جمعنا حلم 🍫 باللهجة الجزائرية 🍫

الحلقة 1 ج*2*

أستيقظ بفاجعة فأجد أنه حلم و كل ما رأيته حلم ....
هند : حلم ، حلم ، حلللللم ....
أمسك رأسي بقوى و أعصره بين أناملي أناظر حولي فلا أجد شئ
إذا كان حلم حسنا ظننته عاد
إذا لن يعود أنظر للوقت فأجد نفسي تأخرت كثيرا فأقفز بيأس
و اسرع أحضر الفطور و أسابق الثواني للجامعة أدخل فأجده يراقبني
كعادته ، أمشي  و لا أبالي به فطبيعتي لا تتجانس مع أي من الجنسين
أجلس في مقعدي و اتابع المحاضرة إلى ان تنتهي و أعود للبيت فأجد زوجة أبي أمام الباب و قد رميت آخر ما تبقى من أغراضي أناظرها
هند : واش بيك علاه راكي ديري هكدا و قشي واش دار ليك
نورة ( زوجة الأب ) : و الله جا في راسي ندير هكا درت و نتي مالك
هند : كيفااش مالي يخي هادو قشي
نورة : و الله طولتي هنا قرانك تزوجو و جابو الأول... تقاطعها هند بصفعة على وجهها ...
هند : شحال من مرة قلت لك منسمعش هاد الكلام منين تفهمي
نورة و الغصة فيها : تضربيني كف داكوغ غير يجي باباك داك لقيس نتفاهمو ...
هند : قودي ، منخافش غير من ربي 
نورة دخلت و تركت هند تجمع بقايا شتاتها ، كرهت من عيشتها كرهت حياتها البائسة اشتاقت له بقوة اشتاقت لتهدئته لها اشتاقت لحنانه عليها كان لها الأب و الأخ و الرفيق و السند عشقته بجنون و للان  تعشقه رغم رحيله عنها ...........

Flash back :

قبل سنتين .....

هند تقطع شارع بسرعة و لكن لسوء حظها تتعثر و تصدمها سيارة مجد
مجد و قد مات رعب و خوف على من دهس ليترجل من سيارته و بأقصى مالديه حملها دون النظر لها كانت تنزف بغزارة أدخلوها العناية و بقيت تحت العناية المركزة ....

**********

بعد ست شهور ....

نوظ نلقى واحد قاعد حدايا يشوف فيا و أنا راسي يسطر عليا و مانيش فاهمة حتى حاجة نخزر فيه و نقول : شكون نتا ... لا لا شكون أنا نشوفو وقف و قاعد يعيط لطبيب ، جا الطبيب و بدا يتفحص فيا و أنا منيش فاهمة حتى حاجة بديت نشوف في روحي في قشِ في و مبعد قلت ليه بتحلال : الله يخليك قول ليا أنا شكون و انا شكون و هو تقول ڨاع منيش نهدر معاه أنا شوي و نهبل شديت راسي و رجعتو على الوسادة هو شاف معايا و قالي : سمحي ليا ضيعيت لك من حياتك 6 شهور و شوي نشوف دموعو طيح رجف قلبي و نقول في نفسي : ياربي مسكين علاه راه يبكي جيت نوقف نروح عندو نهديه شوي مقدرتش نوقف و نقول ليه : اسمع نتا شوف معايا منيش قادرة نوقف
و نسمعو يزيد في البكا نتاعو دوكا فهمت علاه دموعي ولاو يطيحو وحدهم يعني وليت معاقة منقدرش نوقف تصدمت و وليت نتفكر شكون أنا و مر شريط حياتي كامل قدامي أنا هند ،هند اللي الدنيا متكسرهاش مهما جاو قدامها الصعاب و تفكرت يوم الحادث يوم اللي خبطتني auto حمرا يعني وليت منقدرش نمشي من الأكصيدو  شفت معاه و مسحت دموعي لخاطرش مراحش ينفعوني هد الدموع و قلت ليه : واش اسمك قالي و هو يرجف و يشوف فيا : م م مجد و و سمحي ليا الله يخليك ندير ليك اللي بغيتيه المهم تسمحي لي أنا شفت فيه شوي و فهمت علاه راه يستسمحني يعني هو اللي ضربني بـ auto

هند : راني مسامحتك بصح بشرط
شاف معايا و قالي بسرعة و فرحة : موافق و الله اللي تشرطيه
قلبي رجف يشبه للأطفال بريئ بزاف و أكثر حاجة جدبتني ليه هي حبو لناس كان كان وحداخر كان خبطني خلاني مرميه و راح مي هو قعد معايا و مزال يطلب السماح و هو عارف اني انا الظالمة لخاطرش أنا اللي جيت قدامو ....قطع ليا افكاري
مجد : قولي ليا شرطك راني نقارع فيك ...
هند : شرطي هو ........

يتبع .....

لن يفهمك إلا إثنان ، أحدهم مر في حالتك ، وآخر يحبك جداً