خلفاء العشق (الجزء الثانى لضد المستحيل )

الفصل السادس عشر

بسم الله الرحمن الرحيم

قراءة ممتعه........

■■■■■■■■■■

_لقد كُنتِ مهربي الوحيد ، فأين انتِ الأن

          ●●●●●●●●●●●●●●●●●●●●●●

تانى يوم باليل كان الكل جاهز علشان يروحوا بيت نغم
وركبوا العربيات
كانت نغم هى وأسماء صاحبتها اللى بتشتغل معاها فى الصيدليه ولوكا والحاج سمعه
وصلوا غيث وأولاده وكان معاهم أدهم الكبير ولؤى وجسار ودخلوا واستقبلهم الحاج سمعه أحسن استقبال البيت كان بسيط أه بس كان مترتب ونضيف جدااا ودافى بعد ما قعدوا خرجت نغم وأسماء وكانت نغم جميله جدااا وكلهم اتبهروا بيها
و سلمت عليهم و قعدت جنب ألماس
فقال غيث بهدوء وبإبتسامه:إحنا دلوقتى يا حاج اسماعيل يشرفنا اننا نطلب إيد الأنسه نغم لإبنى أدهم واحنا عارفين قد أيه هى إنسانه محترمه ومتربيه ويسعدنا ان حضرتك توافق
فقال الحاج اسماعيل:والله يا ابنى احنا برضوا يشرفنا اننا نناسبكوا وإذا كان على رأيى أنا والحاجه مليكه فإحنا موافقين والرأى الأخير رأى نغم
ها يا نغم يا بنتى أيه رأيك؟؟؟
نغم :اللى تشوفه حضرتك يا عمو اسماعيل انت عارف انك بمقام بابا عندى
غيث:يبقى على خيرة الله نقراء الفاتحه
انتهو كلهم من قراءة الفاتحه فقال غيث :يبقى كده يا حاج اسماعيل نغم تخصنا وبإذن الله الشبكه هتتحدد فى أقرب وقت مع أخو العريس مراد ويبقى الفرحه فرحتين
اسماعيل:اللى تشور بيه يا ابنى
قعدوا شويه يتكلموا ويتعرفوا على بعض
ونغم اتعرفت عليهم وحبتهم جدااا
بعد مده
قال غيث: عنئذنكوا بقا يا جماعه
اسماعيل:اذنك معاك يا يا ابنى نورتونا
مشيوا غيث والعيله وأدهم اللى كانت فرحته باينه على وشه جدااا
سليم وملك وصلوا البيت وأصر سليم انه يتكلم مع غيث وجسار ولؤى وأدهم وجاسم ومراد وطبعا أدهم الراوى سابهم وطلع أوضته هو والباقى
قعد سليم وقال بسرعه لغيث :أنكل غيث لو سمحت أنا سمعت كلامك وقبلت أن الخطوبه تستمر سنتين كاملين أرجوك بجد والله أنا معنتش قادر أستحمل أكتر من كده حضرتك عارف أنا قد أيه بحب ملك وبجد معنتش متحمل انها تبعد عنى أنا عندى دلوقتى ٣٠ سنه و عايز أعيش حياتى حضرتك عارف انى ظابط يعنى حياتى على كف عفريت أرجوك أنا عايز نكتب الكتاب فى أقرب وقت وأوعدك انى عمرى ما هقف فى وش دراستها بس لو سمحت ممكن تفهمنى وتحط نفسك مكانى
قال مراد لأدهم بتأثر  :والله ابغى ابكى بس استحى اهى اهى اهى
أدهم:الواد مأفور أوى أنا مقولتلوش يكلمه كده شكل أبوك والله اعلم ممش هيوافق
