الحلقة الاولى 💕🦋
عباره عن حياة زوجين
الزوجه ضحى
وزوج كمال
ضحى وكمال زوجين وكانو يتمنو يجيبو بيبي وبعد شهر من عرسهم حملت ضحى
البدايه:
ضحى: اول يوم في حملها ناضت تجري للحمام وسكرت الباب وغسلت وجها وكان وجها اصفر
روح كمال من عمله وكان متوتر بامور العمل وشاف ضحى وجها اصفر ومتغيرة ومريضه
كمال: ضحى خيرك ضحى شن فيك مريضه ولا شن فيك باين ان وجهك اصفر ومتغيرة
ضحى:مش عارفه نضت ع صبح ربي نَرَجّعْ وراسي دايخ
كمال: باهي وتي روحك تو نرفعك للمستشفى
ضحى: اي هي ماشيه نوتي روحي
ركبو ضحى وكمال ف سياره وعدوو للمستشفى وصللو للمستشفى
عدو عند الدكتور
الدكتور: انتي يا مدام تبي تحاليل وشوفي روحك قبل بعدين تو نشوفو شن تبي من ايباري وادويه
ضحى: اي حاضر ي دكتور
كمال: هي تو ناخدها وتدير نحليل دم
هي ضحى تعالى
دارت ضحى تحليل قالتلهم الممرضه تعالو بعد ساعه استلمو تحليل.
ولفو دورة ف سوق مبين ما وتي التحليل
وبعد ساعه رجعوو ضحى وكمال للمستشفى واستلموو التحليل وركبو ف سياره فتحت ضحى تحليل وقراته وطلعت حامل واخيرا حلم كل بنت انها تصير ام اكيد
بس هنا المشكله ان المستشفى يلي تعالج فيها ضحى وكانت ف ممرضه ف نفس مستشفى متع ضحى الممرضه تكره ضحى وحاقده عليها وتغار منها لانه ضحى حامل وحتكون عيله جميله وسعيدة وكلهم سمحين وممرضه هدي كانت متجبيبش اولاد ابدا فبعد شافت حياة ضحى كيف بدى فيها توسويس
كل يوم ف فترة الحمل تشوف ف ممرضه بس ملاحضتش ضحى ان الممرضه هدي غايرة منها وحاقده عليها الصراحه شي يضحك
شهر شهرين وتكبر بطنها واخرا دخلت ضحى ف شهر تاسع في الاسبوع الثالث
وفي ليله من ليلات الساعه 3في نص الليل تحس ضحى ف وجع ونغص ف بطنها وبدت تعيط وتبكي
من وجع
كمال: ناض من صراخ وعياط ضحى يلي ملا المكان
وجري بيها للمستشفى وصللو ودخلو غرفة عمليات وكانت بتولد بعد ساعه من عياط وبكي وتضريخ
ولدت ضحى بنت وما شاء الله كانت شقرا وجميله وعيونها زرق والممرضه الغايرة من ضحى كانت
تشوف وتسمع شن صار في ضحى وشن جابت (تقصقص) سمعت الممرضه الثانيه تقول ي مدام حنحط البنت ف غرفه الاطفال رقمها 12وبعد بدت دور الافكار في راسها وتخطط شن دير الممرضه الغيورة قررت تهرب بالبنت وتخطفها دارت روحها
عاديه وبتتاكد من مولدة دخلت لغرفه الاطفال وكانت دار مليانه اطفال مولودين جدد بدت دور ع بنيه برقم 12ولقتها وخدتها معاها ماسكتها بين ايديها وتهرب بيها من دون ما يعلم حد
بعدين وصلو اقارب ضحى واهلها حابين يشوفو البنيه قالوو لوحده من ممرضات نبو نشوفو بنت المريضه ضحى وقلتهم ممرضه تعالوو معاي لغرفه الاطفال دخلت ممرضه دور ع بنت رقمها 12وملقتهاش واستغربت وطلعت لاقارب ضحى قالتلهم بتوتر وخجل اسفه البنت مش موجودة ف غرفه اني ملقيتهاش بدو اهلها يقولو للممرضه كيف مش موجودة وين البنت وين دوري عليها هدي طفله مليهاش ساعه كيف نولدت كيف مش موجودة كيف عدو لي ضحى قالولها وين بنتك وينهي مش موجودة بنتك وينهي
ضحى: بنتي اني مش موجودة كيف. كيف صار
ونهدت ضحى ف بكي والعياط تو تجيبولي بنتي تو نبيها بنتي وين بنتي من خداها
وكمال وقريب هد المستشفى ع بعضها وقلب دنيا وهوا يهزب ويعارك ف ممرضين بس للاسف معرفوش شي صار ابدا ولا من خدي البنت
يوم يومين وهم يدورو ملقوهاش ابدا
وصلت الممرضه الغيورة لحوشها بدلت حوايجها وخدت البنت وبدت توكل فيها وربتها كانها بنتها
كانت تبي البنت السمحه بنتها ومش بنت ضحى من حقد والغيرة
يتبع
حنزل الجزء الثاني من روايه 🔥
وشن صار ف بنت 🔥
