لماذا محمد ﷺ؟⁉️(مكتملة)

الحلقة5💜

✍ هنتكلم عن إعداد الله لرسول الله ﷺ كآخر رسول على وجه الأرض 🌍

⏪ إعداد النبي ﷺ بدأ منذ خلق آدم

فهو ﷺ الإنسان الوحيد الذي بدأت سيرته من قبل مولده 👌

مافيش مدرسة ولا معهد ولا جامعة ممكن تصنع نبي إلا الله 👌

💎سيدنا محمد ﷺ صناعة ربانية 💯

📌أعد الله النبي ﷺ من قبل ميلاده، وذلك لوجود أسباب كثيرة كانت من الممكن أن تمنع ميلاد النبي ﷺ 👌

1⃣ منع الله -عز وجل- أبرهة من أن يقتل أهل مكة، فأحرقه الله وجنوده بالطير الأبابيل، ونجّى أهل مكة من شره.

2⃣ جعل الله عبد المطلب يفدي ابنه عبد الله (والد النبي ﷺ) من الذبح بمائة ناقة، ليقضي رسالته ويموت، بعد ما آمنة (أم النبي ﷺ) حملت بالنبي ﷺ، واتولد ﷺ يتيم.

ليه النبي ﷺ اتولد يتيم ❓

✅ عشان يبقى رحيم، ويحس بجوع كل فقير.

✅ عشان أبوه وأمه ماتوا فلا أحد يعلمه الشرك (أبواه يهودانه أو ينصرانه).

✅ عشان ربنا بس اللي يربيه ويصنعه على عينيه.

كل حاجة في حياة النبي ﷺ مترتب لها جيدًا 👌

أبوه مات، ثم أمه، ثم جده 💔

🔖كل اللي أحبهم النبي ﷺ ماتوا عشان ربنا ما يخليش في قلبه غير حب ربنا 💚

📎النبي ﷺ لم يذق في حياته طعم الاستقرار؛ فقد تنقل من بيت أبيه لبيت حليمة، ثم رجع لأمه، ثم لجده، ثم لعمه، ثم لبيت خديجة.

كأن ربنا بيقول له مهما كانت الظروف صعبة حواليك يا محمد ما توقفش ✋

يا شباب اتعلموا من رسول الله ﷺ الكفاح💪

🌿 النبي رعى الغنم وهو صغير، عشان يتعلم الحلم وقوة التحمل.

✔️ ولأن الغنم شاردة، فتعلم كيف يجمع شتات العرب اللي بتقاتل بعضها.

✔️ ولأن راعي الغنم بيتنقل كثيرًا عشان المرعى والأكل، تعود النبي ﷺ أن يتنقل من مكة للطائف للمدينة عشان ينشر الدين📩

🍂خرج النبي ﷺ إلى الشام للتجارة وهو صغير عمره ١٢ سنة، عشان يتعامل مع الناس ويعرف معادنهم، ويفهم الواقع، ويدخل مدرسة الحياة.

وعشان الناس تعرف أنه صادق وأمين، ويتاجر بدون غش ✊

🍂 سافر النبي ﷺ وتنقل للتجارة عشان يبقى فكره عالمي، ويشوف ناس غير العرب.

🍂 عندما كان عُمر النبي ﷺ  ١٧ سنة دخلت مكة في حرب مع هوازن (حرب الفجار)؛ فدافع النبي ﷺ عن أعمامه دون أن يشارك في الحرب🗡

🛡إذ لا بد أن يشاهد النبي ﷺ حربًا ⚔ ليصير مجاهدًا 💪

🍂 عندما كان عُمر النبي ﷺ  ٢٠ عامًا، لعب دورًا سياسيًا هامًا في حلف الفضول لحكمته وإيجابيته.

💍 زواج النبي ﷺ من خديجة -رضي الله عنها-

زوجه الله تعالى من خديجة -رضي الله عنها- لتكون وزيرة للنبي ﷺ، وتطمئنه حين فزع من جبريل في الغار، وتسانده✊

ليه خديجة في مكة وعائشة في المدينة❓

✅ خديجة زوجه في مكة، عشان النبي ﷺ كان محتاج واحدة تستحمل معاه زي خديجة.

وفي المدينة كانت عائشة زوجه، لأنه كان محتاج واحدة تريحه وتخفف عنه عندما يعود من الغزوات. 👍

🍂 عندما كان عُمر النبي ٣٥ عامًا حدثت حادثة نقل الحجر الأسود، ومنع النبي ﷺ حربًا بذكائه وحكمته.

وبعدها ترك النبي ﷺ الدنيا وراء ظهره وصعد جبل النور. ⛰

🌐 ربنا أعد الدنيا كلها لاستقبال النبي ﷺ ورتب له العالم.

👈شوفتوا ترتيب الله لحياة النبي ﷺ وحفظه وعلمه 💛

🚫مش عايزك تخسر ترتيب ربنا لحياتك فلازم تكون أطهر قلب🤍 وتعيش لدين ربنا وتشيل همه.

💝 آه لو ربنا رتب لنا حياتنا.. آه لو عشنا للإسلام!

#الحلقة_5
#سلسلة_لماذا_محمد ❓
#الشيخ_حازم_شومان