مراد:تفتكر ؟؟؟؟
أدهم:أفتكر جداااا
قال غيث بعد صامت طال شويه بهدوء وهو بيبص فى عنين سليم بتركيز:سليم انت عارفه انت بقول أيه ؟؟؟؟؟انت بتقول لى إيدينى قلبك .....ملك دى مش حته من قلبى بس دى قلبى كله ........أقسم بالله لو دمعه واحده نزلت من عنيها ......لهيكون فيها موتك
سليم:والله يا باشا ما أقدر أزعلها أصلا انت مش عارف هى قد أيه غاليه عندى و أنا عارف قيمتها عندك وأكيد مش هكون سبب فى يوم لنزول دمعه واحده من عنيها أوعدك
غيث :يبقى تمام كتب الكتاب هيكون بعد حفل خطوبة مراد وأدهم
سليم:احم غيث باشا يعنى لو تسمحلى بطلب أصغر من اللى فات يعنى
غيث:اتفضل يا ابنى عايزين ننام
سليم لأدهم : صدقت انها  عيله مينفعش معاها الأدب أصلا أنا كنت عارف
ضربة أبوة فى جنبه وهو بيقول :بس يا حيوان عدى الليله من غير طولة لسان أصله أصلا طول عمرة مش طيقك مش عارف ليه
سليم:باشا !!!!!....ممكن نكتبه قبل الخطوبه دا بعد إذنك طبعا ....... احم ممكن يعنى
غيث:قلبت متربى كده ليه يلا اومال لو مكنتش جاى تخطبها من غير ما تقول لأبوك وكنت عامل فيها شبح قلبت قطة ليه ؟؟؟؟لعلمك يا سليم أنا لو كان عندى شك ولو واحد فى الميه من انك هتقدر تصون ملك مكنتش قبلت انها تلبس دبلتك أو حتى تلمح طيفك ......وأنا مش هعمل زى أى أب وأقول لك ليه ومش ليه أنا مقدرك كويس وعلشان كده كتب الكتاب اليوم اللى قبل خطوبة مراد وأدهم يلا بقى هوينا علشان عايزين ننام
طلع غيث أوضته وساب سليم فى صدمته فقال سليم بعدم تصديق:كده بس .........ما اهى طلعت سهله أيه ......أومال أنا كنت بحضر ده كله من يومين ليه ؟؟؟؟؟؟....يا حلاوة يا ولاه أنا بقيت عريس
جاسم بتهكم:لا يا أخويا انت بس كنت بتتدرب ازاى تبقى محترم دا اللهم احفظك طبعا فعلا عملت انجاز فى انك تفضل نص ساعه على بعضها من غير ما تشتم
قام سليم بص له ببلاهه وهو بيقول :يا أخى يا***** الواحد كان مندمج فى الدور أيه ده لا زم تفصلنى يا فصيل يلا يا بابا يلا يا عم انت وهو أنا عايز أروح
جسار:مبروك يا أخويا هتدخل القفص
جاسم:لا واحياتك دا أنا هقفل على جناحه القفص ده هو مفكر انه يأخود برينسيسة العيلة كده بالساهل لا مجذرش
مراد:يلا يلا من هنا انت مش شايف ان الوقت اتأخر يلا على بيتك
سليم:ماشى يا أخويا ماشى جاتك البلا فرحان فيك وربنا وربنا لأخلى عهد تربيك يا واكل ناسك انت
مراد:مد يلا من هنا دا احنا جامدين أوى
خرج سليم وأدهم وجسار ولؤى من البيت

