من سرقت قلبي

اقتباس

روايه/من سرقت قلبي
بقلم/ وسام عامر

ـــــــــــــــــــــــــــــــــــــــــــــــــــــــــــــــ

حاولت لمياء أن تستمع أكثر لما يحدث من وراء هذا الباب لتجد نفسها تسقط أرضا
نظرت أمامها وهى مستلقيه أرضاً لتجد قدمان أمامها دعت ربها ألا يكون هو
رفعت نظرها ببطىء وهى تدعى
ولكن للاسف كان هو بدر وينظر لها

لمياء بضحكه بلهاء: هههههه... بدر حبيبي عامل اى... اى دا هو أنت جوا

أمسكها بدر من ملابسها (زى حرامى الغسيل😂) ورفعها عن الارض: يابت هو إنتى محدش عارف يلمك... نفسي أفهم أبوكى وأمك فرحنين بيكى على اى

لمياء بغضب وهى ترفس في الهواء : أوعى يا أخ.. مايصحش كدا... مش معنى إنى بفقد هيبتى قدامك وبحترمك تقوم تعمل كدا

بدر وهو يهزها: لا والنبي ما تحترمنيش.. عاملينى وحش.. ما تحترمنيش ياستى

لمياء: بسسسسسسس... أووف.. خلاص ياعم هى اى العيله دى ياربي... خلاص يا جدع.. روح أنت شوف كنت هتعمل اى وأنا ولا كأنى سمعت حاجه أنا أساساً ماسمعتش حاجه

بدر بحده: لمياء..أياً كان الكلام اللى سمعتيه مش عايز حد يعرف عنه حاجه سامعه

هزت لمياء رأسها سريعا: نزلنى بقا.. شكلى بقا وحش قدام البت.. إزاى أول فكرة عنى تاخدها كدا

نظر بدر لنور ليجدها تضحك: أنزلها؟

نور: ههههه.. هى شكلها كدا أحلى.. أنا بقول علقها هنا واللى رايح واللى جاى يلطش فيها وأهى تريحك كمان

نظرت لها لمياء بشر: بقا كدا يا نور... لاحظى إننا مش بنعمر مع بعض.. كل شويه تحصل حاجه تخلينا نقلب على بعض... ما تلومنيش بعد كدا لو رفعت عليكى مطوه ولا حاجه

نور بخوف: لا والنبي نزلها يا بدر.. مش ناقصه أنا

لمياء بشر: ماتخافيش يا شابه.. دا إحنا هنروقوكى هعهعهعهعهعه

بتول: ههههههه.. خلاص يا بدر مش قادرة هههه نزلها عشان خاطرى

لمياء: شوف البت.. بعد ما تعبت من الضحك تقوله نزلها

نظر لها بدر بقرف: أنا لو عليا اعمل زى ما نور قالت وأعلقك بس عشان خاطر توته بس أمرت يبقي هنزلك وأمرى لله

أنزل بدر لمياء لتركض سريعا لنور: بقا أنا يا مقشفه يا عود الكبريت أنا تقوليله يعلقنى

نور وهى تركض بصراخ :عااااا... يابنتى بهزر والله... يا بااااااااسسسسسل الحقننننننيييييي

ضرب بدر يده بيأس: يا حول الله يارب... والله مجنونه

بتول: لما أروح الحق أشوف هتعمل فيها اى...(لتصرخ بتول عاليا وهى تركض الاخرى)... لمياااااء إستنى ماتعمليش حاجه لحد ما أجى عايزة أتفرج