خلفاء العشق (الجزء الثانى لضد المستحيل )

الفصل الثالث

بسم الله الرحمن الرحيم ...........

قراءة ممتعه ...........

&&&&&

ويبقى لدى الأمل ان أصل اليك واستوطنك و تكون لى خير وطن

            ***********************

واستمر الغداء ثم راح كل واحد لأوضته فقالت ملك:يلا نروح أوضتنا وأوريكى أماكن أوض اخواتى علشان لو عوزتى حاجه منهم
نور:يلا
بعد انتهائهم من رؤية الغرف والتميز بينهم دخلوا إلى. الغرفه فقالت ملك: أنا بقا هديكى بيجامه من عندى لحد ما تشترى لك أوك
نور :أوك
الكل كان قاعد فى حالة من الحزن على نور لأن اللى حصل لها صعب جدااا
فقالت رحيل بأسف:يا عينى عليها بجد هو لسه فيه حد كده إنسان زباله صحيح
ألماس:فعلا ........كيان....... كياااان!!!!!
كيان:هاااا......نعم يا ألماس فيه أيه ؟؟؟؟
ألمااس:دا انتى مش معانا خالص
كيان:لؤى ممكن نروح ؟؟؟؟؟
لؤى:يلا ........ ..
غيث بتفهم :تمام اتفضلوا انتوا
فسلمت ألماس عليها وقالت لها :حبيبتى انتى العامل اللى الأساسى والشخص الوحيد اللى يقدر يخرجها من اللى هى فيه حاولى تكونى فى ضهرها ديما وخليها تعيط ومتكتمش فى نفسها وبإذن الله خير
كيان:يااااارب يا ألماس يااارب
رحيل: انتى قدها يا كيان وانشاء الله ازمه وتعدى
كيان:انشاء الله ......
لؤى:مش عايزين حاجه؟؟؟؟
ردوا:سلامتك .......مع السلامه

روح لؤى وكيان البيت ودخلوا لقوا البيت هادى كالعاده البيت ده اللى مكانش شعلة الفرح بتطفى منه زهرة دبل ومعتش زى الأول فدخلوا وغيروا هدومهم و دخلت كيان أوضة عهد براحه بس هى عارفه انها صاحيه مسكت دموعها بالعافيه وراحت باست جبينها وطفيت النور وخرجت تانى وقفلت الباب بالراحه وبتلف لقت لؤى فى وشها مااستحملتش واترمت فى حضنه وعيطت جامد وهو بيحاول ميضعفش هو كمان ويعيط بنته صعبانه عليه أوى اتحولت فجأة وانطفت خد كيان وراحوا أوضتهم وهى لسا بتعيط فى حضنه فمرت من عنيه دامعه خاينه مقدرش يمسكها فضلوا على الحالة دى يمكن ساعة بتعيط فيها بس لحد ما أخدهم النوم وناموا

        ****************************

بعد ساعة كمان دخل سليم البيت هو كمان وقبل ما يدخل أوضته دخلت أوضة أخته وبنته وحبيبته وصاحبته وكل ما ليه فى الدنيا
دخل وهو عارف انها صاحيه وقعد جنبها على السرير وشدها لحضنه وهى كانت مستنياه مستنياه علشان تترمى فى حضنه وتستمد منه القوة
فقعد سليم يملس على شعرها وهو بيقول
:مينفعش كده يا عهد والله مينفع يا حبيبتى احنا مؤمنين يا عهد واللى بتعمليه ده عليكى حرام عليكى نفسك اللى بتدمريها يوم بعد يوم محدش عارف الخير فين يا حبيبتى ارضى بقضاء ربك وقدرة واتأكدى انك هتنالى حاجه أكبر من اللى ضاعت بس حطى ثقتك فى  ربك يا عهد
عهد بصوت متحشرج:مش قادرة يا سليم والله ما قادرة عارفه ان ده حرام بس مش بإدى يا ليسم مش بإيدى والله
سليم بدموع وهو عارف هى حاسه بأيه هو مش مش قادر حتى يتخيل نفسه مكانها :حاولى يا حبيبتى حاولى لو مش علشانك حاولى علشان اللى حوليكى بالله عليكى انتى ديما من وانتى صغيرة بتكتمى حزنك ووجعك عن اللى حواليكى بس ده يا حبيبتى بيدمرك انتى طول عمرك قوية يا عهد مينفعش فى أهم وقت انتى محتاجه فيه القوة تبقى ضعيفه صدقينى مينفعش
عهد:هحاول يا سليم هحاول
سليم باسها من شعرها وغطاها وقال ليها بمرح:نامى يا اختى نامى انتى حميتينى دموع حرام عليكى الهدوم اشتكت
عهد بضحك:فدايا يا أبا فدايا
سليم بحنان:طيب يا حبيبتى ممكن بقى تنامى وترتاحى علشان الكليه
عهد:حاضر يا أبيه حاضر