وانتهى اليوم بدون أحداث تذكر

          ●●●●●●●●●●●●●●●●●●●●●●●

جه تانى يوم ومر بهدوء على البعض والقليل من الأحداث
عهد وملك بدأو تدريب فى شركة الراوى وكانت عهد متدربه تحت اشراف مراد وده زعجها جدااا
بس متكلمتش
أما شركة الدميرى كانت وجد قاعدة على مكتبها وهى بتراقب دخول قصى النويرى شركتها وهى بتبتسم إبتسامة ثقه
بعد شويه دخلت ليها السكرتيرة بتاعتها وهى بتقول بمياعه:وجد هانم مستر قصى وصل شربت وجد قهوتها بتلذذ وهى بتقول ربع ساعة  ودخليه
:تمام يا فندم
قعدت وجد على كرسيها براحه وشردت فى نقطة وهميه واترسم على وشها ابتسامة صياد دخلت فريسته قفصه
دخل قصى وهو كان باين عليه الإبتسامه عكس ما كانت متوقعه
فقالت بغيظ:أيه يا مستر قصى شكل الخدمه هناعجبتك(قصدها على ان سكرتيرتها دلعته واتمايعت عليه علشان مز )
قصى بإستفزاز:فعلا خدمه خمس نجوم
وجد ضربت قلمها فى مكتبها بهدوء ووسندت على المكتب وقربت منه وهى بتقول  بتشفى :٣ سنين
قصى بعدم فهم:٣ سنين أيه ؟؟؟؟
وجد:تساعدنى أفلس شرف النويرى (جد قصى)
وعليته لمدة ٣ سنين وتساعدنى نقفل عليهم أى باب ممكن يساعدهم لما الكارثه دى تحصل عايزة أشوفهم عايشين فى نفس المنطقه اللى كنت عايشه فيها وأنت هتختار لهم أزبل بيت عايزاهم يتذلوا ومنخيرهم اللى رافعينها السما دى تتكسر أنا عايزه غرورهم وتسلطهم كل السنين دى يطلع على جتتهم أنا عادى جداااا أقدر أفلسهم بس الصراحه عايزة أشوف نظرة القهر فى عنيه وهو بيشوف حفيده بيدمره وهو بيضحك هو وعدوه كلمة واحد تنهى أى ذرة حب جوايا لك يا قصى ولو خيبت أمالى يبقى عليا وعلى أعدائى وأقسم بالله ساعتها ما هرحم حد كان فى من الأيام سبب ألم أو اهانه اتعرضت لها ولاأسف هيكون انتى صاحب النصيب الأكبر فى. الدمار اللى هشنه على الكل .........???? Deal
قصى ببسمه قاسيه:Deal
فقال وجد:يبقى حلال عليك بداية جديدة وانت اللى هتخطيها يا قصى باشا
قصى:أنا معاكى يا وجد فى القرف ده علشان أنا اتظلمت زيك بالظبط لا وممكن أكتر كمان وهما يستحقوا انى أدفعهم تمن اللى عملوه فيا وفى حبيبتى
وجد:تمام نفس المشروع الخاص بشركة الراوى والدميرى والنويرى من حيث الميزانيه  بإختلاف التصميمات أدفعهم دم قلبهم وبعدين أنهيه بإشارة منى والصراحه أنا هضحى بالماده اللى هدفعها كله لأجل شروفه بيك وطبعا شرف باشا هيكون عارف بعض الأخبار عن المشروع الخاص بينا فده هيخليه يدفع بقلب جامد ما هو كلب فلوس بقا بس معلش خليه يتعلم ويفتكر ازاى كان المفروض  يعامل أسياده .......الصراحه دورك مش مهم أوى فى خطتى بس علشان أنا قلبى طيب ورقيق وعرفت كمية الألم اللى انت عيشتها وكده يعنى فصعبت عليا وقولت أديك فرصه .....بس المرة دى هتكون فرصه ان خسرتها مش هتوجعنى زى أول مرة وأدينا بنتعلم
المهم .......انت اللى هتسرب لهم بعض المعلومات عن الصفقه اللى بينا بشوية اختلافات طفيفه كده علشان يدفعوا وهما فرحانين بنفسهم أوى المهم ها معايا ؟؟؟
قصى:ماشى يا وجد حددى الوقت المناسب اللى عايزانا نبدأ فيه الحكاية دى وقولى لى
وجد:شرفت يا مستر قصى
قصى:تيك كير بيبى ......
بخفوت لنفسه بعد ما خرج من عندها 
:بيبى!!!! ..... يلا الله يجحمهم نسوان شياطين الله يخربيت دماغك دا أنا فعلا طلعت بيبى