لماذا محمد ﷺ؟⁉️(مكتملة)

الحلقة2_بوست1💜

🎙 هكلمك عن أكتر واحد أحبَّك💗

✅ لأن ممكن ما يكونش هو أكتر واحد أنت حبيته في حياتك..

بس هكلمك هو أحبك ازاي ❗️

🎙 هكلمك عن اللي دموعه سالت عشانك وأنت مفيش مرة بكيت عليه👊🏻

أنا عايزك تحس بقلبك💓 ليه بلال وهو بيموت مراته بتقول واحزناه؛ رد عليها وقالها: "وافرحاه، غدًا نلقى الأحبة محمدًا وصحبه". 💞

👈أنت مش مشتاق له؟!
مش نفسك تشوفه في رؤية قبل ما تموت؟!
ما بكتش شوقًا له؟!
أنت من الناس دول ولا لأ ❓

روى مسلم (2832) عَنْ أَبِي هُرَيْرَةَ -رضي الله عنه- أَنَّ رَسُولَ اللَّهِ ﷺ قَالَ:
((مِنْ أَشَدِّ أُمَّتِي لِي حُبًّا نَاسٌ يَكُونُونَ بَعْدِي يَوَدُّ أَحَدُهُمْ لَوْ رَآنِي بِأَهْلِهِ وَمَالِهِ))

💎 صهيب ترك ماله 💰عشان يهاجر لمكة يشوف النبي ﷺ، وأبو سلمة ترك مراته وابنه، وذراعه اتخلع عشان يهاجر للنبي ﷺ.

👈أنت تدفع كام عشان تهاجر للنبي وتشوفه⁉️

أنا هكلمك بس عن موقعك في قلب النبي ﷺ كان إيه‼️

🎙وهكلمك عن حنانه مش رحمته، لأن الرحمة بتكون للمسكين، لكن الحنان من الأم والأب على طفلهم. 💚

🎙هكلمك عن حنانه مع زوجاته⤵️

لما السيدة عائشة كسرت طبق الطعام بتاع السيدة صفية أمام الصحابة، والرسول وهو بيلم الأكل من على الأرض قال: ((غارت أمُّكم)).

لأن النبي ﷺ رحم غيرتها 💛

✔️عشان كده اختاري زوج متبع لرسول الله ﷺ ولسنته

💓حنانه مع خدمه ⤵️

حنانه مع سيدنا أنس؛ عشر سنوات لم يقل له لشيء فعله لمَ فعلت؟ ولا لشيء لم يفعله لِمَ لمْ تفعله؟

🤍حنانه مع الجمادات⤵️

💎 لما الصحابة عملوا للنبي ﷺ منبر وهو واقف عليه سمع صوت تألم الجذع؛ حاكم الدولة قطع خطبته وراح للجذع وحضنه لحد ما سكن، وقال النبي ﷺ: (لولا أني اِلتزمته لظل يبكي إلى يوم القيامة).

🎋 الجذع حنّ لرسول الله ﷺ وأنت قلبك ما حنّش له ❓

📌المشكلة مش أن الجذع حنّ للنبي ﷺ❗️
لا.. النبي ﷺ هو اللي حنّ للجذع وهو حاكم الدولة.

حنانه حتى على الحجر لما قال: (أُحد جبل🏔 يحبنا ونحبه).

💗حنانه مع اللي آذوه ⤵️

خالد بن الوليد بعد صُلح الحديبية انهار جيشه وقوته أمام المسلمين، وبالرغم من كل اللي عمله في المسلمين رسول الله ﷺ بعث له رسالة:
📨 مثلك لا يجهل الإسلام يا خالد، ولو جئتنا لقدمناك 💪

💗حنانه مع كل فقير ومسكين ومكسور وعاصي⤵️

لما دخل عليه شاب وقال له وسط الصحابة: يا رسول الله ائذن لي في الزنا..

تخيلوا الصحابة كلهم قالوا له ابعد واخرج بره 👊

لكن النبي ﷺ قاله بحنان:  قرب مني.. النبي ﷺ مسح على صدره وأقنعه، وفاجأه إن في حد هيسمعه ويقربه منه؛ خرج الشاب وحب رسول الله ﷺ عالج حبه للزنا، وخرج بإذن من الله بالهداية لأنه جاء وقرب 🌿

عشان كده حب النبي ﷺ علاج لكل شهواتنا 💯💯

🌟النبي ﷺ واحشك ولا لأ ⁉️

احنا اتحرمنا منه في الدنيا، مش عايزين نتحرم منه في الآخرة ✋

🌱 دي كانت نظرة لوجهه تخليك صحابي، ودعوة منه تخلي قلبك أطهر قلب🤍

💗حنانه على اللي لبس خاتم💍 في إيده وقال: يعمد أحدكم إلى قطعة من نار 🔥.. ونزعه من إيده.
ده حنان النبي ﷺ عشان تعرفوا إن كل حدود الشريعة حنان علينا.

💗حنان النبي ﷺ اللي كان لما بيسمع طفل يبكي وهو بيصلي كان يخفف الصلاة عشان أمه.

💗النبي ﷺ وحنانه عليك👈 أنت

⬅️ لما وقف يصلي #قيام_الليل 🌙ويبكي عشانك ويدعيلك 🤲 لما قرأ قول الله:

{إِن تُعَذِّبْهُمْ فَإِنَّهُمْ عِبَادُكَ ۖ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيم}

⬅️ ولما وقف يصلي كتير ويبكي عشانك في يوم وفاة ابنه إبراهيم -مش عشان ابنه- لكن عشان خسوف الشمس🌘 وظل يدعو ربنا ويقول 🤲اللهم إنك وعدتني ألا تعذبهم وأنا فيهم وهم يستغفرون📿

حبيته قد إيه وهو كام مرة بكى عشانك❓

🤛 احنا مقصرين في حب رسول الله ﷺ

النبي اشتاق لك وهو بيموت وبكى لما قال لأصحابه:
((وددتُ أنِّي لقيتُ إخواني، قالَ: فقالَ أصحابُ النَّبيِّ ﷺ: أوليسَ نحنُ إخوانَكَ؟ قالَ: بل أنتُم أصحابي، ولكنْ إخواني الَّذينَ آمَنوا بي ولم يرَوني))

احنا كمان اشتقنا لك 😢 يا رسول الله 💔

هنجاهد🦾 يا رسول الله عشان سيرتنا وحياتنا تبقى زيك 💙

#الحلقة2_بوست1
#سلسلة_لماذا_محمد ❓
#الشيخ_حازم_شومان