نهوت ابن عمي

البارت السادس

هلوو شلونكم رجعتلكم بارت جديد
يلة نبدي
احمد: سمعت حسين جاي يخطب زهراء عصبت وكلت راح احجي كلمتين واريد الكل يسمع والحاضر يعلم الغايب زهراء بت عمي ايمن اني ناهي عليهة والي يعارض كلمتي ما يلوم الة نفسة
ابو حسين :بوية كوم احنة اهنا انهانت كرامتنة ومالنة جية هينة بعد
زهراء: جنت نازلة الدرجة وسمعت صوت احمد يكول اني ناهي عل زهراء اني هنا ما حسيت غير اغمى علية فتحت عيوني لكيت روحي بغرفة بيضة وماما وبابا واحمد يم الباب اجتي ماما باستني
ام زهراء: هاي يمة الحمدالله عل السلام شبيج ليش هيج صار وياج
زهراء: ما اتحملت وكمت ابجي وكتلهة ماما ما اريد ازوج احمد فدوة
احمد :ورى ما طلع ابوحسين سمعت صوت عياط بالبيت كبل طلعت من الديوان وطبيت لكيت زهراء بالكاع وامهة تبجي وتعيط كبل شلتهة وسويت الدرب خمس دقايق دخلت بيه لمستشفى ورى شوية طلع الدكتور وكال
الدكتور :الحمدالله عل سلامتهة ما بيهة شي انهيار عصبي ومتعرضة لصدمة
احمد :مشكور دكتور نكدر نفوت نشوفهة
الدكتور :اي طبعا
احمد: دخلنة الغرفة وجانت نايمة جنهة ملاك شوية وكعدت وكامت تحجي وية امهة وشفتو الفوك اني هنا انصدمت طلعت سامعة كلشي يعني لهذا السبب هية بهذا الوضع بس الصدمني اكثر كلام ابوهة لمن كال
ابو زهراء: لا بابا ماكو هيج شي اصلن احنا باجر راح نطلع نعيش باربيل لن نقلت الشركة اهناك وباجر حضرو نفسكم
احمد :لا عمي زهراء ما تروح وياكم هية صارت الي
ابو زهراء: كمت ضربتة راشدي وكتلة انت شنو وتقرر بكيفك هاي بتي واني حر بيهة
احمد :اجى عمي وضربني اني هنا كلش عصبت كلت زهراء الي وما اصير لغيري هذا اخر كلام وطلعت من الغرفة
زهراء: اني اسمعهم يحجون وعيون تصب دموع كلش تهسترت بابا سوى اوراق خروج وطلعنة ورجعنة لبيت جدو كلهة اتحمدتلي صعدت لغرفة رغد سديت الباب واني ابجي عل الي صار لعد كل هذا الدلال هيج يصير بية نمت محسيت غير اكو احد يمسد عل راسي كعدت
احمد :ورى ما دارت الاحداث فكرت بكلشي وقررت انو ابطل النهوة كمت جانت الساعة١٢بليل رجعت لبيت هدوء صعدت لغرفتي فتت من يم باب غرفت رغد جانتةشوية مفتوحة دخلت شفت زهراء نايمة خطية جنهة طفل كعدت يمهة العب بشعرهة شوية وفزت
زهراء: انصدمت لمن شفت احمد كاعد يمي وعيونة حمر يمكن جان يبجي اني كبل وخرت من يمة وكام وهو يحجي
احمد: اني شلت النهوة عنج يا بت عمي تكدرين ترتاحين تصبحين عل خير وطلعت وسديت الباب
زهراء: اني هنا نزلن ادموعي وحدهن جنت فرحانة لن شال النهوة بس بنفس الوقت ضايجة لن شفتو بهل الوضع رجعت نمت
احمد :طلعت من الغرفة وجنت حيل مختنگ طلعت لبستان افتر وادخن واكول هذا احسن حل واخليهة هية تريدني وما اجبرهة عل شي رجعت لبيت وصعدت لغرفتي سبحت ونمت
الصباح اليوم الثاني .......يتبع
خلص البارت السادس ادري بي قصير بس والله مريضة اعوضكم تصبحون عل خير حبايب