : راني نايظ مراكش تشوف بعدا روح من خليقتي
صحا راني رايح ... و مشا
منصور : انااااصر تسنا راني غير نزعق يعمري أرواح جا ناصر جمع حداه شاف بلي كان يبكي
ناصر : ادعي لها ي منصور مراحش ينفع البكا عليها دوكا ماتت الله يرحمها
منصور : و الله منيش مأمن روحي كيفاش تموت أنا داومتها كـي تجي تنوظني و تشوف ليا لبستي و توجد ليا الدوش و طاح على ركابيه و ولى يبكي كي طفل الصغير و يقول : امااا أنا توحشتك ي يماا ارجعي ليا ارجعي تشوفي وليدك كي ولا بعد فراقك يماا أنا توحشتك ، ناصر موعاش على روحو و الدموع يطيحو منو قد ما منصور ضعيف و حساس بزاف و يتفضح بصح ناصر قوي و ميبينش دموعو من آخر صدمة دها قبل ما تموت أمو
ملاحظة ؛ ناصر و منصور توأم

~~~~~~~~~~~~~~~~~~~

   تجري بلاغوب بلونش و تشوف من وراها الساعة 23:43 شافت الساعة جات تطلع راسها و تشوف غير ضو قشع في عينيها رمات روحها و بدات تنفس بالقوة شوي يصرعها الكار ( الحافلة ) فاقت لروحها و تسمع تيليفونها يصوني شافت الرقم : ي رب كيفاش نسيت يقدرو يحكموني بالبيست قلعتها من التيليفون و عظعظتها و رماتها تفلتها من فمها لمت روحها و وقفت تشوف وين راهي لاقت روحها في بلاصة أشجار و صحرا تلفتت تحوس ماكانش حتى واحد تنفست و جلست تشوف واش جابت معاها فتحت الساكادو اللي جابتها معاها
فطنت على روحها بعباية العرس سرحت في العباية و تقول و تبكي : يا ربي استر عليا دوكا أنا واش درت دركا الناس وااش راح يقولو عليا لا لا ماشي عليا ديجا من وقتاش ندير على كلام الناس واش رح يقولو على اماليا عايلتي باينة بابا كان يحكمني يقتلني البنات كامل كي يلبسو الاغوب يفرحو ليوم عرسهم مي أنا نهار عرسي نهار جهنم و هي تبكي شوي شافـت auto هيليكس كبيرا و من وراها ربعة هاربات ( سيارات ) نزلت راسها و تخبات من ورا شجرا في هادوك الشجورة
دخل راجل طويل عريض يخوف هي شافتو منا بلعت ريقها منا و بدات ترجف ....
هو بصوت غلييظ : هبطوهم ، و تشوف البادوڨارد نتاعو مهودين تسعة رجال بركوهم على ركابيهم و ڨلعو الساشي اللي مغطين بيها وجوهم
البوس : دركا واش باغين ديرو ي ***** وروني نتوما تدو عليا الصفقة اللي من وراها كان راني ربحت 90 مليار يلاه جاوبوني نتا اوقف شير على الراجل الأول ، وقف الراجل قرب منو و جاب سكين كبير قطع ليه لحمو شوي شوي و هو يضحك
المسكينة اللي كانت تفرج بدات تبكي و ترجف بقوة و جاها مخص قوي و حابه ترجع ....
شير على الراجل التاني : دورك يلا تقدم
الراجل التاني: لا لا الله يرحم والديك يا قادة ربي..... مخلاهش يكمل رسل ليه رصاصة في عينو : موت ينعل والديك و عندك وجه و تقول سميتي تاني عيط على الخدامين نتاعو بغضب : سخنو الزيت الڨازوار ( البنزين ) ليهم مليح و رمو خمسة فيه و زوج هاتوهم راني مزال باغي نتسلا بيهم و راح فتح قفلة في الهوا تفتح باب و دخل منو تحت الشجرة ...... هي : اهاااا اسمو قادة 😁 و بعدين فطنت واش راهي تقول ، و أنا واش دخلني لازمني نهرب قبل ما يفيقو ليا و جات توقف ما حست غير و حاجة ترفعها من شعرها في الهوا ...
البوس ( قادة ) : شكون نتي و واش راكي ديري هنا 👿
هي : ا ا ا ا  و تغمى عليها ..... رفدها حطها تحت ذراعو  دخلها و دخل لها قشها و هو حاير فيها ........ كان اللي في بالي صح تقرا الفاتحة على روحها و تبسم تبسيمة شر 😈 و دخل .......

يتبع .......

عندما لا ندري ما هي الحياة ، كيف يمكننا أن نعرف ما هو الموت .